რთულ დროს ახლობელი ადამიანების დახმარება გვჭირდება ხოლმე. უმეტესად ფინანსური პრობლემების დროს მივმართავთ ხოლმე, რადგან ვიცით, რომ უარს არ გვეტყვიან. როდესაც ოჯახის წევრებს ერთმანეთის კარგად ესმით, თხოვნაც არ არის საჭირო, ისეც ეხმარებიან ერთმანეთს, მაგრამ ზოგჯერ ნათესავისთვის ფულის მიცემამ შეიძლება ეჭვი გააჩინოს.ქეთი ახლა რთული ამოცანის წინაშე დგას: დაეხმაროს დას, თუ შეინახოს შვილების მომავლისთვის. დამ ფულის სესხება სთხოვა, მაგრამ ქეთი ორჭოფობს – მისცეს თუ არა მას წლების დანაზოგი, შეძლებს კი ის ამ თანხის დაბრუნებას? მაშინ რა უნდა გააკეტოს, რომ ღვიძლი და არ გაანაწყენოს?

ფულის სესხება ახლობლებისთვის

“შვილები მარტომ გავზარდე, ახლა უკვე მოზრდილებთან ერთად გარეუბანში ვცხოვრობ. ბიჭები სასწავლებელში მიდიან ხოლმე, მე კი რძის პროდუქტებით ვვაჭრობ. ბევრი ფული არ გვაქვს, მაგრამ მცირეოდენი თანხის გადადება მოვახერხე, რათა შვილებს სწავლის ფული გადავუხადო.მყავს მუდმივი კლიენტები და ყველაფერი კარგად მიდის. ყოველ საღამოს ვუვლი საქონელს, ერთი წუთიც ვერ ვისვენებ. შვილებიც შეძლებისდაგვარად მეხმარებიან, მაგრამ მათ პირველ რიგში უნდა ისწავლონ, სპორტით დაკავდნენ. კარგად ვიცი, რომ ფული ციდან არ ვარდება და მის მოპოვებას დიდი შრომა ჭირდება.ალისა ჩემი უმცროსი დაა. ახლახანს   მესტუმრა და ფულის სესხება მთხოვა. მე ჩემი გეგმა მაქვს: ყოველთვიურად ვდებ გარკვეულ თანხას და არ ვეხები მას. თუ დამჭირდება, მირჩევნია ვისესხო და არ მოვაკლო.

დის სათხოვარი – და აი, ალისა, რომელიც დედაქალაქში ერთ ოთახიან ბინაში ცხოვრობს დედამთილთან და სამ შვილთან ერთად, სათხოვარით მოვიდა ჩემთან. მისი უფროსი ქალიშვილი გათხოვდა და საცხოვრებელი არ ჰქონდა. ამიტომ ჩემმა დამ გადაწყვიტა ჩემგან ფულის სესხება და ახალდაქორწინებულებისთვის ბინის ყიდვა. “სანამ შენი ბიჭები უნივერსიტეტში ჩააბარებენ, მანამდე დაგიბრუნებო.ცოტა არ იყოს, დავიბენი. დიახ, მე მაქვს ჩემი დანაზოგი და ვზრუნავ შვილების მომავალზე, მაგრამ არ ვარ ვალდებული დის ოჯახის კომფორტზე ვიფიქრო. დარწმუნებული ვარ, რომ ის ვერ შეძლებს თანხის დაბრუნებას. ყოველთვის უპასუხისმგებლო იყო ვალების მიმართ.

15 წელია დილის 5 საათიდან შუაღამემდე ვშრომობ, რომ ჩემს შვილებს არაფერი მოაკლდეთ და უკეთესი ცხოვრება ჰქონდეთ. და ყველაზე ძვირფასი ნათესავია და ასე მარტივად უარს ვერ ვეტყვი, მაგრამ მან ფულის მისაღებად მარტივი და არც თუ სამართლიანი გზა აირჩია. არ ვიცი როგორ გადავჭრა ეს პრობლემა. ვუთხარი, რომ პასუხს ცოტა ხანში ვეტყოდი.

რჩევა რედაქციისგან: ფინანსურ საკითხზე უახლოეს ადამიანებს შორისაც შეიძლება წარმოიქმნას კონფლიქტები. მნიშვნელოვანია, არ დავივიწყოთ საკუთარი მისწრაფებები და პრინციპები. დიახ, ალისა ღვიძლი დაა, მაგრამ ქეთის მიერ ფულის გადადების მიზანიც გასაგებია. ორივე შვილების მომავლისთვის იბრძვის.როდესაც საქმე ფულს ეხება, ადამიანები ხშირად ცდილობენ მტკივნეული წერტილებით მანიპულირებას, რათა სასურველი თანხა მიიღონ. აქ მნიშვნელოვანია, საღად შეაფასოთ სიტუაცია და დაიცვათ თქვენი პოზიცია, თუნდაც ის არ ემთხვეოდეს ახლობლის მსოფლმხედველობას. თქვენ როგორ მოიქცეოდით ასეთ დროს? გაგვიზიარეთ კომენტარებში.