სანდროს ცოლი უკვე 5 წელია დაორსულებას ვერ ახერხებდა. რამდენი ცრემლი დაღვარა, რამდენიმე ლოცვა წაიკითხა ნეტარი მატრონას მიმართ, სულ ამაოდ. „საიდან ჩნდებიან ბავშვები? ალბათ, ეს ჩვენი გარდაცვლილი ნათესავების სულებია, რომლებიც დედამიწაზე უნდა დაბრუნდნენ. ღმერთო, ძალიან გთხოვ, ბავშვი მაჩუქე“ – ფიქრობდა ლილი. უკვე 36 წლის იყო და თითქმის იმედი დაკარგა, რომ ოდესმე ლოყებღაჟღაჟა ბავშვის ბედნიერი დედა გახდებოდა. რა თქმა უნდა, კარგი, წესიერი და კეთილი მეუღლე ჰყავდა. სხვა ქალებისკენ თვალი არ გაურბოდა, სარეცხი მანქანების ხარისხიანი რემონტით კარგ ფულს შოულობდა. ერთი შეხედვით, უნდა დამშვიდებულიყო, მაგრამ ძალიან სურდა, რომ საყვარელ მეუღლეს მამობის ბედნიერება განეცადა. საბრალო ქალს ეს მთელი გულით უნდოდა.
საიდან ჩნდებიან ბავშვები – ერთ წვიმიან შაბათის დილას სანდროს დაურეკეს. მაშინვე სახე მოეღუშა. „ძვირფასო, რა მოხდა, რამ გაგაბრაზა ასე?“ – ჰკითხა ლილიმ ქმარს. „ლაშა ცოლთან ერთად დაიწვა“. ქმარი გრძნობებს არ მალავდა, ტუჩები უკანკალებდა. ლილიმ მაშინვე მისი დამშვიდება დაიწყო. იცოდა, ვინ იყო ლაშა. ქმრის გარემოცვაში ეს სახელი მხოლოდ ერთ ადამიანს ერქვა. ლაშა და სანდრო ბავშვობიდან მეგობრობდნენ. სამშენებლო მოედნებზე ერთად დაცოცავდნენ, შურდულს სროულობდნენ, ფეხბურთს თამაშობდნენ. ლაშა ენების მიმართ ძალიან უნარიანი აღმოჩნდა. სანამ სანდრო სკოლის დამთავრების შემდეგ საკუთარ თავს ეძებდა, ვუნდერკინდმა ლაშამ ერთ–ერთ პრესტიჟულ უნივერსიტეტში უცხო ენების ფაკულტეტი წარმატებით დაამთავრა. ლაშამ ესპანური და პორტუგალიური ენები ბრწყინვალედ იცოდა. მალე ანგოლაში სამხედრო თარჯიმნად წასვლა შესთავაზეს. ცოლი სახლში დატოვა და შორეულ ქვეყანაში აღტაცებული გაემგზავრა. ზუსტად იცოდა, რომ ბრწყინვალე კარიერა ელოდა!
რატომ დაიწყო სამხედრო თარჯიმანმა დალევა – დეტალურად არ მოვყვებით, რისი გადატანა მოუწია. ცნობილია ერთი რამ: სახლში დაბრუნებისას ბოთლს მიეძალა, თან მუდმივად, რომ ტკივილი ჩაეხშო. ოდესღაც ჭკვიანი და საოცარი ლაშა სულ სხვა ადამიანი გახდა. ცოლთან ერთად სვამდა, რადგან მეუღლე ძალიან უყვარდა და მის ბედს იზიარებდა. წყვილს ორი ბიჭი ჰყავდათ: დათო და გიორგი 2 წლის სხვაობით. სამწუხაროდ, ამ საყვარელმა, სიმპათიურმა ბიჭებმა, რომლებიც ლაშას ძალიან ჰგავდნენ, დედ–მამას ალკოჰოლური სასმელების მიღება ვერ შეაწყვეტინეს. როგორც ჩანს, ლაშას გულში ნახვრეტი ჰქონდა და საყვარელი შვილების მიმართ სიყვარულმაც ვერ ამოუვსო.
„ყველაფერი დაიწვა, სახლი დაიწვა? სად არიან ბავშვები?“ – იკითხა გაფითრებულმა ლილიმ. ლაშას ბავშვები ნანახი არ ჰყავდა, მაგრამ გულზე ისე მოუჭირა, თითქოს მის შვილებს რაღაც საშინელი დაემართათ. სანდრო სწრაფად მოემზადა. „წავალ, ვნახავ, ჩემი დახმარება თუ სჭირდებათ“.
სხვისი შვილები არ არსებობენ – ლილი რამდენიმე საათის განმავლობაში ოთახიდან ოთახში დადიოდა და ლოცულობდა. ძალიან სურდა, რომ ბავშვები კარგად ყოფილიყვნენ. ლოცვაში საკუთარი თავისთვის არაფერს ითხოვდა, მხოლოდ ბავშვების ჯანმრთელობასა და მამამისზე უკეთეს ბედზე ლოცულობდა. როგორი ჭკვიანი და სიცოცხლით აღსავსე იყო ლაშა და როგორი განადგურებული, დატანჯული და დაუშნოებული დაბრუნდა ანგოლიდან.
ლილის და სანდროს ეს საღამო არასდროს დაავიწყდებათ, ხოლო დათოს და გიორგის თითქმის არ ემახსოვრებათ. სანდრო ძალიან მხიარული იყო, თითქმის 10 წლით გაახალგაზრდავდა. „ნახე, ვინ მოვიყვანე!“ ლილი უსიტყვოდ მიხვდა. ბავშვები მორიგეობით აბანავა, ფუმფულა პირსახოცებში გაახვია. ერთი თითქმის 2 წლის იყო, მეორე – 4 წლის. რა დაამახსოვრდებათ? ალბათ, დედის სუნი. ახლა ლილი მათი დედა გახდა.
სანდრო და ლილი შვილის ყოლაზე იმდენი ხანი ოცნებობდნენ, რომ ახალი როლი ადვილად მოირგეს, ხოლო ახლობლები ბიჭების გაზრდაში ეხმარებოდნენ. ამით ჩვენი ამბავის დასრულება შეიძლებოდა, მაგრამ წყვილს კიდევ ერთი სიურპრიზი ელოდათ. ალბათ, უმთავრესი. მათ სახლში ანგელოზი ბიჭების გამოჩენის შემდეგ ქალი დაორსულდა. ღმერთმა არა მხოლოდ მისი ლოცვა შეისმინა, არამედ იმაზე მეტი მისცა, ვიდრე ელოდა და კეთილი საქმისთვის დააჯილდოვა.
რას გვასწავლის ეს ისტორია: ცხოვრებისეული სიბრძნე
- ადამიანები, რომლებიც სხვის შვილებს სიყვარულით და მზრუნველობით ეპყრობიან, ღვთის კურთხევას და საქმეში მხარდაჭერას იღებენ.
- არასოდეს იცით, როგორ განვითარდება ცხოვრება. წარმატებას და ბრწყინვალე კარიერას ბედნიერება ყოველთვის არ მოაქვს. უფალს მადლობა გადაუხადეთ იმისთვის, რაც გაქვთ, საკუთარ გულს მოუსმინეთ და სინდისის მიხედვით იმოქმედეთ.
- საომარ მოქმედებებში ნებისმიერი მონაწილეობა ადამიანს სამუდამოდ ანადგურებს.
