ზოგჯერ ქალი მამაკაცზე უფრო მამაცია, ექსტრემალურ სიტუაციებში კი განსაკუთრებულ თვისებებს ავლენენ.
ეს სწორედ ერთი სასოწარკვეთილი გოგოს ისტორიაა. 1979 წლის იანვარში სიდნეის გარეუბანში სანაპიროზე წითელ საცურაო კოსტიუმში გოგონა გამოჩნდა. ერთი მხრივ, გასაკვირი არაფერია, მაგრამ ახალმოსული თვალის მომჭრელი იყო და ინგლისურად ძალიან ცოტას საუბრობდა.
გოგონამ პირველ შემხვედრს ძლივს გააგებინა, რომ პოლიციის განყოფილების პოვნა სჭირდებოდა. როგორც განყოფილებაში გახდა ცნობილი, უცნობს ლილიანა გასინსკაია ერქვა და პოლიტიკური თავშესაფრის სათხოვნელად გემიდან გაიქცა.
საბჭოთა საკრუიზო გემი „ლეონიდ სობინოვი“ პირმონტ ბეიში იდგა. გვიან საღამოს ოფიციანტმა თავისი ნივთები კაიუტაში დატოვა, ილუმინატორიდან გადმოხტა და სანაპირომდე გაცურა. ამისთვის დაახლოებით 40 წუთი დასჭირდა.
როცა გემზე მისი არყოფნა შეამჩნიეს, საბჭოთა საელჩოში ტელეგრამა იმწამსვე გააგზავნეს. ქალის პოვნა სცადეს, მაგრამ ძალისხმევა უშედეგო იყო. ის ადგილობრივი გაზეთის Daily Mirror-ის თანამშრომლებმა დამალეს.
სსრკ-ში ამის შესახებ დუმდნენ, აი ავსტრალიაში ლილია პრაქტიკულად ცნობილი ადამიანი გახდა. მისი ფოტო თითქმის ყველა ადგილობრივ გაზეთში დაიბეჭდა.
ოფიციანტისგან ინტერვიუს აღება ბევრ გამოცემას სურდა, მაგრამ Daily Mirror-ის თანამშრომლები მის ადგილმდებარეობას არ ამხელდნენ, სანამ ხელისუფლება ლილის ბედს არ გადაწყვეტდა.
ერთ-ერთ ინტერვიუში 18 წლის ლტოლვილმა აღიარა, თუ რატომ გაიქცა: „14 წლის ვიყავი, როცა გავიგე, თუ რა იყო კომუნიზმი და მისი მიზანი. ჩემთვის გასაგები იყო, რომ ირგვლივ მხოლოდ ტყუილი და პროპაგანდა სუფევდა. და ამის სიძულვილი დავიწყე..
რატომ გადავწყვიტე ავსტრალიაში გამოქცევა? ჟურნალში ფოტოები ვნახე და მივხვდი, რომ ეს დედამიწაზე ყველაზე ლამაზი ადგილი იყო“.
გასაკვირი არაა, რომ ლილიანას პოლიტიკური ლტოლვილის სტატუსი მიანიჭეს. ხმამაღალი განცხადებების მიუხედავად, რომ მას კომუნისტური რეჟიმისგან თავის დაღწევა და სხვა ქვეყანაში თავისუფლების მოპოვება სურდა, გოგონა დისიდენტს ნაკლებად ჰგავდა. სამშობლოში დასაბრუნებლად მისი დევნის მიზეზი გაურკვეველი იყო.
ახალგაზრდა გოგო ავსტრალიაში დიდხანს დარჩენას აპირებდა, ამიტომ სამუშაოს მოძებნაც სჭირდებოდა. მან მარტივი გზა აირჩია: ჟურნალ Penthouse-თან 15 ათას დოლარიანი კონტრაქტი გააფორმა და მისთვის შიშველი სურათები გადაიღო. ამის შემდეგ მოდელად, დიჯეიდ მუშაობდა და სერიალებში მონაწილეობას იღებდა.
პირადი ცხოვრება სწრაფად ააწყო. მისი პირველი ქმარი Daily Mirror-ის ფოტოგრაფი იყო, რომელმაც მის გამო ოჯახი მიატოვა.
1984 წელს კი ავსტრალიელ მილიონერს, იან ჰაისონს ცოლად გაჰყვა. 6 წლის შემდეგ ისინი გაშორდნენ და ლილის კვალი დაიკარგა.
ცნობილია, რომ მან ავსტრალია დატოვა და, სავარაუდოდ, ინგლისში გადავიდა.
ავანტიურისტმა ლილიმ ავსტრალიაში, სსრკ-სა და მთელ მსოფლიოში აურზაური მოაწყო. ერთი მხრივ, ასეთი ახალგაზრდა უკვე საკმაოდ მამაცი და თამამი იყო, მეორე მხრივ, საკმარისად ჭკვიანი, რადგან მისი გაქცევის ნამდვილი მიზეზი დღემდე არავინ იცის.
