ადამიანის პირადი ნივთები გაჯერებულია მისივე ენერგეტიკით. ბევრს სჯერა ამის და არ ჩქარობს თავისი ნივთების გაჩუქებას. ამაში არის სიმართლის მარცვალი, რადგან თითოეული ნივთი, რომელსაც ხანგრძლივი დროის მანძილზე ვატარებთ, გარკვეულ ინფორმაციას ატარებს ჩვენს შესახებ.
ადამიანის პირადი ნივთები
ბევრი ჩვენგანი ხვდება, რომ ცრურწმენა არ არის სწორი და მსგავსი რამ სერიოზულად არ უნდა მივიღოთ, მაგრამ მთლად ეგრეც არ არის. ბავშვობაში დედები და ბებიები გვარწმუნებდნენ, რომ ცუდი იყო ზღურბლზე რამეს გადავცემდით სხვას ან დავსხდებოდით მაგიდის კუთხეში.უკვე მოზრდილები და რაციონალურად მოაზროვნენი, ხშირად ვგრძნობთ ხოლმე შფოთს, როდესაც წინაპრების წესებს გადავუხვევთ ხოლმე. როგორ მოვიშოროთ თავიდან ეს უსიამოვნო შეგრძნება? პაპარაცის დღევანდელ სტატიაში ამ თემაზე ვისაუბრებთ.ბევრი ცრურწმენა არსებობს პირად ნივთებზე, მის სწორ შენახვასა უტილიზაციაზე. ჩვენს ეპოქაში ხშირად დგება საკითხი, სად შევინახოთ ზედმეტი ნივთები. ძველი ტანსაცმელი, სავარცხლები, პირადი ნივთები… ყველაფერი ეს გროვდბა და სივრცეს ზღუდავს. სამწუხაროდ, ადამიანებს უჭირთ საყვარელ ნივთებთან განშორება.
ალბათ გინახავთ მოხუცების სახლი, სადაც ადამიანისთვის ადგილი აღარ არის, ყველა კუთხე გადავსებულია ერთი მიზეზით: “ოდესმე აუცილებლად დამჭირდება”. მაგრამ გადის წლები, ნივთები იმატებს, მაგრამ საჭიროების დრო არ დგება. დროა განტვირთოთ სივრცე!მაშ ასე, რისი მიცემა არ შეიძლება სხვისთვის და რატომ?
- არ არის სასურველი იმ ნივთების გაჩუქება, რომელიც შენს თავს და სახეს ეხებოდა. ეს არის სავარცხელი, თმის სამაგრები… მათი გაჩუქება ახალ მეპატრონეს გუნება-განწყობის დაქვეითებას და თავის ტკივილს მოუტანს.
- ნივთები, რომელიც ეხებოდა თქვენს გულს და მკერდს. ნებისმიერი ტანსაცმელი, რომელიც იყო სხეულის ამ ნაწილთან შეხებაში, რადგან თვლიან, რომ სწორედ აქ აქვს ადამიანს ყველაზე ძლიერი ენერგეტიკა.
- რა თქმა უნდა, ქვედა საცვლები. აქ ეზოთერულ მიზეზთან ერთად მარტივი ჰიგიენური წესებია დასაცავი.
- არ გვირჩევენ ჩანთების და საფულეების გაჩუქებას. უმრავლესობა აღარ იყენებს ქაღალდის ფულს და საფულე აღარ ჭირდება. უმჯობესია ასეთი ნივთები არ აღმოჩნდეს სხვის ხელში და დაიწვას.
- საწოლის თეთრეული უმჯობესია გადაყაროთ. ეზოთერიკოსები თვლიან, რომ სწორედ ის აგებს პასუხ ოჯახის კეთილდღეობასა და სიმშვიდეზე.
- სარკეების ადამიანები იშვიათად აგდებენ, მაგრამ მაინც გაითვალისწინეთ, რომ თქვენი ნახმარი სარკის სხვისთვის მიცემა არ შეიძლება. ის მისტიკურ ნივთად ითვლება, რომელსაც შეუძლია სასიცოცოხლო ენერგიის წაღება. ამიტომ მისტიკოსები გვირჩევენ, რომ არასასურველი სარკე დაამსხვრიოთ და გადააგდოთ.
რედაქციისგან: არ აქვს მნიშვნელობა რას გაითვალისწინებ: ეზოთერულ, პრაქტიკულ თუ სუფთა ლოგიკურ მიდგომას, როდესაც გაანადგურებ პირად ნივთებს. მთავარია, ამის შემდეგ თავი კარგად იგრძო. თუ შენი არჩეული მიდგომა შფოთს გაგინეიტრალებს და სიმშვიდეს მოგგვრის, ყველაფერი კარგად იქნება. თქვენ რას უპირებთ მობეზრებულ პირად ნივთებს? გაგვიზიარეთ კომენტარებში.
