რა შეიძლება გააკეთოთ ხისგან? რიტორიკული შეკითხვაა, ასეა? ბუნებრივი მასალა ავეჯის, მოპირკეთების, ყველა სახის დეკორის და ხელნაკეთი ნივთის შესაქმნელად იდეალურია. ბავშვებმა არდადეგებიდან მთელი მთა ტოტები ჩამოიტანეს. ერთ დღეში მათგან ნამდვილი შედევრები გავაკეთე. Paparazzi გიამბობთ, რა გააკეთოთ ტოტებისგან სახლში მყუდროების შესაქმნელად. ლარნაკები ყველაზე მეტად მომეწონა!
რა გავაკეთოთ ხისგან
ფავორიტით, ლარნაკებით დავიწყებ. დაგჭირდებათ ხმელი ტოტები, ძირი (ჭიქა, ლარნაკი, მინის ან თუნუქის ქილა), ცხელი წებო, წებოვანი ღეროები და სეკატორი. ტოტებისთვის ტყეში გაისეირნეთ, რომ მოწონებული ტოტები შეაგროვოთ, ან ხეებს მოაჭერით. თხელი ტოტები შეარჩიეთ, რადგან მათთან მუშაობა ადვილია, თან უფრო ლამაზად გამოიყურება. ტოტები გაახმეთ. ოთახის ტემპერატურაზე გათბობის ბატარეაზე დააწყვეთ. 1 კვირაში გახმება. უფრო ჩქარი ვარიანტებიც არსებობს: მინიმალურ ტემპერატურაზე ღუმელში 3 საათით აცხვეთ. ტოტები საჭირო სიგრძეზე გადაჭერით. ძირის ზედა კიდე რომ დაფაროს, მასზე 1 სმ–ით მაღალი შეარჩიეთ. საბოლოო შედეგის წარმოსადგენად ტოტები წინასწარ მიაზომეთ. ფულის რეზინი ძირს ჩამოაცვით და ტოტები ჩააწყვეთ. ცხელი წებოთი ტოტებს წებო წაუსვით და ძირს რამდენიმე წამით მიამაგრეთ. ასე მთელი მოცულობის დაფარვამდე გააგრძელეთ. აქ შეგიძლიათ დაასრულოთ, მაგრამ თუ ფიქრობთ, რომ რაღაც აკლია, ლარნაკი გააფორმეთ. მაგალითად, რამდენჯერმე ლენტი შემოახვიეთ და ტოტები აკრილის ან სპრეი საღებავის გამოყენებით შეღებეთ.
კედელზე ასეთი პენო საოცრად მომწონს!
შემოსასვლელი კარისთვის ან კედლისთვის ასეთი ტოტების გვირგვინი შეგიძლიათ მოქსოვოთ!
როგორ მოგწონთ წნელებით გაკეთებული ბაღის დეკორი?
რა თქმა უნდა, ტოტებიანი კუნძის პოვნა ნახევარი საქმეა, ხოლო ლამაზი გარეგნობის მინიჭება – ნამდვილი ხელოვნება. რას იტყვით ასეთ ტოტების სანათზე?
კიდევ ერთი საინტერესო იდეა.
როგორ მოგწონთ ზღვის ცხენი, რომელიც თხილის ხის ტოტებით შექმნეს?
სურვილის შემთხვევაში, ინტერიერს უჩვეულო დეკორატიული შტრიხები შეგიძლიათ შემატოთ. საინტერესო კომპოზიციები და კრეატიული ნივთები უტილიტარული მახასიათებლებით შექმენით.
ტოტებით ნივთების შექმნა შესანიშნავი ჰობია, რომელიც საშუალებას გაძლევთ, რომ ლამაზი დეკორი ფინანსური ხარჯის გარეშე გააკეთოთ. ტოტებისგან ხელნაკეთობები შესანიშნავი და ადვილად განსახორციელებელი მეთოდია, რომ საცხოვრებელი გააფორმოთ, ინტერიერი მყუდრო გახადოთ. თუ ამ ნივთების შექმნაში მთელ ოჯახს ჩართავთ, საქმიანობა შემოქმედებისთვის ნამდვილი ველი გახდება!
