კაშკაშა ფერის ბამბლ-ყავა გაახალისებს და განაახლებს თქვენი წვეულების ყველაზე დაღლილ მონაწილესაც კი. ასე რომ, ზაფხულის დასაწყისში დროა ვისწავლოთ მისი მომზადება. სასმელმა თავისი სახელი შავი ყავისა და ყვითელი ფორთოხლის წვენის ფენების მონაცვლეობის გამო მიიღო და ჰგავს ზოლიან ბზიკს.ფორთოხლისფერი ყავის მოსამზადებლად დაგჭირდებათ ესპრესო, წვენი, კარამელის სიროფი და ყინულის კუბები. მოგეხსენებათ, ფორთოხალი აცოცხლებს ადამიანს ყავის მარცვლებზე მეტად. ამიტომ, ყავისა და ციტრუსის კომბინაცია ორმაგ სიამოვნებას მოგანიჭებთ.
ბამბლ-ყავა
ინგრედიენტები
- 100 მლ. ესპრესო
- 20 მლ. ფორთოხლის წვენი
- ყინულის კუბები
- რამდენიმე ნაჭერი ფორთოხალი მოსართავად
მომზადების წესი
- მოხარშეთ ორი პორცია ესპრესო და შედგით მაცივარში გასაცივებლად.
- გარეცხეთ ფორთოხალი, მოაჭერით კიდეები.
- ჩააწყვეთ ჭიქაში ყინულის კუბები.
- დაუმატეთ კარამელის სიროფი.
- ჩაასხით 100 მლ ფორთოხლის ფრეში.
- ახლა კი ესპრესოს დროა. იმისათვის, რომ სასმელი გამოვიდეს ფენებიანი, უნდა იცოდეთ პატარა ხრიკი. ფრთხილად დაასხით ესპრესო ყინულის ერთ-ერთ კუბზე. შედეგად, ყავა ფორთოხლის წვენს არ შეერევა და თქვენი კოქტეილი ნამდვილად ბზიკს დაემსგავსება.
- ბამბლ-ყავა მზად არის! სასმელი გამოდის ულამაზესი და უგემრიელესი, საზაფხულო და კარგად აერთიანებს ყავის სიმწარეს ფორთოხლის მომჟაო-მოტკბო გემოს.
- სუფრასთან მიტანის წინ ჭიქები მორთეთ ფორთოხლის ნაჭრებით.
გემრიელად მიირთვით!
რჩევა რედაქციისგან: ზოგს უყვარს კოქტეილის მორევა, რათა სიროფის გემო კარგად შეერიოს. სხვები არ ურევენ, რათა ლამაზი ფენები შეინარჩუნონ და სათითაოდ დააგემოვნონ ინგრედიენტები. ეს უკვე გემოვნების საკითხია. ზოგჯერ სთავაზობენ რამდენიმე სუფრის კოვზი ნაღების დამატებას ინგრედიენტებში. ეს კოქტეილი შეიძლება მოვრთოთ ათქვეფილი ნაღებით.ყავა… ვის არ უყვარს ეს სურნელოვანი და გამამხნევებელი სასმელი? მისი თაყვანისმცემლების არმია ორ შეურიგებელ ბანაკად იყოფა. ზოგს ურჩევნია ნატურალური შავი ყავა დალიოს დანამატების და შაქრის გარეშე, მიაჩნიათ, რომ ეს სასმელის გემოს აფუჭებს. სხვებს მოსწონთ ყავის დალევა დანამატებით, უმეტეს შემთხვევაში უპირატესობას რძეს ანიჭებენ.
თქვენ რომელს ანიჭებთ უპირატესობას? ყავას დანამატების გარეშე თუ რძიანს? გაგვიზიარეთ კომენტარებში.
