ყველი უზრუნველი ბავშვობის მოგონებაა. ყოველთვის, როცა ბებიასთან მივდიოდი სტუმრად, სადილად ყველის დიდ ნაჭერს მიდებდა. იმ დროს ყველაზე მეტად მომწონდა ყველი “დუპლეტი” – მყარი ყველი ნარინჯისფერ-ყვითელი ფერით. წლების განმავლობაში გავსინჯე ათეული სახეობის ყველი და ჯერ კიდევ ბევრი მაქვს დასაგემოვნებელი. დღეს პაპარაცის ამ სტატიაში გასწავლით როგორ მოამზადოთ მაგარი ყველი ხაჭოსგან.
როგორ მოვამზადოთ მაგარი ყველი
მინდა შეგახსენოთ, რომ ყველი და ყველის პროდუქტი სრულიად განსხვავებული რამ არის. იდეალურ შემთხვევაში, ნატურალური ყველი, რომელსაც მაღაზიაში ვყიდულობთ, უნდა შედგებოდეს რძის, მაწონისა და ფერმენტებისგან. ხოლო დანამატები, კონსერვანტები, მცენარეული ინგრედიენტები ქმნის ყველის პროდუქტს. ასეთი ყველი ცოტათი იაფია, მაგრამ არანაირი სარგებელი არ აქვს.
ბებიას წლების განმავლობაში ჰყავდა ძროხა სოფელში. მშვენიერი დრო იყო: საუზმეზე ახალი ხაჭო თაფლით, საღამოს კი კაკაო რძით. ბებიამ აკეთებდა კარაქს, არაჟანს, აცხობდა დარიჩინის ფუნთუშებს. ვინაიდან ხაჭო და რძე უხვად გვქონდა დედაჩემი ხაჭოსგან ამზადებდა მდნარ ყველს. დღეს კი მე მაგარ ყველს მოვამზადებ.
ინგრედიენტები
- 1 კგ ხაჭო
- 1 კვერცხი
- 6 გრ. მარილი
- 6 გრ. სოდა
- 1 ს/კ ზეთი
მომზადების წესი
1 . ხაჭო ჩადეთ მინის ჭურჭელში ან ისეთ ჭურჭელში, რომელიც თავსდება მიკროტალღურ ღუმელში. გააცხელეთ ყველაზე მაღალ ტემპერატურაზე 3 წუთის განმავლობაში, ან მოხარშეთ ყველი წყლის აბაზანაზე. ყოველ 3 წუთში (2-3-ჯერ) ამოიღეთ ყველი წყლის აბაზანიდან და მოურიეთ სილიკონის ნიჩბით.
2 . საწურს დააფარეთ მარლა და მიღებული შრატი გამოწურეთ ყველისგან. შემდეგ დააბრუნეთ ყველი ღრმა თასში.
2 . დაუმატეთ მარილი, სოდა და კვერცხი. ხაჭო ათქვიფეთ ხელის ბლენდერით ერთგვაროვანი მასის მიღებამდე და დაამატეთ მცენარეული ზეთი. ისევ აურიეთ ბლენდერით.
4 . შემდეგ, ყველიანი თასი დადგით წყლის აბაზანაზე და ურიეთ. როცა მასა გახდება ელასტიური და ერთ გუნდად შეიკვრება, გადაიტანეთ თავსახურიან ჭურჭელში, უმჯობესია, მინის კონტეინერში და გააცივეთ.
5 . შეინახეთ ყველი მაცივარში პერგამენტის ქაღალდით, ან კონტეინერში. გემრიელად მიირთვით!
რჩევა რედაქციისგან:ასეთ ყველში შეგიძლიათ დაამატოთ თხილი ან ნებისმიერი სანელებლები: კუმინი, პაპრიკა, რეჰანი. გაითვალისწინეთ: ხაჭო აუცილებლად უნდა იყოს სახლის და არა ქარხნული.
თქვენ გიცდიათ ხაჭოსგან ყველის მომზადება? გაგვიზიარეთ გამოცდილება კომენტარებში.
