სამოტივაციო წიგნები რთულ პერიოდში მაშველი რგოლი შეიძლება გახდეს. როცა გრძნობთ, რომ ცუდი ფიქრები საღ აზრს თრგუნავს, დაჯექით და საინტერესო წიგნი წაიკითხეთ. ეს არა მხოლოდ ცოდნის წყაროა. ეს ცხოვრებისეული სიბრძნე და საკუთარი თავის პოვნის გასაღებია. რაც უფრო ბევრ კარგ ლიტერატურას კითხულობთ, მით უფრო ვითარდებით და იზრდებით.
სამოტივაციო წიგნები
- ამერიკელი მწერლის, რეჯინა ბრეტის შემოქმედებას ყურადღება მიაქციეთ. გოგონა მრავალშვილიან ოჯახში (11-ე შვილი იყო) გაიზარდა, ხოლო ყურადღების ნაკლებობის გამო არასწორი გზა აირჩია. ალკოჰოლზე დამოკიდებულებას ებრძოდა, მარტოხელა დედა გახდა. 41 წლის საშინელი დაავადება აღმოუჩინეს და მხოლოდ მაშინ გააცნობიერა, რამდენად სურს ცხოვრება. ბრეტის შემოქმედება შეგიძლიათ გაიცნოთ წიგნით „იყავი სასწაული“, „ღმერთი არასდროს ახამხამებს“, „ღმერთი ყველას აძლევს ნიჭს“. მწერალი მოკლე აფორიზმების სახით ცხოვრებისეულ სიბრძნეს გვიზიარებს. მისი წიგნები სავსეა სიკეთით და სურვილებით ისეთი დაკარგული სულებისთვის, როგორც თავად იყო. რეჯინას სიტყვები იმ ადამიანის გულშიც შეაღწევს, ვინც გულის კარი დაჭედა.
- ფენი ფლეგის წიგნი „შემწვარი მწვანე პომიდვრები კაფე „უისელ სტოპში“ თავიდან იმედის მომცემი არაა. მოხუცი ქალის ისტორია, რომელიც ცხოვრებამ არ დაინდო. სიუჟეტი თანდათან იხსნება. შეძლებს „უისელ სტოპის“ შენარჩუნებას, თუ თანხა არ ეყოფა? შეძლებენ მთავარი გმირები ბედის განსაცდელს გაუძლონ?
- დები ბრონტების თაყვანისმცემლებს შეუძლიათ ჩაიძირონ ისტორიაში „უცნობი ქალი ვაიდფილდ-ჰოლიდან“. რას მალავს ახალი მეზობელი, მისის ჰელენ გრეჰემი? რატომ ეუბნება უარს გილბერტ მარკეჰმს, თუ მას გულწრფელად უყვარს? ნუთუ შეუძლია გილბერტს ზურგში დანა ჩაარტყას და მისი მეგობარი შეიყვაროს? საკმაოდ მოულოდნელი დასასრული აქვს.
- იაპონელმა სოსუკე ნაცუკავამ მთელი სამყარო შექმნა, სადაც კატა წიგნების გადარჩენაში ეხმარება. დიახ, აღმოჩნდა, რომ ზოგიერთ ადამიანს შეუძლია მას გული ატკინოს, არ წაიკითხოს, არ უყვარდეს. მოლაპარაკე კატა ტიგრი მოზარდ რინტაროსთან ერთად საინტერესო თავგადასავალში მიდის. დახურავს რინტარო წიგნის მაღაზიას, რომელიც ბაბუისგან მიიღო თუ ჯადოსნური კატა ბიჭს წიგნებს სხვა თვალით დაანახებს? ეს ყველაფერი ნაწარმოებში „კატა, რომელსაც წიგნები უყვარს“.
- ელისაბედ გილბერტის წიგნის „ყველა ნივთის ბუნება“ მთავარი გმირი ჭკვიანი და განათლებული ალმა ვიტეკერია. მას სურს დიდი მეცნიერი გახდეს, ამავდროულად გიჟური სიყვარული სურს. გახდეს საყვარელი ცოლი და ბედი რჩეულს დაუკავშიროს. მაგრამ ერთი მეორეზე უარესი კავალერები ხვდება. სასიყვარულო პრობლემები ერთხელ და სამუდამოდ რომ მოაგვაროს, ყველაფერს ტოვებს და შორს მიემგზავრება.
- ნორა ცხოვრებისეული პრობლემებისგან დაიღალა და თავის მოკვლა გადაწყვიტა. ეჩვენება, რომ ამ ცხოვრებაში რაიმეს მიღწევის შანსი დაკარგა. შეეძლო როკ ვარსკვლავი, მოსიყვარულე ცოლი და დედა, კატის მშვენიერი პატრონი, არქტიკის ბუნების დამკვირვებელი გამხდარიყო. ოღონდ ნორა დარწმუნებულია, რომ უმუშევარი წარუმატებელი გახდა. საბედისწერო მომენტში სიცოცხლესა და იმქვეყნიურ სამყაროს შორის ჩერდება. ეს მისი ბიბლიოთეკაა. თითოეული წიგნი საოცნებო ცხოვრების გავლის შანსია. რომელ წიგნს აირჩევს ნორა, როცა მეტ ჰეიგის „შუაღამის ბიბლიოთეკაში“ აღმოჩნდება?
- ნოემი ახალგაზრდა და ოდნავ თავქარიანი ქალია მდიდარი ოჯახიდან. დროს ცეკვაში, ლამაზი სამოსის ცვლაში და კაცებთან საუბარში ატარებს. მისი გათხოვილი ბიძაშვილი კატალინა მშფოთვარე წერილს წერს და ნოემი გოგონას ჯანმრთელობაზე ნერვიულობს. მის დასახმარებლად იდუმალ სახლში მიემგზავრება. ეს სილვია მორენო–გარსიას „მექსიკური გოთემია“. ოღონდ მთაზე სახლის დატოვება ყველას არ შეუძლია.
სამოტივაციო წიგნები ადამიანის ცხოვრებაში – ეს მხოლოდ რამდენიმე წიგნია, რომელიც მკითხველს ცუდი ფიქრებისგან გადართვაში ეხმარება. ისინი გონებას იპყრობენ და ცუდი განწყობის დრო აღარაა. მხოლოდ იმაზე ფიქრობთ, რომ მთავარი გმირი ამოცანას გაუმკლავდეს. მათზე გულწრფელად ნერვიულობთ და თანაუგრძნობთ.
