როცა სადილზე რაღაც ახალი და საინტერესო გვსურს, უნებურად გვახსენდება, რომ ორიგინალური რეცეპტები ბევრ ეგზოტიკურ პროდუქტს და რაღაც ოსტატობას მოითხოვს. მადა ნელ–ნელა იკლებს და უბრალო ბუტერბროდით დაკმაყოფილება გვიწევს. სწორედ ამიტომ, გთავაზობთ რეცეპტს, როგორ გამოაცხოთ წიწაკა ღუმელში სხვადასხვა გემრიელი შიგთავსით.იგივე ბუტერბროდია, ოღონდ პურის გარეშე, ძალიან საინტერესო შიგთავსით და ბევრად გემრიელი. ამ კერძის სარგებლის ქებას არ დავიწყებ: მთელი უჯრედისი, ცილები და მხოლოდ სასარგებლო ცხიმები. წიწაკის მომზადება ძალიან მარტივია. თუ შიგთავსი არ მოგწონთ, ზოგიერთი ინგრედიენტი თქვენი გემოვნებით ჩაანაცვლეთ. შეაფასეთ, როგორი გემრიელი აღმოჩენაა.
გამომცხვარი წიწაკა ღუმელში
ინგრედიენტები:
- ახალი ბულგარული წიწაკა
- ზეითუნის ზეთი
- მოცარელას ბურთები
- ჩერი პომიდორი
- პრასი
- გახეხილი ყველი
- სიმინდი
- სოკო/ფარში/ძეხვი
- მარილი, წიწაკა
მომზადების წესი:
- ყველაზე მთავარია, რამდენიმე კარგი ბულგარული წიწაკა მკვრივი და ახალი ტექსტურით იპოვოთ. ახლა ასეთ პროდუქტს ყველა სუპერმარკეტში ვერ იპოვით, მაგრამ დიდ ქსელებში შეიძლება ნახოთ. გარეცხეთ, შუაზე გაჭერით, თესლი და შიდა კედლები მოაშორეთ. მიღებულ ნავებს მცენარეული ზეთი წაუსვით.
- ახლა შიგთავსი მოამზადეთ. ვარიანტებს ვერ დათვლით. მაგალითად, მოცარელას პატარა ბურთები, ჩერი პომიდორი, დაქუცმაცებული პრასი და გახეხილი ყველი აურიეთ. ზეითუნის ზეთი, მარილი, წიწაკა დაუმატეთ და ღუმელის გახურება დაიწყეთ.
- შიგთავსის კიდევ ერთი ვარიანტი: წვრილად დაჭრილი თქვენთვის საყვარელი ძეხვი, კონსერვის სიმინდი, პომიდვრის პასტა და რამდენიმე ბოსტნეული თქვენი გემოვნებით აიღეთ. მიღებული სალათიდან შიგთავსი გააკეთეთ. ფარში ან სოკო შეგიძლიათ გამოიყენოთ, თუ ნოყიერი წასახემსებელი გსურთ. გახეხილი ყველი ყოველთვის შესაფერისია.
- ამ წიწაკისთვის ყველაფერი გამოგადგებათ: ქათმის, ღორის, ძროხის ხორცი. ყველი–კვერცხის ნარევიც გემრიელია. ახლა წიწაკები 200 გრადუსამდე გახურებულ ღუმელში შედეთ. თუ ძალიან სქელი კედლები აქვს, 35-40 წუთი დაგჭირდებათ. თხელგვერდიანი წიწაკისთვის ნახევარი საათიც საკმარისია. გამოიღეთ, 5 წუთით მოიცადეთ და კერძს გაგრილება აცადეთ.
აი, ასეთი გემრიელობა მაგიდას დაამშვენებს. ეს არ არის ისეთი სწრაფი, როგორც ძეხვის ბუტერბროდი. მაგრამ დათვალეთ რამდენი მიირთვით უკვე? ეს კი დიდებული, სასარგებლო და გემრიელი რეცეპტია. ღუმელი საქმეს თქვენს გარეშე გააკეთებს. მოსახერხებელია!
თუ შიგთავსზე თავის შეწუხება არ გსურთ, გირჩევთ, უბრალოდ წიწაკა მაქსიმალურ ტემპერატურაზე ღუმელში მოათავსოთ, 10 წუთი დაელოდოთ, სანამ კანი მოშორდება. შემდეგ რბილ კედლებს თესლები და ყველაფერი ზედმეტი მოაშორეთ. დაჭერით, მარილი მოაყარეთ და ზეითუნის ზეთი მოასხით. თითებს ჩაიკვნეტთ. პრაქტიკულად მუშაობა არ მოგიწევთ. გემრიელად მიირთვით!
