როგორც ჩანს, ოლიკომ თავისი ოცნების მამაკაცი გაიცნო. ეს იყო იმ რესტორნის რეგულარული სტუმარი, სადაც ერთხელ გოგონამ ისადილა. როგორც კი დაინახა, მაშინვე მიხვდა, რომ ეს მამაკაცი ზუსტად მისთვის იყო გაჩენილი, მაგრამ სამწუხაროდ, გამოლაპარაკება ვერ გაბედა. ამიტომ რესტორნის თანამშრომლები გამოკითხა. გაიგო, რომ ეს მამაკაცი მოპირდაპირე სასტუმროში ჩერდებოდა ხოლმე და ხანდახან გადმოდიოდა საჭმელად. საბოლოო ჯამში, გადაწყვიტა ასეთი რამ: დაიწყო მუშაობა იმ სასტუმროში, სადაც მამაკაცი ცხოვრობდა და როგორმე გაეცნო.
რეგულარული მომხმარებელი
ოლიკომ დაიწყო მუშაობა სასტუმროში, მისი გათვლებით იდუმალი მამაკაცი ერთ თვეში კიდევ უნდა ჩამოსულიყო. სამუშაო არ იყო მარტივი, მაგრამ გოგონას ეს არ აშინებდა და მოუთმენლად ელოდა შეხვედრას.როგორც მოელოდა, სიმპათიური მამაკაცი ერთი თვის შემდეგ ისევ გამოჩნდა. მას მაიკლი ერქვა და სწორედ ოლიკოს მიანდეს მისი ნომრის მომსახურება. ამჯერად გოგონამ უკეთ შეძლო მისი ნახვა. ის იყო მაღალი, მიმზიდველი მამაკაცი, სასიამოვნო ხმით და ლამაზი ვარცხნილობით, აშკარად უცოლო იყო და მდიდარი.
შემდეგი ნაბიჯები – მომდევნო დღეებიც ოლიკომ მიხეილის ცხოვრების შესწავლას დაუთმო, სამწუხაროდ, ამან ბევრი არაფერი მისცა, რადგან ნომერი სულ წესრიგში იყო და მამაკაცის პირადულზე არაფერს ეუბნებოდა. საბოლოოდ, გოგონამ წერილი დაუტოვა, რომელშიც რესტორანში ეპატიჟებოდა. სწორედ იქ, სადაც პირველად ნახა.
პაემანი – საღამოს ლამაზად გამოწყობილი ოლიკო პაემანზე მივიდა. ის უკვე იქ იყო და ელოდებოდა.
- -საღამო მშვიდობის! – ეს მე დაგიტოვეთ წერილი – მიესალმა გოგონა – ოლიკო მქვია.
- -დაბრძანდით, სასიამოვნოა თქვენი გაცნობა!
ახალგაზრდებმა საჭმელი შეუკვეთეს და საუბარი განაგრძეს. მიხეილი ძალიან ერუდირებული და გალანტური მამაკაცი აღმოჩნდა. ოლიკო ძალიან ბედნიერი იყო, რომ ყველაფერი გამოუვიდა.ყველაფერი იდეალურად იყო, რომ არა ერთი მომენტი.
- -კარგი, ოლიკო, ეხლა ჩემთან წავიდეთ – ღიმილით უთხრა მიხეილმა და თან ანგარიში დადო მაგიდაზე.ოლიკო თამამი გოგო იყო, მაგრამ არც ამდენად.
- -არა, მე ჯერ მზად არ ვარ ასეთი ურთიერთობისთვის – გაუღიმა მანაც.
- -კი მაგრამ, შენ სასტუმროს მეპატრონემ არ გამოგგზავნა ჩემთვის? მე თავად ვთხოვე, ვინმე ლამაზმანი გამოეგზავნა. არ იდარდო, კარგად გადაგიხდი.
ამ სიტყვების შემდეგ ბაკალში დარჩენილი სასმელი მიხეილის სახეზე აღმოჩნდა. ოლიკო ჩუმად ადგა და წავიდა. შეიძლება ეს გაუგებრობაა, მაგრამ არავის მისცემდა უფლებას მოქცეოდა ისე, როგორც ქუჩის ქალს. მეორე დღესვე მიატოვა სამუშაო და ერთი წუთითაც არ უდარდია, რომ მისი ოცნების მამაკაცი ჩვეულებრივი მამრი აღმოჩნდა. ძალიან ენანებოდა დრო და ენერგია, რომელიც მისთვის დახარჯა. არაუშავს, შვილიშვილებს მხიარულ ამბად მოუყვება მომავალში.
რას გვასწავლის ეს ამბავი? – ოცნების მამაკაცი არ აღმოჩნდა ისეთი ადამიანი, როგორიც ოლიკოს წარმოედგინა. სამწუხაროდ ადამიანები ხშირად ტყუვდებიან, რაც დიდ იმედგაცრუებას იწვევს. ამიტომ უმჯობესია გონივრულად შეაფასო ყველაფერი და მუდამ ფხიზლად იყო. თქვენ რას ფიქრობთ? გაგვიზიარეთ კომენტარებში.
