ორმოცდახუთი წლის ასაკში ქალი ჯერ კიდევ ახალგაზრდა და მიმზიდველია, თვალებში ისევ ბზინვარება აქვს, სხეულიც ისევ ტონუსშია. ასეთი ქალი სავსეა იმედით, რომ სასწაული შეიძლება მოხდეს მის ცხოვრებაში…
ქეთი ოცი წლისაც არ იყო, რომ იმშობიარა და ახლა მისი ქალიშვილი უკვე ოცდახუთი წლისაა. ისინი ერთად ცხოვრობენ და დაქალებს უფრო ჰგვანან, ვიდრე დედა-შვილს. უყვართ ერთად მოგზაურობა და დასვენება.
მარიმ დაქორწინება გადაწყვიტა. საქმრო ცოტა უფროსი, ძალიან სერიოზული და პასუხისმგებელი მამაკაცია. მას პირველი ქორწინებიდან შვილი ჰყავს. მამაკაცი ყოველმხრივ გაურბოდა კითხვებს პირველ ოჯახთან დაკავშირებით და არ უყვარდა განქორწინების მიზეზებზე საუბარი.
ნიკოლოზი დედასთან ერთად ცხოვრობდა დიდ ბინაში, მაგრამ მარიმ საქმროსთან გადასვლაზე უარი თქვა და წყვილმა სიდედრის ბინაში დაიწყო ცხოვრება. თანდათან სიძემ სახლში საკუთარი წესების დამკვიდრება დაიწყო.
ყველაფერი საუზმით დაიწყო: სიძემ უკვეთავდა, თუ რა უნდოდა საუზმეზე, მოგვიანებით კი მთელი დღის მენიუს ჩამოწერა დაიწყო. მარი ძალიან ცუდად ამზადებდა და ამიტომ კულინარიით ქეთი იყო დაკავებული. ის ყველაფრისთვის მზად იყო, რომ ქალიშვილს ყველაფერი კარგად ქონოდა. ცდილობდა სიძის ბრძანებების შესრულებას და რომელმაც დროთა განმავლობაში კარგადაც შეიფერა და მეტი მოთხოვნები გაუჩნდა.
მან აკრძალა სააბაზანოში და აივანზე თეთრეულის გაშრობა. ამიტომ ქეთიმ ოთახში საშრობი დადგა. მოითხოვა, რომ მეუღლის დედას ბინაში ხალათით არ ევლო, შემდეგ კი შენიშვნების მიცემაც დაუწყო.
- ქეთი, რაღაც ცუდად გამოიყურები და უგემოვნოდ იცვამ, გვერდები გაგისუქდა – ეუბნებოდა სიძე.ხანდახან ქეთი ფიქრობდა, რომ ნიკოლოზი აუტანლად იქცეოდა, მაგრამ დუმდა:
- თუ ჩემი ქალიშვილი კარგად იქნება, მე ყველაფერს ავიტან!
ერთხელ ქეთიმ გაიცნო მისი ასაკის საინტერესო მამაკაცი, რომელსაც ჰქონდა წარუმატებელი ქორწინების ისტორია და ჰყავდა ზრდასრული ვაჟი. მათ მოეწონათ ერთმანეთი, ერთად ესწრებოდნენ კონცერტებს, დადიოდნენ გამოფენებზე და დასასვენებლადაც კი წავიდნენ ორი დღით.სიდედრის დაბრუნების შემდეგ, სიძე მას მთელი დიდებით წარუდგა, რა სიტყვები არ დაუძახა იმ დღეს.
- სარკეში შეხედე საკუთარ თავს, დიდი ხანია დაბერდი! შენი მეგობარი მიგატოვებს მაშინვე, როგორც კი საცვლებში დაგინახავს.
ქეთი გააოგნა ამხელა თავხედობამ და არც კი იცოდა რა ეპასუხა. ნიკოლოზი ვერ დამშვიდდა. დღითიდღე ლახავდა სიდედრის თავმოყვარეობას, რაც ქალს კომპლექსებს უჩენდა.
ის მართლაც აღარ იყო ახალგაზრდა და ბოლო დროს მისი ფორმები შესამჩნევად შეიცვალა. მეგობარ მამაკაცთან შეხვედრის დროს მხოლოდ თავის ნაკლოვანებებზე ფიქრობდა, რის შედეგადაც მათი ურთიერთობა თანდათან დასრულდა.ქეთის ყველა მეგობარმა ურჩია, რომ ახალგაზრდები ნაქირავებ ბინაში გაეშვა:
- ის შენს სახლში ცხოვრობს და თან ბრძანებს იძლევა! რატომ უსმენ მის სისულელეებს!
ქეთის თავადაც მშვენივრად ესმოდა ყველაფერი, მაგრამ ვერაფერს ცვლიდა. დროთა განმავლობაში ქეთი გაცილებით უარესად გამოიყურებოდა. თვალები აღარ უბრწყინავდა და სახეზე ნაოჭები გაუჩნდა.
ქალიშვილი თითქოს ვერაფერს ამჩნევდა, თავად მას ქმარი არაფერს ერჩოდა და კმაყოფილი იყო ყველაფრით.ერთხელ ქეთიმ შემთხვევით გაიგო, თუ როგორ ესაუბრებოდა სიძე ვიღაცას ტელეფონზე:
- შენ წარმოიდგინე, სიდედრმა საქმრო იპოვა და დაქორწინება გადაწყვიტა, მაგრამ მე სასწრაფოდ მივიღე ზომები, რადგან სახლში მოსამსახურე მჭირდება…
აქ კი აივსო ქეთის მოთმინების ფიალა და საღამოს ქალიშვილს უთხრა, რომ ქმართან ერთად მიბრძანებულიყო მისი სახლიდან. ნიკოლოზმა სცადა გაეპროტესტებინა სიდედრის გადაწყვეტილება, მაგრამ ქეთიმ გაუმეორა, რომ სასწრაფოდ ჩაელაგებინა თავისი ნივთები და გამქრალიყო მისი ცხოვრებიდან.ახალგაზრდები ნაქირავებ ბინაში გადავიდნენ. ქალიშვილმა ქმრის მხარე დაიჭირა და ფაქტობრივად შეწყვიტა დედასთან ურთიერთობა.
ახლა ქეითი თითქმის ორმოცდაათი წლისაა. მას შემდეგ რაც ქალიშვილმა და სიძემ დატოვეს მისი სახლი, შვებით ამოისუნთქა. ახლა უკვე თანდათან უბრუნდება ძველი სიხალისე და მშვენიერება და უკვე აღარავის მისცემს ამის გაფუჭების უფლებას!
