ქალის სიცოცხლის საშუალო ხანგრძლივობა საცხოვრებელი ადგილის მიხედვით იცვლება. მაგალითად, იაპონიაში ეს მაჩვენებელი 86 წელს აღწევს, ჩვენთან 75-77 წლამდეა. ადამიანის ცხოვრებაზე სხვადასხვა ფაქტორი გავლენას ახდენს. 109 წლის შოტლანდიელი ჯესი გელენი დარწმუნებული იყო, რომ ქალებზე ყველაზე დამღუპველ გავლენას კაცები ახდენენ. რას გულისხმობდა დღეგრძელი ბებო, გიამბობთ Paparazzi.
ქალების სიცოცხლის საშუალო ხანგრძლივობა – ჯესი გელენი 1906 წლის 2 იანვარს შოტლანდიის პატარა სოფელში დაიბადა. მისი დიდი ოჯახი (5 და, ძმა და მშობლები) ოროთახიან პატარა სახლში ვიწროდ ცხოვრობდა. 13 წლის იყო ჯესი, როცა მუშაობა დაიწყო: ფერმაში ძროხებს წველიდა, შინამოსამსახურე იყო, შემდეგ სასტუმროში დაიწყო მუშაობა.გარდაცვალებამდე 1 წლით ადრე, ჯესიმ ჟურნალისტებს ინტერვიუ მისცა. ადგილობრივ მედიას აინტერესებდა, როგორ მოახერხა ქალმა ამდენ ხანს სიცოცხლე. როგორც აღმოჩნდა, გელენის დღეგრძელობის საიდუმლო ძალიან მარტივია.პირველ რიგში, გათხოვილი არასდროს ყოფილა. მეორეც, ყოველ დილას შვრიის ფაფას მიირთმევდა. ყოველთვის ბევრს მუშაობდა და ფიზიკურად ვარჯიშობდა. ჯესის ოქროს წესი: კაცებისგან თავის არიდება. შოტლანდიელმა დღეგრძელმა გაგვიზიარა თავისი რადიკალური თეორია, თუ როგორ მოახერხა დიდხანს ცხოვრება. საქმე მამაკაცებშია. უფრო სწორად, მათ არ ყოფნაში.
მოხუცი ქალი დარწმუნებულია, კაცებს ქალებისთვის უფრო მეტი პრობლემა მოაქვთ, ვიდრე სარგებელი. „თუ დიდხანს და ბედნიერად ცხოვრება გსურთ, მამაკაცებისგან თავი შორს დაიჭირეთ“ – გვირჩევდა მის გელენი, სანამ ცოცხალი იყო. დღეგრძელი მოხუცი 2014 წლის მარტში 109 წლის ასაკში გარდაიცვალა.ასეთი მოწიფული ასაკის მიუხედავად ბოლო წუთამდე აქტიურად ცხოვრობდა, რამდენადაც შესაძლებელი იყო. მაგალითად, ეკლესიას რეგულარულად სტუმრობდა, სხვადასხვა ღონისძიებას ესწრებოდა და ფიზიკურად აქტიური იყო.ცხოვრების ბოლო წლები მოხუცთა თავშესაფარში გაატარა. აქ კეთილი და კომუნიკაბელური ჯესი ნამდვილი ვარსკვლავი გახდა. საკუთარ მაგალითზე აჩვენა, რომ დიდხანს და ბედნიერებად ცხოვრება შესაძლებელია. დაგვეთანხმეთ, მოხუცები ხშირად ცხოვრებისგან ვერანაირ სიამოვნებას ვერ იღებენ. მის გელენი ყოველი დღიდან მაქსიმალურ სარგებელს იღებდა. ეს პატივსაცემია!
სხვა ქვეყნის დღეგრძელი ადამიანები – ჯესი გალენი მსოფლიოში ცნობილი ბოლო დღეგრძელი არაა. ვიკიპედიაში ცალკე სტატია სწორედ ჩვენი პლანეტის მოხუცი ქალების ასაკს და სახელებს ეთმობა. მაგალითად, პოლონეთში 115 წლის თეკლა იუნევიჩი ცხოვრობს. 2018 წელს დღეგრძელობის რეკორდი მოხსნა.ქალმა არ იცის, როგორ მოახერხა ამდენხანს ცხოვრება. საქმე მხოლოდ კვებაში არაა, რადგან საშინელი საომარი შიმშილობის გადატანის შემდეგ ბევრი ცხიმიანი კერძის ჭამა დაიწყო. ამას მოძრაობასა და ცხოვრებით ხალისში ხელი არ შეუშლია.იაპონიაში ცნობილი დღეგრძელი კანე ტანაკა ცხოვრობს, რომელმაც პლანეტის ყველა ასაკოვან ქალსა და კაცს აჯობა. 2022 წლის 2 იანვარს 119 წლის გახდა.
ცხოვრებისეული სიბრძნე – ერთი უნივერსალური რჩევა არ არსებობს, რომელიც ხალხს დიდხანს ცხოვრებაში დაეხმარება. დარწმუნებული ვართ, ჯანმრთელი დღეგრძელობა შესაძლებელია, თუ ადამიანი საკუთარ თავთან და გარე სამყაროსთან ჰარმონიაში იცხოვრებს. საკუთარ თავს მოუსმინეთ, ჯანმრთელობას ყურადღება მიაქციეთ, ფიზიკურ და სულიერ განვითარებას ყურადღება დაუთმეთ.
არ დავიღლებით გამეორებით: კვება, სპორტი და ძილი – ამით უნდა დაიწყოთ, თუ ბევრი წელი ცხოვრება გსურთ. რას ფიქრობთ დღეგრძელობაზე? იქნებ, ჯესი გელენი მართალია, რომ სჯობს კაცებისგან თავი შორს დავიჭიროთ?
