“სამსას მომზადება დელიკატური საქმეა! წარმოშობით უზბეკეთიდან ვარ, ამიტომ მიყვარს აღმოსავლური კერძები!” – მითხრა ჩემმა მეგობარმა და ამ გემრიელი ღვეზელების რეცეპტი მომცა.სამსა ნებისმიერი შიგთავსით გემრიელი გამოდის, მაგრამ კომბოსტოთი განსაკუთრებულია. მითუმეტეს, რომ ყველა გამოყენებული პროდუქტი შედარებით იაფი და ხელმისაწვდომია.
სამსას მომზადება
დღეს პაპარაცის ამ სტატიაში გაგიზიარებთ სამსის მომზადების ინსტრუქციას კომბოსტოს შიგთავსით. საერთოდ კი, შიგთავსად ნებისმიერი სასურველი ინგრედიენტი შეგიძლიათ გამოიყენოთ.
ინგრედიენტები ცომისთვის
- 150 მლ. წყალი
- 10 გრ. გამაფხვიერებელი
- 1 ჩ/კ მარილი
- 100 გრ. მცენარეული ზეთი
- 250 გრ. ფქვილი
ინგრედიენტები შიგთავსისთვის
- 400 გრ. კომბოსტო
- 1 თავი ხახვი
- 0.5 ჩ/კ მარილი
- 2 კბილი ნიორი
- 0,5 ჩ/კ პაპრიკა
- შავი პილპილი
მომზადების წესი
- ჩაყარეთ ჯამში ფქვილი, მარილი, გამაფხვიერებელი. დაასხით 1 ს/კ მცენარეული ზეთი. თავისდან აურიეთ კოვზით, შემდეგ ზილეთ ხელით მაგიდაზე 5 წუთის განმავლობაში. თან დაუმატეთ საჭირო რაოდენობის ფქვილი.
- მიეცით ცომს ძეხვის ფორმა და დაყავით ნაწილებად. დააგუნდავეთ თითოეული ნაწილი, დადეთ და გადააფარეთ ტილო, გააჩერეთ 5 წუთი. შემდეგ თითოეული ნაწილი გააბრტყელეთ, წაუსვით მცენარეული ზეთი, გადააფარეთ სამზარეულოს ცელოფანი და დატოვეთ 15 წუთის განმავლობაში.
- შიგთავსის მოსამზადებლად, დაჭერით წვრილად კომბოსტო, ხახვი ნახევარრგოლებად, ჩააჭყლიტეთ ნიორი, მოაყარეთ მარილი, შავი პილპილი, პაპრიკა. კარგად აურიეთ.
- შიგთავსი გაყავით იმდენივე ნაწილად, რამდენიც ცომი გაქვთ. ცომი გააბრტყელეთ ძალიან თხლად, მოათავსეთ შიგთავსი, მიეცით სამკუთხედი ფორმა.
- გადაიტანეთ ფორმირებული ღვეზელები საცხობ დაფაზე, რომელზეც დაფენილი იქნება პერგამენტის ქაღალდი. აცხვეთ წინასწარ 180 გრადუსზე გახურებულ ღუმელში დაახლოებით 40 წუთი.
- სულ ეს არის, სამსა ფენოვან ცომში კომბოსტოთი მზად არის. გემრიელად მიირთვით!
რჩევა რედაქციისგან: როგორც ხედავთ, სამსას მომზადებაში რთული არაფერია. ეს აღმოსავლური ღვეზელი ყველას მოეწონება. თქვენ გაგისინჯავთ სამსა, ან გიცდიათ მისი გაკეთება? გაგვიზიარეთ კომენტარებში.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
