ბინა ყოველთვის სუფთა და მოწესრიგებული უნდა გქონდეთ, თუნდაც იდეალურად გარემონტებული არ იყოს. ყველას სისუფთავის საკუთარი ნორმა აქვს. სტუმარს ზოგიერთ სახლში ფეხსაცმლის გახდაც არ სურს, ხოლო ავეჯზე ყოველი შეხებისას ხელის დასაბანად გარბის. Paparazzi გიამბობთ, როგორ გამოაშკარაოთ უსუფთაო დიასახლისი.
როგორ მივხვდეთ, რომ სახლს მოუწესრიგებელი დიასახლისი მართავს
- საყოფაცხოვრებო წვრილმანები თვალსაჩინო ადგილას – მისაღები ოთახი სტუმრების მისაღებად შეიძლება მოწესრიგებული იყოს, მაგრამ სააბაზანო და სამზარეულო ასეთი დალაგების შიდა პირია. ცუდი დიასახლისი ამ ოთახებში გამოსაჩენად ტოვებს საყოფაცხოვრებო წვრილმანებს: შვაბრა, ცოცხი, ჩვარი და ღრუბელი. მათ დამალვას არც ცდილობს. სისუფთავის მოყვარულ დიასახლისს მათთვის კარადა და თაროები აქვს. გამოსაჩენ ადგილას მხოლოდ სუფთა პირსახოცი და ხელთათმანი შეგიძლიათ დატოვოთ, განსაკუთრებით მაშინ, თუ სამზარეულოს ფერში შერჩეულია.
- ბურჟუაზიული დეკორი – თუ ბინა სასახლე არაა, მისი გადატვირთვა არ ღირს. ხარახურა მთავარი ნიშანია, რომ სახლში უწესრიგო დიასახლისი ცხოვრობს. ბურჟუაზიული გემოვნების მქონე ცუდი დიასახლისის ბინაში ბევრი იაფი დეკორია. რაღაც სტუკო, მოოქროვილი, ფოტოშპალერი, ხალიჩა კედელზე, ეს ყველაფერი უგემოვნოა. ასეთი დეკორი მტვრის შემგროვებელია. დაგვეთანხმეთ, რომ სტუკოს გაწმენდა რთულია, ხოლო ხალიჩა კედელზე მუდმივად უნდა გაწმინდოთ.
- ძველი ავეჯი – უწესრიგო დიასახლისისთვის მნიშვნელობა არ აქვს, როგორი ავეჯი აქვს სახლში. 70-იანი წლების გასაშლელი დივანი და სავარძელი ჩამოშლილი სამკლავურებით? იყოს, რა საჭიროა ახლის ყიდვა! ცუდი დიასახლისი ყოველგვარ ხარახურას ინახავს, თუ მისაღებში არა, აივანზე მაინც. ზედმეტის გადაყრას ვერ ბედავს, იქნებ გამოადგეს!
- მაკულატურა სახლში – ჟურნალის მაგიდა ბევრი ბეჭდური გამოცემით, ცნობარით და ყველა შესაძლო წიგნაკით უსუფთაო დიასახლისის კიდევ ერთი ნიშანია. რა საჭიროა ეს მაკულატურა? რა საჭიროა ტელეფონის ნომრების ჟურნალი, თუ ყველას მობილური ტელეფონი აქვს? უმჯობესია მაკულატურა ჩააბაროთ. ასე გარემოს დაეხმარებით და სახლს მოაწესრიგებთ.
- გაცვეთილი ტანსაცმელი – სახლის ტექსტილი დიასახლისზე ბევრ რამეს ამბობს. ლაქებიანი სუფრა, დივნის გაცვეთილი გადასაკრავი, ძველი ფარდა, ეს ყველაფერი ყვირის: „ჩვენზე არავინ ზრუნავს!
- ფიგურები და ქანდაკებები – ცუდი დიასახლისის სახლს ამშვენებს სხვადასხვა სუვენირი: ათწლიანი სტატუები, ზღვის სანაპიროდან წამოღებული ნიჟარის ფიგურები. ეს წვრილმანები ინტერიერს აუშნოებს და მტვერს აგროვებს. თუ ასე ძალიან მოგწონთ, ყუთში და სადმე შორს შეინახეთ.
- სადენების გროვა – სისუფთავის მოყვარული დიასახლისის სახლში სადენების ქსელს ვერ იპოვით. მათ დასამალად ბევრი მეთოდი არსებობს. გამოსაჩენ ადგილას მხოლოდ ის ტოვებს, ვისაც ფეხქვეშ გადახლართული სადენები არ აღელვებს.
- დამჭკნარი ყვავილები – გამხმარ ყვავილზე უარესი მხოლოდ ხელოვნურია. მხოლოდ ცოცხალი ოთახის მცენარე და ახალი თაიგული მიმზიდველად გამოიყურება, დანარჩენი გადაყარეთ.
- პიანინო – ბევრ ადამიანს სახლში პიანინო აქვს. ეს უბრალოდ ინტერიერის ნივთია. მუსიკალური სკოლა უკვე გამოვლილია, ხოლო როიალის სახურავი მხოლოდ თვეში ერთხელ მტვრის გასაწმენდად იღება. ეს წესი დაუდევარი დიასახლისის სახლში არ სრულდება.
დიდებული ინტერიერიც უსუფთაო და უგემოვნო დიასახლისს ააშკარავებს. რა თქმა უნდა, შეიძლება გააპროტესტოთ, რომ სახლის დალაგება მთავარი არაა, მაგრამ სუფთა სახლში განწყობა კარგია, კამათი – ნაკლები. ხარახურისგან გათავისუფლებული ადგილი ნამდვილად ღირებული და საჭირო ნივთებისთვის შეგიძლიათ გამოიყენოთ.
