ხანდახან გსურს კულინარიული ექსპერიმენტის ჩატარება და რაიმე ეგზოტიკურის მომზადება. დღეს, პაპარაცის ამ სტატიაში, გადავწყვიტეთ მოვამზადოთ აღმოსავლური ტკბილეული ფაშმაკი. ეს არის კერძი საოცარი ტექსტურით და გემოთი.
ინგრედიენტები
- 220 გრ. შაქარი
- 150 გრ. წყალი
- მწიკვი ლიმონის მჟავა
- 150 გრ. ფქვილი
- 50 გრ. კარაქი
მომზადების წესი
- სქელძირიან ქვაბში ჩაუშვით წყალი და შაქარი, დაუმატეთ ლიმონმჟავა. დადგით ცეცხლზე და მოამზადეთ შაქრის კარამელი. მასა უნდა ჩასქელდეს. დაასხით მზა კარამელი სამუშაო ზედაპირზე, მოუყარეთ ერთად თავი, რათა კიდეები ცალკე არ გაცივდეს. შეაგრილეთ.
- ტაფაზე მოხალეთ ფქვილი კარაქთან ერთად. ურიეთ სისტემატიურად სანამ არ გახდება ფხვიერი და აღარ ექნება ფქვილის სუნი. გადაიტანეთ ცალკე ჯამში. დაუბრუნდით კარამელს. ხელები დაიმუშავეთ ზეთით და დაიწყეთ მისი გაწელვა. გაწელეთ და გადაკეცეთ რაც შეიძლება ბევრჯერ.
- ეს უნდა აკეთოთ მანამდე, სანამ კარამელი არ გათეთრდება.
- ბოლოს გააკეთეთ კარამელის რგოლი, ჩაუშვით ის ფქვილში. კვლავ გაწელეთ, შეაზილეთ ფქვილი, გაწელეთ და შეაზილეთ. თანდათან ზოლები უფრო თხელი უნდა გახდეს, ფქვილი კი დაცოტავდეს.
- საბოლოოდ მიიღებთ კარამელის უწვრილეს ძაფებს, რომელიც ფქვილშია ამოვლებული. ის ძალიან წააგავს ობობას ქსელს. დაჭერით და მიირთვით ჩაისთან ერთად!
შრომა და მოთმინება:მიუხედავად იმისა, რომ ტკბილეული უბრალო ინგრედიენტებისგან შედგება, მომზადების პროცესი არ არის მარტივი. ნუ დაღონდებით, თუ პირველივე ცდაზე არ გამოგივათ. სცადეთ კიდევ და აუცილებლად მიაღწევთ შედეგს.თქვენ გსმენიათ ამ უცნაურ ტკბილეულზე, ან გაგისინჯავთ გაგვიზიარეთ კომენტარებში.
