ყველაზე ბედნიერი დედა – როგორი უნდა იყოს ის? რა ასაკის და სტატუსის? რას კარნახობს ქალებს თანამედროვე სამყარო? ჯერ ხომ კიდევ არ გამქრალა შეხედულება, როდესაც გოგონებს დედობისთვის ხანდაზმულად თვლიდნენ? პაპარაცის დღევანდელ სტატიაში დაგიმტკიცებთ, რომ დედობა მშვენიერია ნებისმიერ ასაკში და მთავარია ამ პატარა სასწაულის ბედნიერება და სიყვარული.
ბედნიერი დედა
სულ რაღაც ერთი თვის წინ ჩემი კარგი მეგობარი მშვენიერი გოგონას, ანჯელინას დედა გახდა. სახელი მართლაც ლამაზი შეარჩია, ბავშვიც ძალიან საყვარელი და მხიარულია, მაგრამ დედამისი შემთხვევით გახდა ორი მედდის საუბრის უნებლიე მსმენელი. ქალბატონები არ ერიდებოდნენ მის გაკიცხვას იმის გამო, რომ მან იმშობიარა … 31 წლის ასაკში.„ჯანმრთელობის პრობლემების გამო ბავშვის გაჩენა არ შემეძლო, მაგრამ როგორც ჩანს, ასეთებს ეს არ აინტერესებთ, მიუხედავად იმისა, რომ მათ ნახეს ჩემი სამედიცინო ჩანაწერები. ამბობდნენ, რომ რომ ბავშვი სკოლაში რომ წავა, ბებერი ვიქნები. რომ ჩემს ქალიშვილს შერცხვება ჩემთან ერთად ხალხში გასვლა. როგორი ამაზრზენი და მახინჯია შეხედულებაა!. ვისურვებდი, რომ ეს საუბარი არ მომესმინა!”
ხმაურიანი ამბავი. და სანამ ნაწილი ადამიანების იტანჯება ასეთი სულელური პრობლემებით, ზოგიერთი ქალბატონი მშობიარობს 72 წლის ასაკში. საუბარია ინდოეთში მცხოვრებ დალჯინდერ კაურზე. ის მთელი ცხოვრება ცდილობდა შვილის გაჩენას, მაგრამ არ გამოუვიდა. შემდეგ კაურებმა გადაწყვიტეს სამედიცინო მაიპულაციით ჩარევა. საბოლოოდ დალჯინდერს გაუმართლა, გაუძლო ყველაფერს და გააჩინა ჯანმრთელი ბიჭი.რა თქმა უნდა, ქალს ესმოდა, რომ რისკები საკმაოდ მაღალი იყო. 2016 წელს მშობიარობის შემდეგ მას სახსრების პრობლემები, წნევა და დაღლილობა აწუხებდა, თუმცა კაურები ძალიან ბედნიერები იყვნენ. დალჯინდერმა მედიას განუცხადა, რომ ძალიან სწყინდა, როდესაც ყველა “უშვილოს” უწოდებდა, მაგრამ ქმარი მხარს უჭერდა საყვარელ ადამიანს და უარს ამბობდა განქორწინებაზე.
ნამდვილი რეკორდსმენები. პირველი ქალი რეკორდსმენი, რომელსაც გაუმართლა და ბავშვი სამედიცინო ჩარევის გარეშე შეეძინა, იყო ბრიტანელი დოუნ ბრუკი. შემთხვევა 1997 წელს დაფიქსირდა, როცა დოუნი უკვე 59 წლის იყო. ინდოეთში კი დალჟინდერ კაურის გარდა, იყვნენ ქალები, რომლებმაც 70-71 წლის ასაკში ორი და სამი ტყუპი გააჩინეს.
სწორი მაგალითი. უნდა აღინიშნოს, რომ ასეთი მაჩვენებლები მისაღები და სასიხარულოა. ყველა ეს ქალი ხომ ბავშვზე ოცნებობდა და მათი ოცნებები საბოლოოდ ახდა. თუმცა, არ დაივიწყოთ შესაძლო შედეგებიც! სანამ გადაწყვეტთ ასეთი გაბედული ნაბიჯის გადადგმას, თქვენ ყურადღებით უნდა აწონ-დაწონოთ ყველაფერი და კარგად დაფიქრდეთ. მომავალმა დედამ უნდა იზრუნოს საკუთარ ჯანმრთელობაზე, რადგან უნდა აღზარდოს და გზაზე დააყენოს ბავშვი.უფრო მეტიც, მნიშვნელოვანია ბავშვის დაბადებისთვის მომზადებაც. ამისათვის უნდა შეიქმნას ყველა საჭირო პირობა, სისუფთავე და კომფორტი. ძალიან მნიშვნელოვანია სათანადო პირობების მოწყობა დედისთვისაც. მას აუცილებლად დასჭირდება ოჯახის მხარდაჭერა და დახმარება. ასევე, საჭიროების შემთხვევაში ქალს უნდა გაეწიოს სპეციალური ფსიქოლოგიური დახმარება.
ყველაზე ბედნიერი დედა მსოფლიოში. მილიონობით საოცარი ცხოვრებისეული ისტორია არსებობს ამ სამყაროში. ვიღაცას მძიმე და უსამართლო ბედი ხვდა, ვიღაცამ კი იღბლიანი ბილეთი ამოიღო და ბედის ნამდვილ რჩეულად იქცა. შეიძლება ადამიანების შეფასება ამის გამო? რა თქმა უნდა არა! ამიტომ, სხვისი პრობლემების განხილვა უკიდურესად მახინჯი პრაქტიკაა.ნუ დაღონდებით, თუ ვერ შეძელით ბავშვის გაჩენა, შეგიძლიათ იშვილოთ ბავშვთა სახლიდან. ათასობით პატარა იტანჯება, მშობლების მზრუნველობის გარეშე და ეს მართლაც, დიდი ტრაგედიაა. მადლობა იმ ადამიანებს, რომლებიც მშობლის სითბოს ანიჭებენ მათ, ვისაც ეს ასე სჭირდება.
თქვენ როგორ ფიქრობთ, რამდენად გამართლებულია ხანდაზმულ ასაკში ბავშვის გაჩენა? გაგვიზიარეთ კომენტარებში.
