პროფესორი გირჩევთ, როგორ მოიშოროთ შფოთვა და შიში რამდენიმე წუთში

0
1122

შფოთვის მაღალი დონე ადამიანის სიცოცხლისთვის უკიდურესად საზიანოა. მარტივი მანიპულაციების შესრულება რთულდება. თუ ადრე ძალა და ენერგია დიდხანს გვყოფნიდა, შფოთვისას ეს მაჩვენებელი მცირდება. აკვიატებული აზრები გონებას აბნელებს, როგორც ღამურები ღრუბლებს. ყველასგან გაქცევა გვსურს. ეს გამოსავალი არაა. როგორ ვებრძოლოთ შფოთვას სწორად?

შფოთვის დონე – პირველ რიგში, სიტუაციის სერიოზულობა აღსანიშნავია. შფოთვის უგულებელყოფა და გაუფასურება არ ღირს. დაივიწყეთ პასუხები კატეგორიიდან: „ახლაც სისულელეს იგონებ“ ან „კვლავ იკვიატებ“. ეს მშფოთვარე ადამიანის მდგომარეობას მხოლოდ ართულებს. სპეციალისტი დაგეხმარებათ, რომ ეჭვების და შიშების გორგალი დაშალოთ. თუ შესაძლებელია, აუცილებლად მიმართეთ. პროფესიონალი თქვენი შფოთვის დონეს განსაზღვრავს და ღირებულ რჩევებს მოგცემთ. იქნებ მსუბუქი შემთხვევაა და მარტივი ნაკრები „დასვენება, ძილი, სუფთა ჰაერი“ დაგეხმაროთ. იქნებ საჭიროა სამედიცინო დახმარებისთვის ვიწრო პროფილის სპეციალისტს მიმართოთ. მთავარია, უყურადღებოდ არ დატოვოთ. ფსიქოლოგიური პრობლემები ისეთი მნიშვნელოვანია, როგორც ფიზიკური. ადამიანი დიდხანს არ დააყოვნებს, გული რომ ეტკინოს. შფოთვის პრობლემების მოგვარებას გულგრილად არ შეხედოთ. არ შეგეშინდეთ და სპეციალისტს მიმართეთ.

ეფექტური თვითდახმარება – სანამ ადამიანი სპეციალისტთან წასასვლელად აზრებს იკრებს, შფოთვა შეუმჩნევლად შეიძლება მიეპაროს. პანიკისთვის რეალური მიზეზი არაა, მაგრამ შფოთვას სხვადასხვა სიმპტომი შეიძლება ჰქონდეს. მაგალითად, გახშირებული გულისცემა, გულისრევა და ტკივილი მუცელში, თავბრუსხვევა, პირის სიმშრალე, სველი ხელისგულები, მსუბუქი კანკალი, აუხსნელი შიში. როგორ დავეხმაროთ საკუთარ თავს ამ შემთხვევაში? პირველ რიგში, სუნთქვა დაგეხმარებათ. ცხვირიდან ღრმად შეისუნთქეთ და პირიდან ხმაურიანად ამოისუნთქეთ. ისე ისუნთქეთ, თითქოს ახლახანს ეფექტური სირბილი დაასრულეთ. მშვიდად, ღრმად, აუჩქარებლად. პროცესში ხელები ჩართეთ. საკუთარ თავს ხელები შემოხვიეთ ან მსუბუქად ხელი მოუთათუნეთ. უფრო „აგრესიული“ გამაღიზიანებელი რეალობაში დაბრუნებაში დაგეხმარებათ. მაგალითად, ყინულის კუბი მაჯაზე ან ლიმონის ნაჭერი პირში. ასე ორგანიზმი სხვა შეგრძნებაზე გადაერთვება და შფოთვა თანდათან შემცირდება. შფოთვის გამო საკუთარ სხეულზე არ გაბრაზდეთ, რადგან ასე დაიტანჯება. თბილი ბალახების ჩაით გაუმასპინძლდით ან მშვიდ და წყნარ ადგილას გაისეირნეთ. სუფთა ჰაერი ნამდვილად დაგეხმარებათ.

პროფესორი გირჩევთ – ალტინა კარასაევა ამბობს, რომ ადამიანის შაბლონური ქცევა იწვევს იმ ფაქტს, რომ ის გამჭვირვალე და პროგნოზირებადი ხდება. ყველას სმენია, რომ სკოლაში კარგად უნდა ისწავლოთ, შემდეგ უნივერსიტეტში ჩააბაროთ, ოჯახი შექმნათ, ბავშვი გააჩინოთ, სახლი შეიძინოთ ან ააშენოთ. შაბლონიდან ნებისმიერი გადახრა შფოთვას იწვევს, რადგან არ იცის, რას ელოდოს მომავალში. შაბლონების კარდინალურად რღვევა აუცილებელი არაა, რადგან ინდივიდს საზოგადოებაში ცხოვრება სჭირდება. რა გავაკეთოთ? პირველ რიგში, სულიერება სრულყავით. ეს დაგეხმარებათ, რომ პროგნოზირებადი აღარ იყოთ და ცხოვრებას ფერები შემატოთ. მეორეც, გარე სამყაროსთან კონტაქტები შეზღუდეთ. იმ ხალხთან ურთიერთობა შეამცირეთ, რომლებიც სანაცვლოდ არაფერს გთავაზობთ. თუ ასეთი ხალხი მხოლოდ თქვენგან ითხოვს, გაბრაზებთ და განწყობას გიფუჭებთ, მაშინ მათი ადგილი თქვენს ცხოვრებაში არაა. დაე, თქვენ გვერდით მხოლოდ უახლოესი, საყვარელი და ძვირფასი ადამიანები იყვნენ.

შფოთვის დონე სწორად შეამცირეთ – არას თქმა ისწავლეთ. თუ გრძნობთ, რომ უსიამოვნო მოქმედებაზე უარის თქმა გსურთ, „არა“ მკაცრად თქვით. თქვენი პასუხი ურყევი უნდა იყოს. გარდა ამისა, აკონტროლეთ, რა ხდება თქვენს ინფორმაციულ ველზე. სოციალურ ქსელებში ბევრი რამ არსებობს, რამაც  შეიძლება შეგაშინოთ, გაგაბრაზოთ, გაგანაწყენოთ. მიღებული ინფორმაცია გაფილტრეთ, რომ ტვინი სისულელით არ გაივსოთ. ეს შფოთვის ზრდის მიზეზი ნამდვილად შეიძლება გახდეს.

საკუთარი თავისთვის მადლიერების გამოხატვა არ დაგავიწყდეთ. შფოთვა ორგანიზმს ავარიულ რეჟიმში მუშაობას და მეტი რესურსის გამოყენებას აიძულებს. ბალანსის აღდგენაზე იზრუნეთ. საყვარელ საქმეს მიხედეთ, ისეირნეთ ან საინტერესო ადამიანებს ესაუბრეთ, ახალი ნივთი ან წიგნი შეიძინეთ. გახსოვდეთ, ვის ხელშია დამხრჩვალის ხსნა და ეს არასდროს დაივიწყოთ. ყველაფრის შეცვლა შეგიძლიათ, ამიტომ პირდაპირ ახლა დაიწყეთ.