ჩვენს დროშიც, როცა კლიენტი თითქოსდა ყოველთვის მართალია, სხვადასხვა დაწესებულებაში ცუდი მომსახურება ხშირად გვხდება. რა თქმა უნდა, თუ კლიენტი შეუფერებლად იქცევა, მის მიმართ ცუდი დამოკიდებულება გასაგებია. ზოგჯერ, თანამშრომლები ქედმაღლურად და უპატივცემულოდ იქცევიან, თუ კლიენტის გარეგნობამ მათზე სათანადო შთაბეჭდილება ვერ მოახდინა.Paparazzi გიზიარებთ საოცარ ისტორიას, რომელიც დედაქალაქის ერთ–ერთ სილამაზის სალონში მოხდა. სალონის ადმინისტრატორმა და ოსტატებმა მოკრძალებულად ჩაცმული ქალის დანახვისას გაიფიქრეს, რომ მისამართი შეეცვალა და მისი ჯიბე მათ მომსახურებას ვერ გაწვდებოდა. სწორედ ამიტომ, სტუმრის მომსახურებას არ ჩქარობდნენ. სულ ტყუილად.

ცუდი მომსახურება

ისტორია დაიწყო იმით, ერთ–ერთი ძვირადღირებულ სილამაზის სალონში მოკრძალებულად ჩაცმული მომხმარებელი შემოვიდა. ირინას ახალი ვარცხნილობის გაკეთება სურდა, მაგრამ წინასწარ არ ჩაეწერა. გადაწყვიტა, რომ თუ ლოდინი მოუწევდა, დაელოდებოდა. ამ დღეს არსად ეჩქარებოდა.ადმინისტრატორმა ირინას შეხედა და სმარტფონი უკმაყოფილოდ გადადო. „ჩაწერილი ხართ? თუ არა, ლოდინი მოგიწევთ, დღეს მხოლოდ 2 სტილისტი მუშაობს“ – გაღიზიანებულმა უპასუხა და კვლავ სმარტფონის ეკრანს დაუწყო ყურება. სტუმარს ყურადღებას აღარ აქცევდა.

„დაველოდები“ – მოკლედ უპასუხა ირინამ და დივანზე დაჯდა. რიგის მოლოდინში სალონის ინტერიერს ათვალიერებდა. დაინახა, რომ ერთი სტილისტი უკვე საქმეს ამთავრებდა. ელოდა, რომ 10-15 წუთში მის მომსახურებას შეძლებდნენ.ადმინისტრატორი სტუმარს დროდადრო უკმაყოფილო სახით გახედავდა, ზიზღით უყურებდა გაცვეთილ ქურთუკს და გახეხილ ბოტასებს, რომელიც გარეგნობის მიმართ გულგრილობას ავლენდა. კონად შეკრული თმით გასაგები იყო, რომ ახალგაზრდა ქალი სილამაზის სალონებში არ დადიოდა. ალბათ, ყველაზე იაფ ვარცხნილობას შეუკვეთავს და წვრილმან გასამრჯელოსაც არ დატოვებს.

მდიდარ კლიენტთან ურთიერთობა – როცა სტილისტმა საქმე დაასრულა და კმაყოფილი კლიენტი სავარძლიდან ადგა, ადმინისტრატორი გაცოცხლდა. ამ ქალს ანგელოზის ხმით კომპლიმენტებს უჩურჩულებდა, ეკითხებოდა, ყველაფერი კარგად თუ იყო, ყველაფერი თუ აწყობდა. გასაგებია, რომ ბეწვში გახვეული ქალი სალონის ხშირი სტუმარია. ასეთი მუდმივი მომხმარებელი ყოველთვის მისასალმებელია.კარინა ელოდა, რომ ახლა მასაც თავაზიანად მოემსახურებოდნენ, მაგრამ შეცდა. ბეწვში გახვეული კლიენტის გაცილების შემდეგ ადმინისტრატორი კვლავ ტელეფონს მიაჩერდა. სტილისტმა კარინას ერთი სიტყვაც არ უთხრა და უკანა ოთახში გავიდა.

15 წუთში მეორე სტილისტმაც სამუშაო დაასრულა, მაგრამ სიტუაცია განმეორდა. მეორე მდიდარმა კლიენტმა კმაყოფილი სახით სილამაზის სალონი დატოვა და ბევრი თავაზიანი სიტყვებიც მოისმინა. მეორე სტილისტიც უკანა ოთახში გაქრა. ადმინისტრატორი ინსტაგრამის დათვალიერებას აგრძელებდა.„გთხოვთ, მითხარით, როდის მომემსახურებიან?“ – იკითხა ირინამ, რომელიც უკვე მოთმინებას კარგავდა. „სტილისტებიც ადამიანები არიან და დასვენება სჭირდებათ. ჩაის დალევენ და მოგემსახურებიან, დაელოდეთ“ – მკვახედ უპასუხა ადმინისტრატორმა და მიანიშნა, რომ ირინა იმ კლიენტებს შორის არაა, ვისაც ნორმალური მომსახურების იმედი უნდა ჰქონდეს. სტუმარმა ღრმად ამოიოხრა და მოთმინებით ლოდინი გააგრძელა.

