ოთო და ანა ნამდვილი თანამედროვე ელიტის წარმომადგენლები იყვნენ. მათ კარგი შემოსავალი ჰქონდათ, ლამაზი დიდი სახლი. საცხოვრებლის ზომის გამო წესრიგის და სისუფთავის შენარჩუნება რთული იყო. წყვილს არ ჰყოფნიდა დრო მის დალაგებაზე და ამიტომ გადაწყვიტეს დამხმარეს აყვანა. რა თვისებები უნდა ჰქონოდა შინამოსამსახურეს? პაპარაცის დღევანდელ სტატიაში ამ თემაზე ვისაუბრებთ.
შინამოსამსახურის თვისებები
ოთოს თავისი მოთხოვნები ჰქონდა, ანას თავისი. ქმარს უნდოდა, რომ მოსამსახურე მაქსიმალურად შეუმჩნეველი ყოფილიყო, სწრაფად და ხარისხიანად დაელაგებინა და ფეხებში არ მოდებოდა. ცოლისთვის მნიშვნელოვანი იყო დამხმარეს გარეგნული მხარე და მისი საიმედოობა. ქმარს ენდობოდა, მაგრამ არ სურდა ახალგაზრდა დამხმარისკენ თვალი გაქცეოდა.წყვილმა უკვე ბევრი კანდიდატი ნახა, მაგრამ მათ მოთხოვნებს არცერთი არ შეეფერებოდა. უკვე შეეგუენ იმ ფაქტს, რომ ორივეს ერთად რომ მოსწონებოდა, ვერ იპოვიდნენ.და აი, ერთ საღამოს კარზე კაკუნი გაისმა. ანა სახლში არ იყო და ოთომ გააღო. კართან მსხვილი გარეგნობის ქალბატონი იდგა, რომელმაც თავდაჯერებულად გაწია ბინის მეპატრონე და სახლში შევიდა.
ქალმა ირგვლივ მიმოიხედა და ოთოს ხელი ჩამოართვა. თავი ახალ დიასახლისად წარუდგინა და სააბაზანოსკენ გაემართა. ისე უცებ დაალაგა და მოწმინდა ყველაფერი, ოთომ ხმის ამოღებაც ვერ მოასწრო.შემდეგ ქალი სამზარეულოში შევიდა და იქ დაიწყო ხმაური. ოთომ უამრავი შეტყობინება მისწერა ანა, რომ რაც შეიძლება მალე დაბრუნებულიყო. ანა სასწრაფოდ გამოვარდა სახლისკენ.შემოსვლისთანავე იცნო ქალბატონი ზინა, თავისი ძიძა, რომელმაც 2 წლიდან გაზარდა. ის საოცარი ქალი იყო, უსაზღვრო სითბო და ყურადღება მისცა ანას, უამრავი რამ ასწავლა.
დანახვისთანავე ტირილით ჩაეხუტა ყოფილი ძიძა თავის აღზრდილს, რომელიც ზრდასრული ქალიდან, უცებ პატარა გოგოდ გადაიქცა. ოთო ვერ ხვდებოდა რა ხდებოდა და გაოცებული შეჰყურებდა ამ ამბავს. ახალმა დიასახლისმა შესანიშნავი ვახშამი მოამზადა და ცოლ-ქმარს მიართვა. ქმარმა არ იცოდა, რომ 15 წლის ასაკიდან, ანა რაც საზღვარგარეთ გაუშვეს სასწავლებლად, აღარ უნახავს თავისი საყვარელი აღმზრდელი.რა თქმა უნდა, ზინა დამხმარედ დაიტოვეს ოჯახში, მან ყველა საქმე თავის თავზე აიღო და როგორც იქნა, წყვილს მიეცა საშუალება მშვიდად მიეხედა სამუშაოსთვის.მალე კიდევ გაჩნდა ბედნიერებისგან ტირილის მიზეზი. ანა მალე დედა გახდებოდა და ახლა მისი პატარას გაზრდა მოუწევდა ქალბატონ ზინას.
რას გვასწავლის ეს ამბავი? – ზოგჯერ ცხოვრება მოულოდნელ სიურპრიზებს გვთავაზობს. ასე გაახარა უცნაურმა ქალბატონმა ზინამ თავისი აღზრდილის ოჯახი. თქვენ როგორ ფიქრობთ, რა თვისებები უნდა ჰქონდეს დამხმარე ქალს? გაგვიზიარეთ კომენტარებში.
