ყველა გოგო ბავშვობიდან ამბობს, რომ დედა და ცოლი უნდა გახდეს, რომ ოჯახი ცხოვრებაში ყველაზე მნიშვნელოვანია. ბავშვების სტერეოტიპული აღზრდა და მათ მიმართ მშობლების დამოკიდებულება აყალიბებს პიროვნებას, რომელსაც ან კომპლექსები აქვს ან არა. უფრო ხშირად კომპლექსები არის, რადგან არავინ იცის, როგორ აღზარდოს ბავშვი სწორად და როგორ დაიცვას კომპლექსებისგან. ზრდასრულმა ქალმა თავად უნდა გაიგოს, როგორ იპოვოს ბედნიერება და დაამყაროს ჯანსაღი ურთიერთობა კაცთან. თუ, რა თქმა უნდა, სჭირდება. ყველა ქალი წარმატებული პარტიის დევნაში დეტალებს არ უკვირდება. შემდეგ აღმოჩნდება, რომ უბედურია, ქმარი არ აფასებს და ა.შ. იმისთვის, რომ იპოვოთ ადამიანი, ვისთან ერთადაც მთელი ცხოვრება ბედნიერად იცხოვრებთ, ასეთი ადამიანი უნდა გახდეთ.
როგორ მოვიპოვოთ ბედნიერება – ფსიქოლოგი მიხაილ ლაბკოვსკი სიტყვებს არ არჩევს, ზოგჯერ უხეშად, მაგრამ გულწრფელად საუბრობს. ფსიქოლოგმა დაწერა წიგნი „მინდა და ვიქნები“, სადაც ბედნიერი ცხოვრების მთავარი მომენტები განიხილა. ფსიქოლოგი გირჩევთ, რომ არ ჩაერიოთ ურთიერთობაში, სადაც ადამიანი საკუთარ თავში ჯერ არ გარკვეულა. მისი აზრით, პირველ რიგში, ქალმა საკუთარი თავი უნდა შეიყვაროს და საკუთარ თავს პატივი სცეს. ჩვენს პატრიარქალურ საზოგადოებაში ქალი თავის სურვილებს ივიწყებს და ქმრის, შვილების, შვილიშვილების გვერდში დგას, მისთვის რიგი არ მოდის. სწორედ ამიტომ, Paparazzi გირჩევთ, წაიკითხოთ მიხაილ ლაბკოვსკის 5 წესი, როგორ მოიპოვოს ქალმა ბედნიერება და ნამდვილი სიყვარული.
- ნუ ცდილობ, ვინმეს თავი მოაწონოთ – მოწონების მცდელობა სხვადასხვა სოციალური ნიღბის მორგებაა, რომლის მიღმა თქვენი ნამდვილი მე არ ჩანს. თავის მოჩვენება და კოლეგების, ნათესავების, პარტნიორების სურვილების დაკმაყოფილება მარტივია. უფრო რთულია იყოთ ისეთი, როგორიც ხართ, რადგან ასე ცხადი გახდება, ვინ გიღებთ და ვინ არა. მხოლოდ ასე შეძლებთ ჭაობიდან მარცვლის ამოღებას და ბედნიერების მოპოვებას. ყალბი მეგობრების, შურიანი კოლეგების ან ეგოისტი თაყვანისმცემლების გარეშე. როგორც კი, საკუთარ თავს დააფასებთ, ირგვლივ ბევრი თანამოაზრე გამოჩნდება.
- ეგოისტი იყავი – ჯანსაღი ეგოიზმი არავის აზიანებს. ყველასთვის მაამებლობა ცხოვრების წლებს გართმევთ და უბედურს გხდით. მოწამეების მიმართ ლოცულობენ, მაგრამ მათ შრომას სიცოცხლეში არ აფასებდნენ. ეს იმას არ ნიშნავს, რომ ქველმოქმედება საჭირო არაა და გაჭირვებულებს არ უნდა დაეხმაროთ. ეგოიზმი და გულგრილობა უნდა გამოიჩინოთ მათ მიმართ, ვინც თქვენს ცხოვრებას ნათელს, საინტერესოს არ ხდის, თქვენს პიროვნულ განვითარებას ხელს არ უწყობს. დრო არ დახარჯოთ ადამიანზე, რომელიც თქვენი საქმით არ ინტერესდება. მით უფრო, ასეთ ადამიანებს არ მოუსმინოთ.
- მოდუნდით – ახალგაზრდები არ ვხდებით, ამიტომ ჩვენი დროის მაქსიმალურად ნაყოფიერად გამოყენებას ვცდილობთ. არც ერთი წუთით ვისვენებთ: ხან პრობლემებს ვაგვარებთ, ხან ვფიქრობთ, რა გავაკეთოთ ხვალ, ხან წარსულს მივტირით. არადა უბრალოდ უნდა მოდუნდეთ, აქ და ახლა იცხოვროთ. შფოთვა მოიშორეთ და რუტინიდან ყურადღება სხვა რამეზე გადაიტანეთ. ასე გამოსავალს იპოვით და ცხოვრებასაც ფერებს შემატებთ.
- საკუთარი თავის გჯეროდეს – არის მომენტები, რომლებზეც გავლენის მოხდენა შეგვიძლია და რომლებიც ჩვენზე დამოკიდებული არა. თუ თქვენი აზრი არ ემთხვევა საზოგადოების აზრს, რომელიც საუკუნოვან სტერეოტიპებს ეყრდნობა, მხოლოდ საკუთარ თავს ენდეთ. მხოლოდ ასე შეძლებთ სასურველის მიღწევას და საკუთარი მეს პოვნას. საზოგადოების მოლოდინის გაუმართლებლობა ნორმალურია. ხალხის სურვილებზე დამორჩილება და საკუთარი არსის ღალატი ნორმალური არაა.
- უარის თქმა ისწავლეთ – ქალების უმეტესობა მთელ ცხოვრებას უთმობს ოჯახს ან შვილებს, კარიერას, სხვებს მანიპულირების უფლებას აძლევენ. თქვენი მსოფლმხედველობა შეიძლება სხვების აზრებს არ ემთხვეოდეს. მხოლოდ მაშინ, როცა საკუთარი თავის პატივისცემას ისწავლით, უარის თქმასაც ისწავლით. ბედნიერება კომპრომისი არაა. ფსიქოლოგის აზრით, კომპრომისი ჯანმრთელობისთვის საზიანოა.
ადამიანები საკუთარ ნამდვილ სურვილებში ხშირად ცდებიან. ამის შესახებ ფსიქოლოგი ლექციებზე არაერთხელ საუბრობს. ნამდვილი ბედნიერება ისე გამოიყურება, როგორც წარმოგიდგენიათ. ყველაზე ახლობელი ადამიანიც ბედნიერების მოპოვებაში ვერ დაგეხმარებათ, რადგან თითოეულს საკუთარი მიზანი აქვს. თუ თავს უბედურად თვლით, საკუთარ თავს ჰკითხეთ: „ნამდვილად ვაკეთებ იმას, რაც მსურს, თუ ვემორჩილები ძვირფასი ადამიანის სურვილებს?“. თუ ემორჩილებით, გამოდის, რომ თქვენზე მანიპულირებენ და არ გაფასებენ. სამწუხაროა, მაგრამ უნდა მოიშოროთ.
