ახლახანს დედის სააბაზანოში თაროზე იაფი შამპუნი დავინახე. რატომღაც გული დამწყდა: არ მინდა, რომ დედამ ასეთი იაფი პროდუქტები გამოიყენოს. დახმარება გადავწყვიტე. ყოველთვის მზად ვარ ფინანსურად დავეხმარო, როცა საჭიროა. დედამ მიპასუხა, რომ ამ შამპუნს თავის დასაბანად არ იყენებს. აღმოჩნდა, რომ იაფი შამპუნი საოჯახო საქმეში ნამდვილი აღმოჩენაა. დედამ გამოყენების ბევრი მეთოდი გამიზიარა. ჯადოსნური საშუალებაა. მიღებულ ცოდნას გიზიარებთ.
იაფი შამპუნი – „ერთხელ ხელით ნაქსოვი ქუდი მქონდა გასარეცხი. სარეცხ მანქანაში ვერ გავრეცხავდი, ამიტომ ინტერნეტს მივმართე. იქ ვიპოვე ინფორმაცია შამპუნის შესახებ და წავიკითხე“ – მიამბო დედამ. ბიუჯეტურ შამპუნს დელიკატური ნაქსოვი ნივთების გასარეცხად იყენებს. ქუდი, ხელთათმანი, შარფი – მათ თმის დასაბანი საშუალება შესანიშნავად უმკლავდება. გარეცხილი ნაქსოვი ნივთები რბილი და შესაგრძნებად სასიამოვნოა. ამასთან სარეცხი საშუალების სუნი არ აქვს, როგორც ეს სარეცხ მანქანაში რეცხვისას ხდება. ელემენტარული საყოფაცხოვრებო გადაწყვეტილებაა!
იაფი შამპუნით ფეხსაცმელიც შეგიძლიათ გარეცხოთ. საშუალება ჭუჭყს შესანიშნავად უმკლავდება. ამასთან ზოლებს არ ტოვებს, რაც მუქი ფერის ბოტასის ან ჩექმის შემთხვევაში აქტუალურია. თუ თეთრი ფეხსაცმელი უნდა გარეცხოთ, კბილის პასტის და შამპუნის კომბინაცია გამოიყენეთ. დედა ნამდვილი გულმავიწყია. სწორედ ამიტომ, როცა საპონი უმთავრდება, შამპუნს იყენებს. იაფი შამპუნი კონსისტენციით თხევად საპონს იდეალურად ანაცვლებს. შესანიშნავი სუნი და გამწმენდი თვისება აქვს. თუ ფიქრობთ, რომ შამპუნი ძალიან სქელია, უბრალოდ ცოტა წყალში გააზავეთ. სულ ესაა!
როგორ გამოვიყენოთ იაფი შამპუნი საოჯახო საქმეში – კიდევ ერთი ხრიკი ერთი საშუალების მეორეთი ჩანაცვლებას უკავშირდება. ამჯერად შამპუნი დაგეხმარებათ, თუ სახლში საპარსი ქაფი არ გაქვთ. ეს არა მხოლოდ ქალს, არამედ კაცს ეხება. შამპუნი კანს არბილებს და არ აღიზიანებს. საპარსი მასზე იდეალურად სრიალებს. რა თქმა უნდა, ამ მიზნით შამპუნის რეგულარულად გამოყენებას არ გირჩევთ. მაინც თითოეულ საშუალებას საკუთარი დანიშნულება აქვს. თუმცა თუ სიტუაცია მოითხოვს, მაშინ თხევადი შამპუნი ამ ამოცანას შესანიშნავად გაუმკლავდება.
იაფი შამპუნი სახლის დალაგებაში იდეალურად დაგეხმარებათ. პირველ რიგში, იატაკის საწმენდ წყალს შეგიძლიათ დაუმატოთ. იქნება ეს კაფელი თუ ლამინატი, ზოლებს არ ტოვებს. ბონუსად სასიამოვნო არომატს მიიღებთ. მეორეც, შამპუნით ნებისმიერი ზედაპირი შეგიძლიათ გაწმინდოთ. ასე ცხოვრებას გაიმარტივებთ, რადგან ბევრი სხვადასხვა საშუალების შეძენა არ მოგიწევთ. გარდა ამისა, შამპუნი მანქანის სალონის და გარე ნაწილის გასაწმენდად იდეალური საშუალებაა. ასევე შამპუნი მაკიაჟის ფუნჯების, თმის რეზინის და სავარცხლის გასარეცხად გამოგადგებათ. ყველა თავის მოვლის საშუალებას ჰიგიენური დამუშავება სჭირდება!
დედის რჩევა – ბოლოს ყველაზე უჩვეულო ხრიკს გიზიარებთ. შამპუნით უნიტაზს ბზინვარებამდე გაწმენდთ. საშუალება ბევრ ქაფს წარმოქმნის და ჭუჭყს შესანიშნავად უმკლავდება. გარდა ამისა, შამპუნი უნიტაზის ჯაგრისის ყუთში თამამად შეგიძლიათ ჩაასხათ. უნიტაზში სასიამოვნო სურნელი უზრუნველყოფილია! თუ უნიტაზის საწმენდი სპეციალური საშუალების და იაფი შამპუნის ფასს შევადარებთ, ყველა კითხვა გაქრება. არ ღირს ზედმეტის გადახდა, თუ დაზოგვა შეიძლება. შამპუნი ძველ ჭუჭყს ვერ გაუმკლავდება, მაგრამ რეგულარული წმენდის შემთხვევაში ამოცანას შესანიშნავად გაუმკლავდება.
