ასტროლოგები დარწმუნებულნი არიან, რომ ადამიანის უნიკალურ თვისებებს მისი ზოდიაქოს ნიშანი განსაზღვრავს. საოცარია, რომ ხშირად მათი დახასიათება ზუსტია და პირდაპირ მიზანში აღწევს. ცნობილი ასტროლოგი და წინასწარმეტყველი ჯუნა სამ ნიშანს უნიკალურს უწოდებს. Paparazzi გიამბობთ, რომელ ზოდიაქოს ნიშნებს აქვთ უნიკალური თვისებები.
ადამიანის უნიკალური თვისებები – ჯუნა საბჭოთა პერიოდის ყველაზე პოპულარული ასტროლოგი და ექსტრასენსია. დარწმუნებით შეიძლება ითქვას, რომ მაშინ მასზე პოპულარული არავინ იყო. შავად შემოსილ ქალს იდუმალს და ფენომენალურს უწოდებდნენ. მან მომავლის შესახებ ბევრი წინასწარმეტყველება დაგვიტოვა. ჩანაწერებში აღწერა 3 ზოდიაქოს ნიშანი, რომლებიც განსაკუთრებულნი არიან. ჯუნა ამბობდა, რომ მათ შეუძლიათ მიიღონ ყველაფერი, თუ სურთ.
- ვერძი – ამ ნიშნის ქვეშ დაბადებული ადამიანის უნიკალური თვისებებია შეუპოვრობა, მიზანდასახულობა და მტკიცე ხასიათი. მისი ცხოვრება ამერიკულ მთებს ჰგავს. ყველაფერი ერთდროულად სურს. ზოგჯერ ავიწყდება, რომ ზღაპრულ სამყაროში არ ცხოვრობს. ამბიციური, ამასთან მიზანდასახულია. თუ რამე სურს, იღებს. ბეჯითად შრომა შეუძლია და მიზნისკენ მიიწევს. ალბათ, მსგავსი შეუპოვრობა სხვა ნიშანს არ ახასიათებს. ზოგჯერ ფეთქებადია, რაც მიზნის მიღწევას ართულებს. თუ ემოციების გაკონტროლებას ისწავლის, უდიდეს სიმაღლეებს მიაღწევს.
- ლომი – ლომი ბუნებით მტაცებელია. არა მხოლოდ სახიფათო, არამედ ეშმაკია. ჭკვიან და მიზანდასახულ ლომს ლოდინი და სტრატეგიის შედგენა შეუძლია. თუ ერთ ლომს მაინც იცნობთ, იცით, რომ განსაკუთრებულია. მისი აზროვნება უნიკალურია. მისი ლოდინის უნარი საოცარია. ზედმეტი ემოციები არ აქვს, სამაგიეროდ არნახული მოთმინებით დაჯილდოებულია. მთავარი თვისება საჭირო ადგილას და საჭირო დროს ძალისხმევის ჩადებაა. ასე სამსახურში დაწინაურებას და მიზნის მიღწევას ახერხებს. ლომი წარუმატებლობის შემდეგ არასდროს ნებდება. თუ რაღაც რიგზე არაა, დგება და ახალ გეგმას ადგენს. ეს უდიდესი ძალაა.
- თევზები – ჯუნა თვლიდა, რომ ამ ნიშანს ყველა არ აფასებს. სულ ტყუილად! თევზები ჩუმი და პირქუში შეიძლება იყოს. ახალ გარემოებებს სხვებზე მეტად ერგება. დიდ აქტივობას არ იჩენს, მაგრამ მიზნისკენ ნელ–ნელა მიიწევს. ხშირად აღწევს კიდეც. სიტუაციის გაანალიზება და მორგება შეუძლია. სანამ სხვები დროს და ძალას ემოციებსა და კონფლიქტებზე კარგავენ, თევზები ქარიშხლის გადასვლას მშვიდად ელოდება. სწორი მხარის არჩევას ოსტატურად ახერხებს და ღია დაპირისპირებას თავიდან იცილებს. სასარგებლო უნარია.
ჯუნას თქმით, ეს სამი ზოდიაქოს ნიშანი განსაკუთრებულია. ეს უნიკალური თვისებები ცხოვრებაში ეხმარებათ. ვფიქრობთ, რომ თითოეულ ნიშანსა და ადამიანში რაღაც განსაკუთრებულია. იმედი არ გაიცრუოთ, თუ სიაში არ ხართ. დარწმუნებული ვართ, მონდომებით წარმატებას მიაღწევთ და სანუკვარ სურვილებს აისრულებით.
