ნიკოლოზი დარწმუნებული იყო, რომ ერთგული ცოლი ჰყავდა, სანამ ერთ მშვენიერ დღეს მის ტანსაცმელზე მამაკაცის სუნამოს სუნი არ იგრძნო. უცხოსი, რა თქმა უნდა. მას არაფერი უთქვამს და უკითხავს, აირჩია სულ სხვა ტაქტიკა. რა გამოიწვია მამაკაცის უჩვეულო საქციელმა და არის თუ არა ცოლი მისი ერთგული? ამის შესახებ პაპარაცის დღევანდელ სტატიაში შეიტყობთ.

ერთგული ცოლი

დავქორწინდი ყველაზე ლამაზ და მგრძნობიარე ქალზე მსოფლიოში. ჩვენი ურთიერთობის გარიჟრაჟზე მეჩვენებოდა, რომ ვიპოვე ის, ვისთან ერთადაც მთელი ცხოვრება ვიცხოვრებდი. ჩვენი ქორწინების მომდევნო 10 წლის განმავლობაშიც დარწმუნებული ვიყავი, რომ ასეც იქნებოდა.ნატა ჩემი საოცარი შვილების დედა გახდა. ჩვენ გვყავდა ტყუპები: ანასტასია და დათუნა. ერთად გავაკეთეთ ყველაფერი იმისთვის, რომ ჩვენი ბავშვები ჯანმრთელები და ბედნიერები გაზრდილიყვნენ.სამსახურშიც გამიმართლა. კარიერის კიბეზე თავდაჯერებულად ავდიოდი. მოვახერხე მანქანის ყიდვა და სწრაფად გადავიხადე იპოთეკა. მე და ჩემმა მეუღლემ ერთად მოვაწყეთ ბინა. პირადად მე დიზაინის არაფერი მესმის. უბრალოდ, ძალიან მინდოდა ჩვენი ბუდე მსოფლიოში საუკეთესო ადგილი ყოფილიყო.

როცა ბავშვები წამოიზარდნენ, ცოლმა მუშაობის დაწყება მოინდომა. ამის აუცილებლობა არ იყო, მაგრამ ნატასთვის მნიშვნელოვანი იყო ოჯახის ბიუჯეტში წვლილის შეტანა.გაგვიმართლა, რადგან იმ მომენტში ჩემი უფროსი ძმა თავის კომპანიაში ახალ თანამშრომლებს ეძებდა. ნატამ გადაწყვიტა, რომ ნათესავთან მუშაობა ცუდი იდეა არ იყო. მეც უფრო მშვიდად ვიყავი. ჩემს ძმას საკუთარი თავივით ვენდობოდი.

გადამწყვეტი მოქმედება – არასოდეს მეპარებოდა ეჭვი, რომ ერთგული ცოლი მყავდა. მაგრამ რაღაც მომენტში შევამჩნიე, რომ ნატა უცნაურად იქცეოდა. ის უფრო ხშირად რჩებოდა სამსახურში გვიანობამდე, ჩვენი ურთიერთობაც თანდათან გაცივდა.
მეტ სიახლოვეზე საუბარი აღარც ყოფილა. მეუღლე ყოველთვის პოულობდა საბაბს და ამბობდა, რომ ძალიან დაღლილი იყო. სიმართლე გითხრათ, არ მომეწონა ეს ყველაფერი და გადავწყვიტე ჩემს ძმას დავლაპარაკებოდი.ვახომ გულწრფელად აღიარა, რომ კომპანიას რთული პერიოდი ჰქონდა და ნატას ნამდვილად უწევდა ზეგანაკვეთური მუშაობა. პირობა მომცა, რომ რძალს აუცილებლად დააჯილდოვებდა ღირსეული პრემიით, როცა საქმე უკეთესობისკენ წავიდოდა და მეც დავმშვიდდი.

მაგრამ გავიდა დრო და სიტუაცია არ შეცვლილა. რაღაც მომენტში შევამჩნიე, რომ ნატას ტანსაცმელს სხვანაირი სუნი ასდიოდა. მართალი გითხრათ, ადამიანების სურნელს დიდ ყურადღებას არ ვაქცევ, მაგრამ ეს ძალიან განსხვავდებოდა იმისგან, რომელსაც მე მიჩვეული ვიყავი ჩვენი ერთად ცხოვრების პერიოდში.მე არ მქონდა ძალა და სურვილი, რომ ახსნა-განმარტება მომეთხოვა. მალე მიწევდა მივლინებაში წასვლა. ბავშვები ჩემს მშობლებთან იყვნენ აგარაკზე. ვიფიქრე, რომ თუ ჩემი ცოლი მატყუებს, მაშინ ჩემს არყოფნაში  აუცილებლად მოიყვანდა თავის საყვარელს ჩვენს ბინაში.

მაშინ გადავწყვიტე, რომ უკიდურეს ზომებზე წავსულიყავი და ჩვენს საძინებელში ფარული სათვალთვალო კამერა დავაყენე. მხოლოდ ჩემი ტელეფონით ვხედავდი ოთახში რა ხდებოდა. სანამ გზაში ვიყავი, ადგილს ვერ ვპოულობდი. ერთი მხრივ მჯეროდა, რომ ჩემს მეუღლეს ასეთი რამ არ შეეძლო. მაგრამ მეორე მხრივ, მეჩვენებოდა, რომ ჩემი ინტუიცია არ მატყუებდა.

ერთგულმა მეუღლემ სხვა იპოვა – იმავე საღამოს გაირკვა სიმართლე. აღმოჩნდა, რომ მარტო ნატამ არ მიღალატა. საღამოს 10 საათისთვის საძინებელში მამაკაცის ფიგურა გამოჩნდა. მაშინვე ვიცანი ჩემი ძმა… შემდეგ კი ჩემს თავში ყველაფერი დალაგდა.ამიტომაც მოყვა ვახომ ზღაპრები ნატას სამსახურში ზეგანაკვეთური მუშაობის შესახებ. მართალი გითხრათ, როცა მათი ხვევნა-კოცნა დავინახე, უბრალოდ ავტირდი. ნუთუ, ცუდი ქმარი ვიყავი? რა იპოვა მან ვახოში? ძალიან ბევრი კითხვა მქონდა და ძალიან ცოტა პასუხი. ერთი თვე გავიდა იმ საშინელი საღამოდან. უკვე მოვითხოვე განქორწინება, მაგრამ ახლა უბრალოდ არ ვიცი როგორ ვიცხოვრო.

რას გვასწავლის ეს ამბავი – ხანდახან სიმართლის გასარკვევად უკიდურეს ზომებზე უნდა წახვიდე. ჩვენ არ მოგიწოდებთ მოიქცეთ ისე, როგორც დღევანდელი ისტორიის გმირი. მაგრამ, როგორც ხედავთ, სათვალთვალო კამერა დაეხმარა მას სწრაფად და მარტივად გაეხსნა კარტები.სამწუხაროდ, არავინ არის დაზღვეული საყვარელი ადამიანის ღალატისგან. მაგრამ ჩვენ დარწმუნებულნი ვართ, რომ ნიკოლოზი შესძლებს ღირსეულად გაუმკლავდეს ყველაფერს. ასეთ სიტუაციაში კი უმჯობესია დაუყოვნებლივ მიმართოთ დახმარებისთვის სპეციალისტს. თქვენ რას ფიქრობთ? გაგვიზიარეთ კომენტარებში.