ადრე, როცა ინტერნეტში ვკითხულობდი ისტორიებს სხვადასხვა ოჯახურ სიტუაციებზე, მეგონა, რომ ყველა ეს ამბავი უბრალოდ ვიღაცის მიერ იყო მოგონილი. არასოდეს მიფიქრია, რომ ასეთი არაადეკვატური ხალხი არსებობდა. მაგრამ ახლა შემიძლია დარწმუნებით ვთქვა: დიახ, ამ სამყაროში არსებობს ბევრი არაადეკვატური ადამიანი!
ყველაფერს თანმიმდევრობით მოგიყვებით:როდესაც ანა ორსულობის ბოლო თვეებში იყო, ის ქმართან ერთად გადავიდა საცხოვრებლად მშობლებთან. ანა ჩემი მეუღლის უმცროსი დაა. მშობლებს აქვთ სამოთახიანი ბინა, მაგრამ ოთახები არც თუ ისე დიდია. ანა და მისი ქმარი ერთ ოთახში დასახლდნენ, ჩემი ქმრის დედა და უფროსი და მეორეში. მესამე ოთახში კი დაასახლეს ოჯახის უფროსი – ჩემი სიმამრი ალექსანდრე. ცალკე ოთახი დაუთმეს, რადგან ძალიან ხმამაღლა ხვრინავს.თავიდან ყველაფერი კარგად იყო. მერე ნელ-ნელა ურთიერთობა აირია. ანამ და მისმა ქმარმა კატეგორიული უარი განაცხადეს ბინის დასუფთავებაზე. ისინი საერთოდ არ ასუფთავებდნენ საკუთარ ოთახსაც, არ უვლიდნენ შვილს, სიძე მუდმივად განაწყობდა ცოლს მშობლების წინააღმდეგ.
შემდეგ კი მაცივარში თაროები გაიყო, შედგა სარეცხი მანქანის გამოყენების განრიგი. ანა ქმარს არაფერში ეწინააღმდეგებოდა, მას ოჯახის მარჩენლად და უფროსად თვლიდა და ყველაფერში ემორჩილებოდა.შემდეგ კი დაიწყო კორონავირუსის ეპიდემია და ჩემი ქმრის მშობლები სოფელში წავიდნენ საცხოვრებლად. უფროსი და ნატა კი მეგობარ მამაკაცთან გადავიდა.და როდესაც მშობლები შვიდი თვის შემდეგ დაბრუნდნენ ქალაქში, ისინი უბრალოდ შოკში იყვნენ, როდესაც დაინახეს თუ რა დაემართა მათ ბინას. ყვავილები გამხმარი იყო, ყველგან საშინელი უწესრიგობა და სიბინძურე სუფევდა. მამის ოთახში კი ნივთების მთელი გორა იდგა.
მამამ მაშინვე მოითხოვა, რომ მის ოთახში ყველაფერი მოეწესრიგებინათ. სიძემ კი უთხრა:შენ ისეთი პატარა ოთახი მოგვეცი, რომ ნივთების შესანახი ადგილიც კი არ გვაქვს!სიმამრმა თხოვა, რომ ეს ნივთები ავტოფარეხში წაეღო. სიძემ კი უპასუხა, რომ იქ შეიძლებოდა ვინმეს მოეპარა.
და საერთოდ, ფულით რატომ არ გვეხმარებით? თქვენ პენსიონერები ხართ, ორ პენსიას იღებთ, სად ხარჯავთ ამდენ ფულს? თან რაში გჭირდებათ ორი ოთახი! იმდენი ხანია აგარაკზე ცხოვრობთ, ნუთუ არ შეგიძლია დარჩენილი რამდენიმე თვე ცოლთან ერთად იცხოვრო ერთ ოთახში! და მე არ გავიტან ჩემს ნივთებს! – ყვიროდა სიძე.მაგრამ სიმამრმა არ მოუსმინა, აიღო მისი ნივთები გადაიტანა თავისი ოთახიდან მათ ოთახში. სიძე ამან კიდევ უფრო მეტად გააბრაზა.
მე და ჩემმა მეუღლემ ვცადეთ მასთან დალაპარაკება, მაგრამ არაფერი გამოვიდა.მშობლებს ძალიან უჭირთ ანასთან და მის ქმართან ერთად ერთ ბინაში ცხოვრება. ჩვენ უბრალოდ არ ვიცით როგორ დავეხმაროთ მათ…
