ერთხელ თანამშრომლებმა ულამაზესი თეთრი ორქიდეა მაჩუქეს. მაშინ ეს ყვავილი მასიურ გაყიდვაში ახალი შემოსული იყო და ძვირი ღირდა. მას შემდეგ ბევრი ახალი დიდებული ლამაზმანი შევიძინე, მაგრამ პირველი ყოველთვის ფავორიტი იყო. 11 წლის შემდეგ ლამაზმა მცენარემ პენსიაზე გასვლა გადაწყვიტა: ჯერ ფოთლების გაზრდა შეწყვიტა, შემდეგ ფესვები დალპა. ორქიდეას გადარჩენის გზების მოძიება დავიწყე. ყველაზე მეტად მომეწონა ხრიკი ხავსით. მეთოდი მარტივი და ნაზია. არაფრის გადაჭრა ან ზრდის სტიმულატორით დამუშავება საჭირო არაა. შედეგმა გამახარა, ორქიდეა განახლდა. 1 თვეში ყვავილის ღერო ხუთი კვირტით გაზარდა. ჯერ სქელი არაა, მაგრამ ეს დასაწყისია! სამი დამჭკნარი ფოთლიდან და პატარა ფესვიდან ზურმუხტისფერ სიმწვანემდე და ყვავილებამდე ცოტა დრო გავიდა.
როგორ გადავარჩინოთ ორქიდეა მარტივი მეთოდები
- ორქიდეა ქოთნიდან ამოიღეთ. ფესვებს დააკვირდით. დამპალი და გამხმარი ფესვები მოაშორეთ. გაყვითლებული ფოთლები ფრთხილად მოაშორეთ.
- პატარა გამჭვირვალე ქოთანი მოამზადეთ. თუ ასეთი არ გაქვთ, პლასტმასის ბოთლი გადაჭერით. სველი სფაგნუმის ხავსით გაავსეთ.
- დარჩენილ ფესვებს ხავსი ფრთხილად შემოახვიეთ და მზა ქოთანში ჩადეთ. ყურადღება მიაქციეთ, რომ ბოთლის გამოყენების შემთხვევაში მისი ზედა ნაწილი პირამდე უნდა გაავსოთ.
- ორქიდეა გაიტანეთ მისთვის შესაფერის ადგილზე, სადაც კარგი განათებაა.
- 3-5 დღეში ერთხელ მორწყეთ. საშხეფი გამოიყენეთ. ცოტა წყალი დაგჭირდებათ, რადგან ხავსი სითხეს აკავებს და მცენარეს უყოფს.
1 თვეში ორქიდეა ახალი ფესვებით გაგახარებთ, შემდეგ ფოთლების და ყვავილების ზრდას დაიწყებს. როგორც ხედავთ, რთული არაფერია. მეთოდი მუშაობს, სცადეთ!
