რაც უფრო ახლოვდება სიცივე, მით უფრო ხშირად გვსურს ვახშამზე ცხელი კერძის მომზადება. კლასიკურ უკრაინულ ბორშზე ვგიჟდები. მისაყოლებლად არომატულ პამპუშკებს ნივრით ხშირად ვაცხობ. როცა ბებია ცოცხალი იყო, მათ ყოველთვის აცხობდა და პარალელურად ბორშს ხარშავდა. რეცეპტი მისგან მივიღე. ნივრიანი პამპუშკების მომზადების ბევრი მეთოდი არსებობს. Paparazzi გიზიარებთ საფუარის ფუნთუშების რეცეპტს, რომელსაც არომატული ნივრის ქერქი აქვს. თითებს ჩაიკვნეტთ!
ნივრიანი პამპუშკები ღუმელში გამომცხვარი – ფუნთუშების მოსამზადებლად ახალი დაპრესილი საფუარი გამოიყენება, მაგრამ მშრალი საფუარიც გამოგადგებათ. როგორც წესი, 3 გ ცოცხალი საფუარი 1 გ მშრალ საფუარს უდრის. შეცდომის თავიდან ასაცილებლად პროდუქტის შეფუთვაზე მითითებულ ინსტრუქციას მიყევით. ფქვილის რაოდენობის მიხედვით დაიანგარიშეთ.
პამპუშკების ინგრედიენტები:
- 600 გ ხორბლის ფქვილი
- 250 მლ თბილი წყალი
- 1 ს/კ არაჟანი
- 30 მლ მცენარეული ზეთი
- 1 ს/კ შაქარი
- 2 კვერცხი
- 0,5 ჩ/კ მარილი
- 1 ჩ/კ ბოსტნეულის სანელებლები
- 20 გ ცოცხალი საფუარი
ნივრის სოუსის ინგრედიენტები:
- 2 კბილი ნიორი
- 2 ს/კ მცენარეული ზეთი
- კამა გემოვნებით
მომზადების წესი:
- როგორც წესი, საფუარის ცომეულში ჯერ ხაში უნდა მოამზადოთ. ამ რეცეპტში ცომი ძალიან მარტივად და სწრაფად იზილება. ღრმა თასში თბილი წყალი, ახალი საფუარი, შაქარი, მარილი და ბოსტნეულის სანელებლები აურიეთ. არაჟანი, 1 კვერცხი, მცენარეული ზეთი და ფქვილი დაუმატეთ.
- ყველა ინგრედიენტი აურიეთ და ცომი მოზილეთ. ბამბის მშრალი პირსახოცი ან შესაფუთი პარკი დააფარეთ. ცომი თბილ ადგილას 1 საათით ამოსასვლელად გააჩერეთ.
- როცა ცომი სათანადოდ ამოვა, ჩაზილეთ და 12 თანაბარ ნაწილად დაყავით. თითოეულიდან ფუნთუშები გააკეთეთ. პერგამენტდაფარებულ საცხობ ფორმაზე დააწყვეთ. 15 წუთით ამოსასვლელად გააჩერეთ. თითოეულს ათქვეფილი კვერცხი წაუსვით.
- ფუნთუშები წინასწარ 180 გრადუსამდე გახურებულ ღუმელში 30 წუთით აცხვეთ.
- სანამ ფუნთუშები ცხვება, არომატული ნივრის სოუსი მოამზადეთ. მცენარეული ზეთი გააცხელეთ, ნიორი და კამა დააქუცმაცეთ. ყველა ინგრედიენტი აურიეთ. მზა ცხელ ფუნთუშებს არომატული ნარევი წაუსვით და სუფრაზე გაიტანეთ. მზადაა!
