თქვენ შეიძლება ფულის მართვას წლები სწავლობდეთ, შემდეგ კი, ერთ დღეში მთელი ქონება დაკარგოთ. რა თქმა უნდა, ასეთი პრობლემებისგან დაზღვეული არავინაა. ასტროლოგები დარწმუნებულნი არიან, რომ რაღაცის წინასწარ განჭვრეტა ყოველთვის შესაძლებელია. Paparazzi გიზიარებთ სპეციალისტების მოსაზრებებს, რომლებიც დარწმუნებულნი არიან, რომ ამ ზოდიაქოს ნიშნებს აპრილში ფინანსური სირთულეები ელოდებათ. ღირს მათი მოსმენა და ფულის გადამალვა?
როგორ ვმართო ფული – რა თქმა უნდა, რთული ფინანსური პერიოდი ნებისმიერს შეიძლება თავს დაატყდეს. სპეციალისტები დარწმუნებულნი არიან, რომ ქვემოთ მოცემული ზოდიაქოს ნიშნების წარმომადგენლები უფრო დიდი საფრთხის ქვეშ არიან. სერიოზული საფრთხე მომდევნო კვირაში შეიძლება გამოჩნდეს.
- ვერძი. იმპულსურ და გაბედულ ვერძს წინ რთული დღეები ელის, რამაც ყველა გეგმა სერიოზულად შეიძლება შეცვალოს. ხარჯის გაღება მოგიწევთ, რომლის პროგნოზირება აქამდე შეუძლებელი იყო. ასტროლოგები გთხოვენ, რომ საეჭვო შესყიდვებისგან თავი შეიკავოთ და ვალის და კრედიტის აღებისას განსაკუთრებული სიფრთხილე გამოიჩინოთ. დროა, მადა მოთოკოთ და სარისკო ფინანსური ოპერაციები ხელსაყრელ დრომდე გადადოთ.
- ტყუპები. ამ ზოდიაქოს ნიშნის წარმომადგენელს ფულის მიმართ არასერიოზული დამოკიდებულება აქვს. ბავშვივით შეუძლია ფული დახარჯოს ყველაფერზე, რაც მოსწონს და შედეგებზე არ დაფიქრდეს. მოსალოდნელია, რომ უახლოეს დღეებში ტყუპები დიდ თანხაზე მოატყუონ. ფხიზლად იყავით და ღია ავანტიურას მოერიდეთ.
- კირჩხიბი. მგრძნობიარე კირჩხიბს აპრილში ინტუიცია უღალატებს. თუ ადრე ფინანსურ საკითხებში მეექვსე გრძნობას ენდობოდა და ამით იგებდა, ახლა ყველაფერი სხვაგვარად იქნება. „სწორი“ საქმე ადვილად შეიძლება ჩაფლავდეს. ფულის დაკარგვა ხანგრძლივი დეპრესიის მიზეზი გახდება. მთავარია, იმედი არ გაიცრუოთ და გახსოვდეთ, რომ ყველაფერი გამოსწორებადია.
- თხის რქა. შრომისმოყვარე თხის რქასაც რთული დრო ელოდება. ასე შეიძლება თაღლითების ხაფანგში გაებას ან დანაზოგი რაიმე არასერიოზულზე სპონტანურად დახარჯოს. ნებისმიერ შემთხვევაში შედეგების გამოსწორებისას მწარედ ინანებს. ასტროლოგები ირწმუნებიან, რომ 2022 წლის აპრილი თხის რქისთვის საუკეთესო თვე არაა. გირჩევთ, ხარჯი შეამციროთ და ყველა ფინანსურ საკითხში სიფრთხილე გამოიჩინოთ. წინააღმდეგ შემთხვევაში, მარცხი გარდაუვალია.
„ვარსკვლავების მცოდნეები“ ასეთ პროგნოზებს იძლევიან. დიდი ალბათობით, ფინანსური პრობლემების თავიდან ასაცილებლად ამ რეკომენდაციების გათვალისწინება ღირს. შესაძლოა, ნაღდი ფული სჯობს საიმედო ადგილას გადანახოთ. იმედი გვაქვს, რომ ახალი პროგნოზები ზემოთ აღნიშნული ნიშნებისთვის უფრო ოპტიმისტური იქნება.
