ყველი ლურჯი თუ თეთრი ობით – არ აქვს მნიშვნელობა, ძალიან გემრიელია და სასარგებლო. მაგრამ საფრთხესაც მალავს. დღეს პაპარაცის ამ სტატიაში გთავაზობთ გაარკვიოთ ნიშნები, რომლის მიხედვითაც მიხვდებით, რომ ყველი გაფუჭებულია და  არა უბრალოდ ობიანი.

ყველი ცისფერი ობით

ძალიან მიყვარს ყველი ბრი თეთრი ობით – რბილი, ნაზი, კრემისებური და სასიამოვნო არომატით. უხდება ტკბილ კენკრას, კრუასანებს, ან ბაგეტებს.  ვახშამზე გამდნარ ბრის ყველში ვაწობ კრეკერს, ვაყოლებ ახალ ხურმისა და რუკოლას!ასევე, უფრო პიკანტური ლურჯი ყველი. მაგალითად, გორგონზოლა, შროპშირი. აღარაფერს ვამბობ “Marble Bleu”-ზე – დაძველებული, მდიდარი თხილის, წიწაკის არომატით და ხანგრძლივი გემოთი. კარგია კედარის კასრებში დაძველებულ თეთრ ან მშრალ წითელ ღვინოსთან ერთად. მას მშვენივრად ეთვისება თაფლი და ტკბილი ხილი, ის არის ყველის მეფე და ნაღების, სოუსების შეუცვლელი ინგრედიენტი.

ამ ყველის ობი საკვებად ვარგისია. მაგალითად, ლურჯი ობი არის პენიცილინი. ის აქვს ისეთ ყველს, როგორიცაა გორგონზოლა და როკფორი. თეთრი ობი – საფუარის მსგავსი სოკო Geotrichum candidum – ფარავს ბრის, კამემბერტს. ეს ყველიც ძალიან გემრიელია და მისი ობი სრულიად უვნებელია.მე, როგორც საკმაოდ გამოცდილ ყველის მოყვარულს, მქონია შემთხვევა, რომ ლურჯ ობთან გაჩენილა ვარდისფერიც… ლამაზია, დასანანია მისი გადაგდება! მოდით გავერკვეთ, თუ როგორ უნდა ამოვიცნოთ ახალია ლურჯი ყველი, თუ უკვე ვადაგასულია.

ყველი იყიდეთ მხოლოდ კარგ, სანდო ადგილებში, ყიდვისას გაითვალისწინეთ დამზადების თარიღი და ვარგისიანობის ვადა. ყურადღება მიაქციეთ მის ვიზუალს. მაგალითად, თუ ლურჯ ობთან ერთად არის ვარდისფერი ობი, (და ეს, რა თქმა უნდა, არ არის საკვების ობი!), ასეთი ყველი იწყებს გაყვითლებას გარედან. ღია ნაწილი შეიძლება გახდეს კრემისფერი.დააკვირდით, არის თუ არა მუქი წრეები, ან ლაქები, აქვს თუ არა ლორწოვანი გარსი. ყურადღება მიაქციეთ ყველის ტექსტურას: განსხვავდება თუ არა ის თავდაპირველისგან. მაგალითად, აქვს ბზარები და გახდა მსხვრევადი.

გასათვალისწინებელია, გაჩნდა თუ არა „ამიაკის“ გამოკვეთილი არომატი. ლურჯ ყველს აქვს საკმაოდ მძაფრი და ცოტათი მკვეთრი გემო, სოკოს ნოტებით. თეთრი ობის მქონე ყველს, ასევე აქვს სოკოს სუნი, მაგრამ უფრო რბილი და დელიკატურია.ობიანი ყველი არ უნდა შეიცავდეს ამიაკის ნოტებს. თუ ყველში ასეთ რამეს  იგრძნობთ, მაშინ ეს პროდუქტი საკვებად უვარგისია. და ბოლო ნიშანი არის გემო. გაფუჭებული ყველი გემოთი მძიმეა, შეიძლება გაჩნდეს სიმწარე და წვავს ენის წვერს.

რჩევა რედაქციისგან: იმისათვის, რომ ობიანი ყველი უფრო დიდხანს შეინახოს თქვენს მაცივარში, გირჩევთ შეახვიოთ იგი ფოლგაში, ან სპეციალურ ქაღალდში.პირადად მე, ლურჯი ყველი ძალიან მიყვარს, მაგრამ ვცდილობ ფრთხილად ვიყო. ვყიდულობ იშვიათად და მხოლოდ ყველის მაღაზიებში, ვამოწმებ თარიღებს. ერთხელ დედამთილი აპირებდა ჩემი შვილის გამოკვებას ასეთი ყველით, მაგრამ არ იცოდა კარგი პროდუქტის გარჩევა გაფუჭებულისგან. კიდევ კარგი, რომ იქვე ვიყავი და შევაჩერე. ახლა ის კითხულობს ხოლმე ნიშნებს, თუ როგორ უნდა გაიგოს, ახალი ყველი უბრალოდ ობიანია, თუ გაფუჭდა.

თქვენ გიყვართ ობიანი ყველი? რომელი უფრო მოგწონთ, თეთრი თუ ლურჯი? გაგვიზიარეთ კომენტარებში.