ბუმბულის ბალიშების მოყვარულებმა იციან, რა შესანიშნავი გრძნობაა მათზე დაძინება, თუმცა ყველას ვერ წარმოუდგენია, რამდენი მტვერი გროვდება მასში. ბალიშს ყოველდღე ვიყენებთ, ამიტომ გასაკვირი არაა, რომ დროთა განმავლობაში მიმზიდველობას კარგავს. ეს მხოლოდ ნახევარი უბედურებაა. არასწორი მოვლის შემთხვევაში ბალიშში მტვრის ტკიპა შეიძლება დასახლდეს. მნიშვნელოვანია, რომ ბუმბულის ბალიშის მარტივად და ეფექტურად გაწმენდა იცოდეთ.
ქიმწმენდაში წაღება აუცილებელი არაა. ამოცანას დამოუკიდებლად სახლშიც შეგიძლიათ გაუმკლავდეთ. ბუმბულის ბალიშები სარეცხ მანქანაში შეგიძლიათ გარეცხოთ და განაახლოთ. აირჩიეთ მეთოდი, რომელიც მოგეწონებათ. შემდეგ მნიშვნელოვანი მისია შეასრულეთ – ჭუჭყი მოაშორეთ.
როგორ გავწმინდოთ ბუმბულის ბალიში
- დიდი ზომის ბალიში – დიდი ზომის ბალიში სარეცხი მანქანის დოლურაში ვერ ჩაეტევა, ამიტომ გარკვეული ზომა უნდა მიიღოთ. დაშალეთ. ბალიშისპირი და შემავსებელი ცალ–ცალკე გარეცხეთ. სპეციალური ქეისი იყიდეთ ან შეკერეთ. მასში ბუმბულს თამამად გარეცხავთ. დელიკატური რეჟიმი და 40 გრადუსი ტემპერატურა გამოიყენეთ. სარეცხი ფხვნილი არ გამოიყენოთ, გელს უპირატესობა მიანიჭეთ. გელი უკეთ ირეცხება. შეარჩიეთ ისეთი სარეცხი საშუალება, რომელსაც მძაფრი და ძლიერი სუნი არ აქვს.
- პატარა ზომის ბალიში – ამ შემთხვევაში საქმე მარტივადაა. ბალიში სარეცხი მანქანის დოლურაში ჩოგბურთის ბურთებთან ერთად მოათავსეთ. ბურთები საჭიროა, რომ შემავსებელი არ შეჯგუფდეს. 30-40 გრადუს ტემპერატურაზე გარეცხეთ. თხევადი სარეცხი გელი გამოიყენეთ. ამის შემდეგ ბალიშისპირიდან ამოიღეთ და ბუმბული კარგად გააშრეთ. მნიშვნელოვანია! თუ ბალიშისპირი ძლიერ გაცვეთილია, ასეთი ბალიში სარეცხ მანქანაში ასე უბრალოდ არ ჩადოთ. ჯერ გადააკარით სქელი ქეისი, რომელსაც ელვა აქვს. წინააღმდეგ შემთხვევაში, შეიძლება გაიხეს, შემავსებელი გაიფანტოს და მანქანის ფილტრები გაჭედოს.
- რეცხვის გარეშე – ბალიშების განახლება სხვა მეთოდითაც შეგიძლიათ. სარეცხი მანქანის გამოყენება აუცილებელი არაა. ამ ამოცანას უთო ორთქლის ფუნქციით გაუმკლავდება. ბალიში დაკიდეთ და მასზე ორთქლი ორჯერ გადაატარეთ, შემდეგ გააშრეთ.
ამ მეთოდებით ბალიშზე დაგროვებულ მტვერს მოიშორებთ. მნიშვნელოვანია, რომ მეორე პრობლემა, ობი არ გაჩნდეს. მას შემავსებლის არასწორი გაშრობის შემთხვევაში შეიძლება გადააწყდეთ. ობის პრევენციისთვის ბუმბულის ბალიში თბილ ამინდში გარეცხეთ. ასე 1–2 დღეში გაშრება. მშრალ ოთახში დატოვეთ, სადაც მზის პირდაპირი სხივები ხვდება. პერიოდულად ბუმბულს აურიეთ.
