დღეს მეზობელი მესტუმრა მაშინ, როცა კვერცხის გაფრცქვნას ვცდილობდი. ნაჭუჭს მოშორება არაფრით სურდა. მეზობელმა მაგიდაზე ქაოსი დაინახა და მიხვდა, რაში იყო საქმე. ბრძენმა მეზობელმა მიამბო, რას ვაკეთებ არასწორად და როგორ მოვხარშო კვერცხი, რომ ადვილად გავწმინდო. აღმოჩნდა, რომ ამას ყოველთვის არასწორად ვაკეთებდი. Paparazzi გიზიარებთ სასარგებლო რჩევებს და მნიშვნელოვან ნიუანსებს.
როგორ მოვხარშოთ კვერცხი, რომ ადვილად გავწმინდოთ – ხშირად მქონია შემთხვევა, როცა კვერცხი ხარშვისას სკდება და რთულად იფრცქვნება. გაწმენდას ვიწყებ და თითქმის მთელი ცილა ნაჭუჭზე რჩება. ხარშვისას მარილის დამატება ვცადე. ზოგჯერ მშველოდა. თუმცა როცა კვერცხი ძალიან ახალია, ხშირად არ მეხმარება. მარილი ადვილად გაწმენდის გარანტიას არ იძლევა. რამდენიმე ნიუანსი ყველაფერს ცვლის.
პირველ რიგში, კვერცხი მაცივრიდან გამოიღეთ, თუ იქ ინახავთ, და ოთახის ტემპერატურამდე შეათბეთ. ცხელ წყალში ცივი კვერცხის ჩადება არ ღირს. დიდი ალბათობით, გასკდება. კვერცხი გარეცხეთ. დღემდე დავობენ, ეს საჭიროა თუ არა. ჩემთვის პასუხი ერთია. თუ ჯანმრთელობაზე ზრუნავთ, მომზადებამდე კვერცხი გარეცხეთ. არ იცით, სად და როგორ ინახებოდა. მასზე ნებისმიერი რამ შეიძლება იყოს. წყლის გადავლება ზედმეტი არაა. გახსოვდეთ, რომ გარეცხილი კვერცხი მაშინვე უნდა მოამზადოთ. ამის შემდეგ არ უნდა შეინახოთ.
ხარშვისას რამდენიმე ნიუანსი გაითვალისწინეთ. პირველ რიგში, კვერცხი ცხელ მარილიან წყალში ჩადეთ. მარილის დამატება აუცილებელია. არა იმისთვის, რომ კვერცხი ადვილად გაწმინდოთ, არამედ წყლის სიმკვრივის გასაზრდელად. ასე კვერცხი ქვაბში ბევრს არ იმოძრავებს და არ გასკდება. ერთ მნიშვნელოვან მანიპულაციას გასწავლით, რომელიც ნერვებს და დროს დაგიზოგავთ. ერთი ჩვეულებრივი ნემსი აიღეთ და კვერცხის ბლაგვი ნაწილი გახვრიტეთ. არ შეგეშინდეთ, კვერცხი არ დაზიანდება. თავდაჯერებულად იმოქმედეთ. ამ ნახვრეტიდან ხარშვისას მარილიანი წყალი კვერცხში შევა. სიტყვაზე, კვერცხი 10 წუთით უნდა ხარშოთ. სწორედ ამის ხარჯზე კვერცხს ნაჭუჭს იდეალურად მოაშორებთ. ნაჭუჭი ცილას არ მიეკვრება, კმაყოფილი და მშვიდი დარჩებით. მთა კვერცხის გაწმენდა პრობლემა აღარაა. განსაკუთრებით მნიშვნელოვანია, როცა სადღესასწაულო სალათებს ამზადებთ. იმედი გვაქვს, ამ ხრიკით ცხოვრებას მნიშვნელოვნად გაიმარტივებთ!