კიდევ ერთი მდიდარი კლიენტი  – ცოტა ხანში შემოსასვლელი კარი გაიღო და შუახნის მსუქანი ქალი შემოვიდა. მისი სამკაული მაშინვე თვალს იპყრობდა: მასიური საყურე, სამაჯური, მრავალფენიანი ყელსაბამი. ყველაფერი ბრწყინავდა და ბზინავდა ისე, რომ თვალებზე ხელების დაფარება მოგინდებოდათ. ქალმა მზისგან დამცავი სათვალე გრაციოზულად მოიხსნა და ადმინისტრატორს მიესალმა.ადმინისტრატორი დამწვარივით წამოხტა. ქურქი გახადა და საკიდზე ფრთხილად დაკიდა. თითქოს სიგნალზე სამი (!) სტილისტი ოთახიდან გამოვიდა. ორი, რომელიც ირინამ უკვე მუშაობის პროცესში ნახა, მდიდარ ქალს მივარდნენ და პირში ყურება დაუწყეს.

მესამე სტილისტი დაბნეულობისგან ადგილზე გაშეშდა. მიხვდა, რომ მდიდარ კლიენტს მის გარეშეც მოემსახურებოდნენ. ირინას აფასებდა. „ჩემთან ხართ? გაიხადეთ, მოდით“ – ოსტატმა კუთხეში მდგარი სავარძლისკენ მიუთითა.სტილისტი დაუდევრად მუშაობდა, თმას პერიოდულად მტკივნეულად ქაჩავდა, კარგია, რომ ბოდიშს მაინც იხდიდა. ყოველჯერზე ირინა ძლივს ითმენდა, რომ არ ეყვირა. თავად სტილისტი დროდადრო სარკეს უყურებდა, სადაც მეზობელ სავარძელზე მჯდომი მდიდარი კლიენტი ჩანდა. იმ ქალს ყველაფერი მოსწონდა, რადგან ქალღმერთივით ეპყრობოდნენ. მომსახურების სულ სხვა დონეს სთავაზობდნენ.

ირინას რეაქციები – როგორღაც ბოლომდე მოითმინა და თავისი სტილისტის მუშაობას გონებით აფასებდა „საშუალოზე გაცილებით დაბალი“. ადმინისტრატორისკენ გაეშურა და ცუდ მომსახურებაზე საუბარი დაიწყო.„ეს სილამაზის სალონი მამაჩემს ეკუთვნის. მას ბევრი საქმე აქვს, თან მალე საზღვარგარეთ მიდის, ამიტომ მცირე ბიზნესს მე მაძლევს. ასეთი პაფოსული დაწესებულებები არ მიყვარს. ჩემი მოკრძალებული გამოცდილება საკმარისია იმის გასაგებად, თუ რამდენად ცუდად მუშაობთ და რამდენად ცუდად ეპყრობით კლიენტებს“ – განაცხადა ირინამ.

გაოცებულმა და შეშინებულმა ადმინისტრატორმა არ იცოდა, რა ეპასუხა. ახალგამომცხვარი დიასახლისი არ ელოდა, რომ რაღაც გონივრულს მოისმენდა. გასასვლელისკენ გაეშურა და მტკიცედ გადაწყვიტა, რომ ახალ თანამშრომლებს მოძებნიდა. ეს ამპარტავანი და ყალბი ქალები, რომელთაც დღეს შეხვდა, სალონის რეპუტაციას მხოლოდ აფუჭებენ და თავისი ქცევით ბევრ ნორმალურ სტუმარს აფრთხობენ.

რედაქციის რჩევა: ნებისმიერ სფეროში ცუდი მომსახურება არსებული და პოტენციური მომხმარებლების დაკარგვას ხელს უწყობს. რეგულარული ურთიერთობა მათთან, ვინც სერვისით უკმაყოფილოა, მხოლოდ სტრესს მატებს, ნებისმიერ საქმეს უსიამოვნოს ხდის. სწორედ ამიტომ, გულწრფელად გასაკვირია თანამშრომლების, რომლებიც შეუფერებლად იქცევიან და შემდეგ საკუთარი სისულელეების გამო იტანჯებიან.

რას ფიქრობთ ამის შესახებ? გაგვიზიარეთ შთაბეჭდილებები.