როგორ დავიცვათ თავი მწერებისგან და ტკიპებისგან.

0
546

თუ თქვენ პიკნიკებისა და ზაფხულის უმშვენიერეს სეზონში თავისუფალი დროის ბუნებაში გატარების მოყვარული ხართ, კარგად გეცოდინებათ, თუ რამხელა დისკომფორტს გვიქმნიან მწერები, განსაკუთრებით კი ტკიპები. გარდა უდიდესი დისკომფორტისა, მწერების ნაკბენი შეიძლება საზიანო აღმოჩნდეს ჩვენი ჯანმრთელობისთვის. სწორედ ამიტომ, ოჯახთან და მეგობრებთან ერთად პიკინიკის მოწყობამდე აუცილებელია გარკვეული ზომების მიღება.

როგორ დავიცვათ თავი ტკიპებისგან და სხვა მწერებისგან?

თუ თქვენ უარს აცახდებთ სპეციალური ქიმიური საშუალებების გამოყენებაზე, თქვენთვის სასიამოვნო სიახლე გვაქვს. დღევანდელ სტატიაში PAPARAZZI-ს რედაქცია მოგითხრობთ ჩვენი ჯანმრთელობისთვის აბსოლიტურად უსაფრთხო ინგრედიენტებისგან შემდგარი საშუალების შესახებ, რომელიც საიმედოდ დაგიცავთ მწერებისგან ბუნებაში დასვენების დროს. ამ საშუალების დამზადება ძალზედ მარტივია.

თქვენ დაგჭირდებათ:

  • 2 ჩ.კ. გერანიუმის (ნემსიწვერას) ეთერზეთი (იყიდება კოსმეტიკურ მაღაზიებში და აფთიაქებში);
  • 2 ჩ.კ. სამედიცინო სპირტი;
  • 1 ჭიქა (200 მლ) წყალი.

ინსტრუქცია:

1. თითოეული ინგრედიენტი მოათავსეთ სპრე-ბოთლში და კარგად შეანჯღრიეთ.

2. მიიპკურეთ ის ტანსაცმელზე და სხეულის შიშველ ნაწილებზე.

3. მწერები რამდენიმე მეტრის რადიუსზე ვერ მოგეკარებიან!

დაიცავით შემდეგი რეკომენდაციები ბუნებაში გამგზავრებამდე:

1. პიკნიკისთვის შეარჩიეთ მშრალი და კარგად განათებული ადგილი. მაქსიმალურად მოერიდეთ მაღალ ბუჩქებს, ბალახებსა და ჭაობის მიმდებარე ტერიტორიებს.

2. აუცილებელია ტანსაცმლის სწორად შერჩევა. მოერიდეთ შორტებსა და მოკლე მკლავებიან მაისურებს, რათა თავიდან აირიდოთ სხეულში ტკიპების შეღწევა.

3. მეტიც, არსებობს სპეციალური ტანსაცმელი, რომელიც საიმედოდ გვიცავს ტკიპებისგან. თუ თქვენ ხშირად ატარებთ დროს ბუნებაში, აუცილებლად შეიძინეთ ტკიპებისგან დამცავი ტანსაცმელი.

4. სახლში დაბრუნებისთანავე გაიხადეთ ტანსაცმელი, კარგად დაფერთხეთ და შემდეგ გარეცხეთ. დაითვალიერეთ მთელი სხეული.

თუ თქვენ არ გაგიმართლათ და ტკიპამ უკვე მოასწრო კანში შეღწევა, უყურეთ ქვემოთ წარმოდგენილ ვიდეოს, რათა დამოუკიდებლად შეძლოთ მწერის მოცილება.

პასუხი

დაწერეთ კომენტარი
ჩაწერეთ თქვენი სახელი