პაპარაცის რედაქციის მიერ მომზადებულ დღევანდელ სტატიაში – ახალგაზრდა ქალი საკუთარ ისტორიას გვიამბობს.ცოტა ხნის წინ ჩემმა დედამთილმა დამირეკა და მარწმუნებდა, რომ ჩემს შვილთან ერთად მასთან აგარაკზე წავსულიყავი.
- რა არის კარგი ქალაქში? მანდ ხომ მხოლოდ ოთხ კედელში ზიხარ! აქ კი კარგია! ტბაც არის და ჰაერიც შესანიშნავია! გარუჯვასაც შეძლებ და ჩვენს სუფთა ტბაში ცურვასაც. ნინისთვის კი ეზოში დავდგამთ აუზს! – მარწმუნებდა ჩემი დედამთილი.
არ მინდოდა დედამთილთან აგარაკზე წასვლა, თანაც ჩემი ქმრის გარეშე, მაგრამ მას სამსახურში ბევრი საქმე ჰქონდა და შვებულებაში არ უშვებდნენ.
- არც კი დაფიქრდე! წადი დედასთან. შენთვისაც და ჩვენი შვილისთვისაც კარგი იქნება. რა აზრი აქვს ამ სიცხეში აქ გაჩერებას? მე თქვენთან შაბათ-კვირას ჩამოვალ ხოლმე! – დაიწყო ჩემი დარწმუნება ჩემმა ქმარმაც.
ბოლოს დავთანხმდი. ჩვენ ვცხოვრობდით ბინაში, რომელიც ჩემმა მშობლებმა მაჩუქეს. მეზობლები არც კი გამიცნია, ახალგაზრდა დედები კი ჩვენს კორპუსში საერთოდ არ იყვნენ.ძალიან არ მომწონდა, რომ ჩემს დედამთილთან ერთად მთელი ერთი თვე უნდა გამეტარებინა, მაგრამ ქმარი დამპირდა, რომ როგორც ვთხოვდი, მაშინვე წამომიყვანდა იქიდან.ჩემი დედამთილის აგარაკი მართლაც შესანიშნავ ადგილასაა, იქვე ახლოს არის ტყეც და ტბაც.თუმცა იქ მაშინვე ვერ მოვხვდი. რატომ? ჩემი დედამთილის გამო. მან მაშინვე გამონახა ჩემთვის უამრავი საქმე.
- მე ნინის გავასეირნებ, შენ კი ყვავილებიდან ბალახი ამოგლიჯე.
მაშინვე მივხვდი, რომ დედამთილმა მხოლოდ ამისთვის დამიძახა თავისთან აგარაკზე.თითქმის მთელი კვირა კონკიასავით ვმუშაობდი ბოსტანსა და წინა ეზოში. ჩემი დედამთილი კი ამასობაში შვილიშვილთან ერთად სეირნობდა ხან ტყეში, ხან ტბაზე. ნინის აქაურობა ძალიან მოსწონდა, მე – არა.
მეექვსე დღეს გავბრაზდი და ჩემს დედამთილს ვუთხარი, რომ დღეს ჩემს შვილთან ერთად სასეირნოდ მე წავიდოდი. დედამთილს ძალიან არ მოეწონა, მაგრამ გაჩუმდა.მეორე დღეს კი დილიდან გამომიცხადა, რომ სალათები და კომპოტები ჰქონდა გასაკეთებელი.
- კარგი! ერთად ყველაფერს სწრაფად გავაკეთებთ!
- რატომ ერთად? შენ გააკეთებ ყველაფერს, მე კი ნინის მივხედავ!
- არავითარ შემთხვევაში, ნინი მარტოც კარგად გაერთობა ჩვენს სიახლოვეს. მე და ჩემი ქმარი არანაირ კონსერვს არ ვჭამთ. ის ჩვენ საერთოდ არ გვჭირდება. მე ამ სიცხეში გაზქურასთან არ დავდგები, რომ მერე ამ კონსერვებით მთელი სანათესაო მოამარაგოთ. თქვენი საყვარელი დისშვილი ნანა ჩამოვიდეს და მან გააკეთოს კონსერვები თავისი ოჯახისთვის.
ეს სიმართლე იყო. ჩემს დედამთილს ჰყავს დისშვილი, რომელსაც 3 შვილი ჰყავს. ნათესავებს ნანა ეცოდებათ და ყველა მას ეხმარება. ბოლო დროს ნანა ძალიან გათავხედდა. მას აღარ უნდოდა დეიდამისთან აგარაკზე ჩასვლა, ბოსტანში დახმარება და კონსერვების გაკეთება. მას ეზარებოდა. სამაგიეროდ, მერე რეკავდა და თავის რთულ ცხოვრებაზე ჩიოდა.
მოკლედ, ამის გამო მე და ჩემმა დედამთილმა მაგრად ვიჩხუბეთ. მე ჩემს ქმარს დავურეკე და ვთხოვე აგარაკზე ჩამოსვალა, ჩვენს წასაყვანად. მან მითხრა, რომ ამის გაკეთება არ შეეძლო, რადგან სამსახურში ძალიან ბევრი საქმე ჰქონდა. გამიკვირდა, რადგან კვირა იყო.
- ნუ იგონებ! არ წახვიდე! დარჩი! – ისევ მარწმუნებდა ჩემი დედამთილი.
მე მივხვდი, რომ რაღაც ცუდი ხდებოდა.ნინი ყოველთვის ძალიან ადრე იღვიძებს. ორშაბათს, დილით ადრე, უხმაუროდ, მე და ჩემი შვილი გავემზადეთ და ქალაქში ავტობუსით წამოვედით. ჩემს დედამთილს არც კი გაუღვიძია.ნინი მაშინვე დედაჩემთან მივიყვანე, თვითონ კი სახლში წავედი. მოვედი და რას ვხედავ! ჩემს საწოლზე წევს და ტკბილად სძინავს შიშველ ქალს. ეს იყო ჩემი ქმრის საყვარელი.
მე ის არ გამიღვიძებია. უბრალოდ მისი ტანსაცმელი გადავყარე და პოლიციაში დავრეკე. მე მათ შევატყობინე, რომ ჩემს სახლში უცხო ქალი იმყოფებოდა.რომ იცოდეთ, როგორ ყვიროდა ჩემი ქმრის საყვარელი, როდესაც პოლიციელებმა ზეწარ შემოხვეული გაიყვანეს! ის მთხოვდა, რომ ჩემი ქმრისთვის დამერეკა, რომელიც ყველაფერს ამიხსნიდა. მთელი ეს შოუ ტელეფონით გადავიღე. შემდეგ ეს ვიდეო ჩემს ქმარს გავუგზავნე და ჩემს დედამთილსაც.
ჩემი ქმრის ნივთები შევაგროვე და კარების უკან დავდე, შეიძლება ვიღაცამ წაიღოს, მაგრამ ეს საერთოდ არ მაღელვებს.
- მაპატიე! ეს მხოლოდ ერთხელ იყო! ეს აღარ განმეორდება! – მეხვეწებოდა ჩემი ქმარი საღამოს, როდესაც სახლის კარებთან იჯდა.
მე ზუსტად ვიცი, რომ მას არასოდეს არ ვაპატიებ.
განქორწინება უკვე მოვითხოვე, ჩემს ქმარს კი – აი, რა ვუთხარი:
- მადლობა უნდა მითხრა, რომ შენს საყვარელს ფულის მოპარვა არ დავაბრალე! წადი ახალა და შენი ცხოვრებით იცხოვრე. მე მოღალატე არ მჭირდება!
