49 დღიანი მარხვის პირველი და ბოლო კვირა ყველაზე მკაცრია. პირველ დღეს მხოლოდ წყლის დალევა შეიძლება, მეორე დღეს ცოტა პურის ჭამა და წყლის დალევა. დიდი მარხვის დანარჩენ დღეებში მშრალი კვება ინიშნება. ცდუნებისგან თავი რომ შეიკავოთ, გულმხურვალედ უნდა ილოცოთ, მაგრამ საჭმელს გვერდს ვერ აუვლით. სამარხვო პროდუქტებით გემრიელი კერძების მომზადების ბევრი ვარიანტი არსებობს. Paparazzi გთავაზობთ ტაფაზე შემწვარ სამარხვო კვერებს კვერცხის, რძის და ხორცის გარეშე.
სამარხვო კვერები ტაფაზე – ზოგჯერ სამარხვო ცომი ერბოზელილ ცომზე უფრო გემრიელია. ამის ნათელი მაგალითია სამარხვო პიტა, რომელიც ტაფაზე შეგიძლიათ მოამზადოთ, ტანდირის კვერი საფუარზე და სხვა სამარხვო პური. გემრიელი ცომი რომ მიიღოთ, კარგ განწყობაზე მოზილეთ და რეცეპტის პროპორციები დაიცავით.კვერები მწვანილებით, რომლის რეცეპტსაც დღეს გთავაზობთ, ჩებურეკს ჰგავს. თუ გენატრებათ ხრაშუნა კვერი შიგთავსით, ამ რეცეპტით მოამზადეთ. კვერები თქვენი გემოვნებით გაავსეთ, შეგიძლიათ გამოიყენოთ ოსპი, ბარდის პიურე, წითელი ლობიო სუნელებით, ნებისმიერი რამ, რაც გაქვთ. დედა ნახევარ მთვარის ფორმის სამარხვო კვერებს კარტოფილის პიურეთი აცხობდა. მაშინ ჩემი საყვარელი სწრაფი კვების პროდუქტი იყო. მითითებული ინგრედიენტებით 7 დიდი კვერი გამოვა.
ინგრედიენტები:
- 700 გ ფქვილი
- 350 მლ წყალი
- 1 ჩ/კ მარილი
- 370 გ ისპანახი
- 50 გ კამა
- 40 გ ოხრახუში
- 50 გ მწვანე ხახვი
- 200 გ ხახვი
- 100 მლ მცენარეული ზეთი
- მწიკვი მარილი
- მწიკვი დაფქული შავი წიწაკა
- 1 ჩ/კ შებოლილი პაპრიკა
მომზადების წესი:
- 350 მლ წყალი ღრმა თასში ჩაასხით. მარილი და გაცრილი ფქვილი დაუმატეთ. ელასტიური ცომი მოზილეთ, რომელიც ხელზე არ გეკვრებათ. ცომი 30 წუთით დაასვენეთ.
- ხახვი პატარა კუბებად დაჭერით და ტაფაზე მცენარეულ ზეთში ოქროსფერ შეფერილობამდე შეწვით.
- კამა, ოხრახუში, მწვანე ხახვი დაჭერით. მწვანილი შემწვარ ხახვს დაუმატეთ.
- ცომი 14 თანაბარ ნაწილად გაყავით. თითოეული საგორავით გააბრტყელეთ.
- შიგთავსი 7 ნაწილად გაყავით და 7 გაბრტყელებულ ცომზე გადაიტანეთ. თითოეულს ცომის მეორე ფენა დააფარეთ და კვერის კიდეები შეაწებეთ. სილამაზისთვის უსწორმასწორო კიდეები რკინის რგოლით ან დანით მოაჭერით.
- 100 მლ მცენარეული ზეთი ტაფაზე გააცხელეთ. კვერები ზეთში ჩადეთ და თითოეული მხრიდან ოქროსფერ შეფერილობამდე ზუსტად 2-3 წუთით საშუალო ცეცხლზე შეწვით.
მწვანილებიანი კვერები ხრაშუნა და წვნიანი გამოვა. თუ ცხიმიანი კვერები არ გიყვართ, მშრალ ტაფაზე შეწვით, ხოლო მზა კვერებს კარაქი წაუსვით. ასეთ კვერებს დაღესტანში აცხობენ და „ჩუდუს“ უწოდებენ. საკმაოდ გემრიელია. ფრიტიურში შეწვის წყალობით ცომი ბუშტებიანი, ხრაშუნა გამოდის. ზედმეტი ცხიმის მოსაშორებლად შემწვარი კვერები ქაღალდზე დააწყვეთ.
რედაქციის რჩევა – კვერები საერთოდ უცხიმოდ შეგიძლიათ მოამზადოთ. თუ რბილი კვერები მოგწონთ, მშრალ ტაფაზე შეწვით და მაშინვე პარკში შეფუთეთ, რომ ცომი კარაქის გარეშე დარბილდეს. უსაფუარო კვერები არა მხოლოდ მარხვის დროს აღმოჩენაა. თუ საფუარის ცომის მოსამზადებლად დრო და სურვილი არ გაქვთ, სამარხვო კვერები ნებისმიერი შიგთავსით გააკეთეთ. ცომს შეგიძლიათ დაუმატოთ ნებისმიერი შიგთავსი: ხაჭო და მწვანილი, კვერცხი და მწვანე ხახვი, კარტოფილი, ბარდის პიურე. იცავთ დიდ მარხვას?
