მე მქვია გიორგი. მინდა მოგითხროთ ჩემი პირადი გამოცდილების შესახებ. შეიძლება უბრალოდ უიღბლო ვარ, მაგრამ მაინც მოგიყვებით.მე ვარ 41 წლის. ერთხელ უკვე ვიყავი დაქორწინებული, მაგრამ ეს იმდენად დიდი ხნის წინ იყო, რომ დამავიწყდა. მაშინ მხოლოდ 19 წლის ვიყავი. გოგონა დაორსულდა და დავქორწინდით, მაგრამ ერთად ვერ ვიცხოვრეთ. უბრალოდ ვტანჯავდით ერთმანეთს და ერთი წლის შემდეგ დავშორდით. ჩემს შვილს ყოველთვის ვეხმარები, ხშირად ვსტუმრობ. მე და ის საუკეთესო მეგობრები ვართ.
მთელი ძალა და დრო მთლიანად ჩემს კარიერას მივუძღვენი. იშვიათად მქონდა ურთიერთობა ქალებთან, თავიდან კარგად ვერთობოდით, მაგრამ როგორც კი გოგონა დაქორწინებაზე იწყებდა საუბარს, ვშორდებოდი.ასე ვიცხოვრე მრავალი წელი. შემდეგ მივხვდი, რომ ახალგაზრდა გოგოები აღარ მაინტერესებდა. კი, ისინი ლამაზები და მხიარულები არიან, მაგრამ ასაკობრივი სხვაობა უკვე იგრძნობოდა. შემდეგ კი მეგობარმა მირჩია:
- იპოვე შენი ასაკის ქალი და ყველაფერი კარგად იქნება. ასეთი ქალი უფრო საინტერესოა!
ჩემი მეგობრის რჩევა გავითვალისწინე. ერთი თვის შემდეგ საკმაოდ ლამაზმა ქალმა დაიწყო ჩვენთან მუშაობა. ის 40 წლამდე იქნებოდა. მომეწონა და ყავაზე დავპატიჟე. უკეთ გავიცანით ერთმანეთი და დავიწყეთ შეხვედრა. გარკვეული პერიოდის შემდეგ კი ერთად ცხოვრება გადავწყვიტეთ.ოთხი თვის განმავლობაში ყველაფერი კარგად იყო.
შემდეგ ყველაფერი მკვეთრად შეიცვალა. მაკამ უფრო ხშირად დაიწყო ლაპარაკი იმაზე, რომ ჩვენ უნდა დავქორწინდეთ და ბავშვი ვიყოლიოთ. ვუთხარი, რომ ახლო მომავალში არ ვაპირებდი არაფრის შეცვლას. ამის შემდეგ მან დაიწყო სკანდალების მოწყობა, საყვედურები, უმიზეზო ეჭვიანობა.მივხვდი, რომ მას ვჭირდებოდი არა მხოლოდ როგორც ქმარი, არამედ, პირველ რიგში, როგორც მისი შვილის მამა. მოვიყვანდი ცოლად და მერე მომთხოვდა ალიმენტებს. ასაკის გამო უნდოდა სასწრაფოდ შვილი.
მე ეს არ მინდა! მინდა შევქმნა ოჯახი სიყვარულით და არა მხოლოდ იმიტომ, რომ დრო დადგა.
