როგორიც არ უნდა იყოს ქალის გარეგნობა, ხასიათი თუ სიმაღლე, ყველა პოულობს შესაფერის მეწყვილეს. გარეგნობა გემოვნების საკითხია, ხასიათების შეწყობა შესაძლებელია, სიმაღლე კი საერთოდ არ არის მნიშვნელოვანი. არსებობენ საოცრად ლამაზი გოგოები, მაგრამ ისინი მაინც მარტოები არიან. რა უშლის მათ მეწყვილის პოვნაში, მითუმეტეს, როგორც ამბობენ, მამაკაცებს თვალებით უყვართ? ანუ, ყველაფერი გარეგნობაზე არ ყოფილა დამოკიდებული. დღეს პაპარაცის ამ სტატიაში ვისაუბრებთ იმაზე, თუ რა მოსწონთ მამაკაცებს ქალებში ყველაზე მეტად.

რა მოსწონთ ყველაზე მეტად მამაკაცებს

დეიდა ანა წელს 70 წლის გახდა. ის სამჯერ იყო დაქორწინებული და მთელი ცხოვრება მამაკაცებით იყო გარშემორტყმული. ახლაც ჰყავს რამდენიმე თაყვანისმცემელი, ზოგი მასზე ბევრად უმცროსია. ვერ ვიტყვი, რომ განსაკუთრებული გარეგნობა აქვს, მაგრამ მისი ქცევა, როგორ ჩანს, მამაკაცებს ხიბლავს.დედა მითხრა, რომ როდესაც დასთან ერთად პარკში სეირნობდა, ვინც გზად ხვდებოდა, კომპლიმენტებს არ იშურებდა: „რაღაც, განსაკუთრებულად უყურებდა ყველას, ხანდახან ჩაილაპარაკებდა –  ”რა საინტერესო ახალგაზრდაა… რა კარგი კუნთები აქვს… რა სასიამოვნო ღიმილი აქვს…ანა ყოველთვის პოულობდა მამაკაცში რაღაც მიმზიდველს და მათაც მოსწონდათ ჩემი დის კომპანიაში ყოფნა.” დეიდა ანამ ცხოვრებაში ბევრს უთხრა უარი, მაგრამ მამაკაცებს ყოველთვის განძად აღიქვამდა.

მადლიერება – შეგიმჩნევიათ, რომ ახლობლები ხშირად უჩივიან მეუღლეებს? ან ცოტა ფული შემოაქვს სახლში, ან უკვე ორი თვეა კარის საკეტს ვერ ცვლის, ჭურჭელს არ რეცხავს, ​​რესტორანში არ მიჰყავს და ა. შ. ბოლოს როდის გადაუხადე მადლობა საყვარელ ადამიანს? მამაკაცები ძალიან მგრძნობიარენი არიან ქალის კრიტიკის მიმართ. უხარიათ შექება და ეს ქება შთააგონებთ. მამაკაცებს სურთ მოისმინონ არა მარტო მოთხოვნების სია, არამედ კომპლიმენტები და მადლიერება.აღფრთოვანდით მინდვრის ყვავილების თაიგულით, ნუ მოითხოვთ 101 ვარდს და ბედნიერი იქნებით. ყველა მამაკაცი აფასებს და ყოველთვის ეცდება ასიამოვნოს ქალს, რომელმაც იცის როგორ იყოს მადლიერი. ზოგადად, მადლიერება ნიშნავს რაღაცის სანაცვლოდ გაცემას: გულწრფელი ღიმილი, ჩახუტება, თბილი ვახშამი ან კეთილი სიტყვა. ეს ხომ ძალიან მარტივია!

ინიციატივის აღება – მამაკაცებს უყვართ თამამი ქალები, ვისაც არ ეშინია, პირველი მიუახლოვდეს მათ გასაცნობად. კომპლიმენტები მხოლოდ გოგონებს არ უყვართ. ასე რომ, დეიდა ანას თაყვანისმცემლებს მოაქვთ ხოლმე მარწყვი თავიანთი ბაღიდან, ტაქსის მძღოლებმა შესაძლოა მგზავრობის საფასურიც არ გადაახდევინონ – და ეს მხოლოდ თავაზიანი კომუნიკაციის შედეგია. მეგობრული ღიმილი ან დაინტერესებული მზერა – ეს არის შეუმჩნეველი ინიციატივა, რომლისთვისაც არავინ გაგნსჯის.

ცნობისმოყვარე გონება – მაღალი ინტელექტის მქონე გოგონები არასდროს აწუხებენ მამაკაცებს ზედმეტად. ჭკვიან ქალთან ყოველთვის გამოიძებნება სასაუბრო თემა და შესაძლებელია რჩევის მიღებაც. იდეალური ურთიერთობები აგებულია არა მხოლოდ ფიზიკურ, არამედ გონებრივ სიახლოვეზეც. მამაკაცი არასოდეს მოატყუებს ლამაზ, ჭკვიან და თავმოყვარე ქალს.

რჩევა რედაქციისგან – არ არის საჭირო მამაკაცის მოზიდვა სხვადასხვა მანიპულაციით. ფოკუსირება მოახდინე შენს პიროვნებაზე, ჰკითხე საკუთარ თავს, რა გსურს ცხოვრებისგან და მერე მიხვდები, თუ როგორი ადამიანის ნახვა გინდა შენს გვერდით. როცა კარგ ადამიანს შეხვდები, აუცილებლად იყავი მადლიერი იმ ყურადღებისა და ზრუნვისთვის, რომელსაც პარტნიორი გაჩვენებს. ნუ გაამახვილებ ყურადღებას ადამიანის უარყოფით ასპექტებზე, შეხედე სხვა კუთხით და აამუშავე მასში პოზიტიური მხარე.

თქვენ რას ფიქრობთ ამ საკითხზე? გაგვიზიარეთ კომენტარებში.