დედა კომბოსტოს მწნილს ზამთრისთვის ყოველთვის იმარაგებს. წარმოშობით უკრაინელია და მისი რეცეპტი საიმედოა. შინ მომზადებული კომბოსტოს მწნილი ქილაში ჩვენი სუფრის უცვლელი პროდუქტია. დედისგან მისი გაკეთება ვისწავლე და ახლა თავადაც ვიმარაგებ. ორმაგ პორციას ვაკეთებ, რომ დიდხანს მეყოს. Paparazzi გიამბობთ, როგორ დაამწნილოთ კომბოსტო უკრაინული რეცეპტით.
ინგრედიენტები:
- 8 კგ კომბოსტო
- 6 ს/კ მარილი
- 300 გ ჭარხალი
- 300 გ სტაფილო
- შავი წიწაკის მარცვლები
- დაფნის ფოთოლი
მომზადების წესი:
- ორი სახეობის კომბოსტო შეგიძლიათ მოამზადოთ. ერთი ჩვეულებრივი მწნილი სტაფილოთი მოამზადეთ, მეორე წითელი – ჭარხლით. ასე მრავალფეროვანი გამოვა. პირველ რიგში, კომბოსტო დანით დაჭერით ან სპეციალურ სახეხზე გახეხეთ.
- სტაფილო და ჭარხალი მსხვილად გახეხეთ. სტაფილო კორეულად შეგიძლიათ გახეხოთ.
- ჯერ ჩვეულებრივი კომბოსტო სტაფილოთი გააკეთეთ. ნახევარი კომბოსტო და გახეხილი სტაფილო აურიეთ. ნახევარი მარილი, შავი წიწაკა და დაფნის ფოთოლი დაუმატეთ. ყველაფერს კარგად აურიეთ. მანამ აურიეთ, სანამ კომბოსტოს წვენი არ გამოუვა. ამის შემდეგ კომბოსტო ქილაში ჩააწყვეთ და მჭიდროდ ჩატუმბეთ. ზემოდან წვენით უნდა დაიფაროს. თუ საკმარისი არაა, ცოტა წყალი დაუმატეთ.
- იგივე კომბოსტოს მეორე ნახევრით გაიმეორეთ. ჭარხალი აურიეთ. მარილი და სანელებლები დაუმატეთ. აურიეთ, რომ ჭარხალმა და კომბოსტომ წვენი გამოიღოს. პროცესში კომბოსტო გაწითლდება. ქილაში მჭიდროდ ჩააწყვეთ.
- ქილებს თავსახური დაახურეთ, მაგრამ არა მჭიდროდ, რომ სუნთქავდეს. ყოველ დილით გრძელი დანით მთელ სიგრძეზე დასერეთ. ასე კომბოსტო უკეთ დამჟავდება. 3 დღეში მზად იქნება. ახლა შეგიძლიათ მოთუშოთ, შეწვათ ან უბრალოდ მცენარეული ზეთი მოასხათ და სალათივით მიირთვათ. მისგან საოცარი წვნიანი გამოდის.
