მახსოვს ბებია მიყვებოდა ერთ თაყვანისმცემელზე, რომელმაც უთხრა, რომ ლამაზი მკერდი ჰქონდა და მისი ტარება არ იცოდა. იმ დროში ბიუსჰალტერების არჩევანი არ იყო ისეთი დიდი, როგორც ახლა, მაგრამ ყველამ არ ვიცით როგორ შევარჩიოთ ის სწორად. მაგალითად, მე არასდროს ვყიდულობ ბიუსჰალტერს ინტერნეტით, რადგან ზომაში ბევრჯერ შევცდი.შიდა თეთრეულის არჩევა არ არის მარტივი საქმე. ქალის სხეული მუდმივად ცვლილებებს განიცდის: ვიკლებთ ან ვიმატებთ წონაში და ცხოვრების თითოეულ პერიოდში სხვადასხვა ბიუსჰალტერი გვჭირდება. პაპარაცის დღევანდელ სტატიაში ამ თემაზე ვისაუბრებთ.
როგორ შევარჩიოთ სწორად ბიუსჰალტერი
ბიუსჰალტერმა ისე უნდა დაიჭიროს მკერდი, რომ არ ამოვარდეს, ან პირიქით, არ ჩამოძვრეს. თუ მკერდი ვარდება ბიუსჰალტერიდან, შეარჩიეთ ღრმა საცვალი ნაკლები პარალონით.ბიუსჰალტერის ზომის გასარკვევად საჭიროა ორი რამის გაზომვა: მკერდის გარშემოწერილობა და გარშემოწერილობა ბიუსტის ქვეშ. ცხრილის დახმარებით მოძებნეთ თქვენი მკერდის ზომა. ის რა თქმა უნდა, დამოკიდებულია მოდელსა და მწარმოებელზე.
ბიუსჰალტერის სარტყელი – ამ ნაწილს აქვს გარკვეული სიგრძე, რომლის ზომის გაგება შეიძლება ბიუსტის ქვეშ გარშემოწერილობის გაზომვით. თმას სწორად შეარჩევთ, ის არ უნდა ადიოდეს მაღლა ან არ უნდა აჭერდეს გულმკერდს. ყურადღება მიაქციეთ ბიუსჰალტერის შესაკრავების რაოდენობას. რაც უფრო დიდია მკერდი, მით უფრო ფართო უნდა იყოს სარტყელი, რათა მკერდს მყარი საყრდენი ჰქონდეს. შესაკრავი კი მინიმუმ ორი უნდა იყოს.
თასმები – სამწუხაროდ, მდიდრული და ლამაზი თეთრეულის არჩევანი მთავრდება იქ, სადაც იწყება მკერდის მესამე ზომა. როდესაც მკერდი დიდია, თასმები ბრტყელი და მყარი უნდა იყოს. ნატიფი მაქმანები და წვრილი თასმები აქ ვერაფერს დაგეხმარებათ.დიდი ზომის ბიუსჰალტერზე ფართო თასმები უფრო მოსახერხებელია, ვიდრე ნაზი და წვრილი, რომელიც მხრებზე დაგაჭერთ.
ფერი – ბიუსჰალტერის ფერს მნიშვნელობა არ აქვს თუ გაუმჭვირვალე ტანსაცმელს ატარეთ, მაგრამ თუ იცვამთ თხელ ბლუზებს და ჰაეროვან კაბებს, უპირატესობა მიანიჭეთ ხორცისფერს, თეთრი პერანგის ქვეშ თეთრ ბიუსჰალტერს არ იცვამენ.
ქსოვილი – არსებობს ყოველდღიური და განსაკუთრებულ დღეებში ჩასაცმელი საცვლები. სპეციალისტები გვირჩევენ, რომ ყოველდღიურად სინთეტიკის ტარება არ არის მიზანშეწონილი. უპირატესობა მიანიჭეთ ბუნებრივ მასალას.
რჩევა რედაქციისგან: არსებობს ბიუსჰალტერის შერჩევის ერთი მარტივი ხერხი. ჩაიცვით ის და გადაიხარეთ წინ. მარჯვენა ხელით მარცხენა მკერდი გადაიტანეთ ცენტრისკენ, მარცხენა ხელით მარჯვენა გაისწორეთ და გასწორდით. თუ მკერდი მთლიანად ბიუსჰალტერშია და გვერდებზე ან ზემოთ არ გადმოდის, საცვალი თქვენი ზომაა.თქვენ როგორ არჩევთ ბიუსჰალტერს? გაგვიზიარეთ კომენტარებში.
