სახლში მომზადებული ყველაზე მარტივი და უბრალო ნამცხვრებიც კი ჯობია ნებისმიერ შეძენილ ტკბილეულს. ბოლოს და ბოლოს, თქვენ ზუსტად იცით რისგან ამზადებთ.თუ მოინდომებთ, შეგიძლიათ მოამზადოთ არაჟნის ნამცხვრები პაპარაცის დღევანდელ სტატიაში მოცემული რეცეპტის მიხედვით და საერთოდ აღარ მოგინდებათ მაღაზიაში ნაყიდი დესერტები.
არაჟნის ორცხობილები
ინგრედიენტები
- 50 გრ. შაქარი
- 0,5 ჩ/კ ვანილიანი შაქარი
- 15ო გრ. არაჟანი, იოგურტი, ან კეფირი
- 100 გრ. კარაქი
- 300 გრ. ფქვილი
- 1 ჩ/კ გამაფხვიერებელი
- 1 კვერცხი
- მწიკვი მარილი
- სეზამის მარცვლები შიგთავსისთვის
მომზადების წესი
- დიდ ჯამში გატეხეთ კვერცხი, დაამატეთ შაქარი, ვანილი, არ დაგავიწყდეთ ცოტა მარილი. ეს ყველაფერი კარგად აურიეთ მიქსერით. ასევე დაამატეთ დარბილებული კარაქი და არაჟანი, კეფირი, ან იოგურტი და ისევ აურიეთ საფუძვლიანად.
- დაუმატეთ მიღებულ მასას ფქვილი და გამაფხვიერებელი, მოზილეთ რბილი ცომი. დააფარეთ თავზე და გააჩერეთ 10 წუთის განმავლობაში.
- ცომი დაჭერით 20 თანაბარ ნაწილად და თითოეული მათგანი ხელით მოახვიეთ გუნდებად.
- შემდეგ გააბრტყელეთ თითოეული გუნდა და მის ნახევარზე საკონდიტრო დანით გააკეთეთ ნაჭრები. მოათავსეთ ზედ სეზამის მარცვლები, ასევე შეგიძლიათ აიღოთ გატარებული ნიგოზი ქიშმიშით.
- შემდეგ გადაახვიეთ ცომი მილისებურად. შიგთავსად შეგიძლიათ გამოიყენოთ ნებისმიერი სასურველი ინგრედიენტი. საცხობ ფურცელზე დააფინეთ პერგამენტის ქაღალდი. წაუსვით თავზე ორცხობილებს კვერცხის გული და აცხვეთ 20 წუთის განმავლობაში 180 გრადუსზე.
არაჟნის ორცხობილები მზადდება ძალიან სწრაფად. უბრალოდ სჭირდება ხელის შეჩვევა, რათა თითოეული ფუნთუშა თანაბარი და პროპორციული გამოვიდეს. სუფრასთან მიტანამდე მოაყარეთ შაქრის პუდრა.ფუნთუშები მართლაც გასაოცარი და ძალიან გემრიელი გამოდის. გარდა ამისა, შიგთავსად შეგიძლიათ გამოიყენოთ ჯემიც. აქ უკვე გემოვნების ამბავია და ყველას შეუძლია იპოვოთ სასურველი პროდუქტების საუკეთესო კომბინაცია.
თქვენ რითი დაამზადებთ ამ ორცხობილებს? გაგვიზიარეთ კომენტარებში.
