რა შეიძლება იყოს სახლში გამომცხვარ გემრიელ და არომატულ მედოკზე უკეთესი? უდავოდ, შოკოლადის მედოკი. ასეთი ნამცხვარი მარტივად მზადდება, ხოლო გემოს თვისებებით ნაყიდ ტკბილეულს არ ჩამოუვარდება. Paparazzi გირჩევთ, რომ რეცეპტი შეინახოთ და სააღდგომოდ გამოაცხოთ.მედოკის კლასიკური რეცეპტში შოკოლადს არ იყენებენ, მაგრამ ამ ინგრედიენტით ბევრი დესერტის გემო უმჯობესდება. თან შოკოლადი ნებისმიერ მაღაზიაში შეგიძლიათ შეიძინოთ. ხელმისაწვდომი და ბევრისთვის საყვარელი კომპონენტია.
ცომის ინგრედიენტები:
- 100 გ კარაქი
- 180 გ შაქარი
- მწიკვი მარილი
- 2 კვერცხი
- 100 გ თაფლი
- 500 გ ფქვილი
- 40 გ კაკაო
- 5 გ სოდა
- 1 ს/კ დარიჩინი
კრემის ინგრედიენტები:
- 500 მლ რძე
- 150 გ შაქარი
- 10 გ ვანილი
- 5 ს/კ მანანის ბურღული
- 200 გ კარაქი
- 6-7 ს/კ საყვარელი მურაბა (სურვილისამებრ)
მომზადების წესი:
- შოკოლადის მედოკის კრემის მომზადებით დაიწყეთ. მანანის ბურღულს, შაქარს და ცოტა რძეს ქვაბში აურიეთ. თანდათან მთელი რძე დაასხით და ქვაბი ცეცხლზე დადგით. კრემი გასქელებამდე მოხარშეთ, მუდმივად აურიეთ.
- როგორც კი, კრემი გასქელდება, გაზქურა გამორთეთ და ქვაბი გვერდზე გადადეთ. კრემის სრულად გაგრილებას დაელოდეთ. ცივი კრემი მიქსერით აფუებამდე ათქვიფეთ. კარაქიც მიქსერით ათქვიფეთ. კრემი და ათქვეფილი კარაქი აურიეთ. მიქსერით მორევა გააგრძელეთ, რომ ერთგვაროვანი კრემის მასა მიიღოთ. კრემი მაცივარში შეინახეთ.
- ცომი ორ თასში მოამზადეთ. პირველ თასში აურიეთ მშრალი ინგრედიენტები: ფქვილი, კაკაო, დარიჩინი. მეორე თასში თაფლი, შაქარი, კარაქი, მწიკვი მარილი მოათავსეთ. ეს ნარევი ცეცხლზე დადგით, შაქრის გადნობამდე და ერთგვაროვანი მასის მიღებამდე ხარშეთ. არ დაგავიწყდეთ კომპონენტების მორევა, სანამ ნარევი იხარშება.
- გაზქურა გამორთეთ და თხევად ნარევს ცოტა გაგრილება აცადეთ. ამის შემდეგ თაფლი–შაქრის მასას კვერცხი და სოდა დაუმატეთ. სოდა წინასწარ ძმრით ჩააქრეთ. თხევად ინგრედიენტებს კარგად აურიეთ და თანდათან მშრალი ნარევი დაუმატეთ.
- პირველივე გოროხის წარმოქმნისას ცომის მოზელა დაიწყეთ. ცომი 4 ნაწილად გაყავით. სურვილის შემთხვევაში, ცომი 1 საათით მაცივარში შეინახეთ ან მაშინვე საცხობ ფორმაზე გააბრტყელეთ. თითოეული ფენა 180 გრადუსზე 6-7 წუთით აცხვეთ.
- გარწმუნებთ, ასეთ ტორტს ნაყიდისგან ვერ გაარჩევთ. ცივი ფენები ლამაზ თეფშზე გადაიტანეთ და კრემი წაუსვით. ნებისმიერი მურაბა შეგიძლიათ დაუმატოთ, ეს სურვილის შემთხვევაში. მაგალითად, ნამცხვრის შუაგულს შეგიძლიათ დაუმატოთ ჟოლოს, მარწყვის, მოცხარის ან გარგარის ტკბილეული. მედოკი გამდნარი შოკოლადით გააფორმეთ ან კვერცხის ცილით ჩვეული აქსესუარი გააკეთეთ. გემრიელად მიირთვით!
