მოხუცი მშობლის საცხოვრებლად თქვენთან გადმოყვანა დიდი ნაბიჯია. ეს ხომ ზრდასრული ადამიანია საკუთარი ჩვევებით და დოგმებით. ხშირად ერთად ცხოვრება და საერთო ენის პოვნა რთულია. ჩვენი მკითხველის ცხოვრებაშიც ასე მოხდა. მოხუც დედაზე ზრუნვა სურდა, მაგრამ ყველაფერი გაუგებრობასა და ისტერიაში გადაიზარდა. Paparazzi ბევრისთვის ნაცნობ ისტორიას გიზიარებთ.
მოხუცი დედის შესახებ – „დედაჩემი დიდხანს სოფელში მარტო ცხოვრობდა. მამა დიდი ხნის წინ გარდაიცვალა, მაგრამ დედამ სხვასთან ბედის დაკავშირება არ ისურვა. თავადაც კარგად უმკლავდებოდა. როცა ფინანსური მდგომარეობა გაგვიუმჯობესდა, ვიპოვეთ ქალი, რომელიც დედას საოჯახო საქმეებში ეხმარებოდა. რამდენიმე წლის განმავლობაში ყველაფერი კარგად იყო. ცოტა ხნის წინ დედის ჯანმრთელობა გაუარესდა. ერთხელ შუა ქუჩაში გონება დაკარგა. კარგია, რომ დაეხმარნენ. გადავწყვიტე, ჩემთან წამომეყვანა. აქ ექიმის გამოძახებაც შემიძლია და საავადმყოფოში გადაყვანაც. დედას გაუხარდა. ნივთები ერთ დღეში შეაგროვა და წასასვლელად გაემზადა. ალბათ, შიშობდა, რომ გადავიფიქრებდი. გულწრფელად რომ გითხრათ, ამ გადაწყვეტილებას არ ვჩქარობდი. ჩემი ზომიერი ცხოვრება და სახლში სიმშვიდე მომწონს. დედას რთული ხასიათი აქვს. ვიცოდიი, რომ ერთად ცხოვრება გაგვიჭირდებოდა. მით უფრო, რომ 10 წელზე მეტი მარტო ცხოვრობდა. საკუთარი ჩვევები, ხედვები აქვს. ქმარსაც დიდი სურვილი არ ჰქონდა, თუმცა გარემოება სხვა გამოსავალს არ მიტოვებდა. ქმარი ამაში მხარს მიჭერდა.
ქალაქში გადმოსვლა – როცა დედა ქალაქში გადმოვიყვანეთ, ტანსაცმლის და ფეხსაცმლის ყიდვა მოგვიწია. რაღაც ძონძებით ჩამოვიდა. დარწმუნებული ვარ, რომ ნორმალური ტანსაცმელი ჰქონდა. მაშინვე მის ჯანმრთელობას მივხედე, ექიმებთან წავიყვანე. 1 კვირა საავადმყოფოში გაატარა, წვეთოვანი ჩაუსვეს. მისი ჯანმრთელობა გაუმჯობესდა, მაგრამ ბევრი წამლის ყიდვა მომიწია. მაშინ არ მიჭირდა, მაგრამ ახლა სიტუაცია გაუარესდა. ბოლო პერიოდში რამდენიმე თვე უმუშევარი ვიყავი. მუშაობა მხოლოდ ახლახანს გავაგრძელე. ქმარს ხელფასი შეუმცირეს, რადგან დისტანციურად მუშაობს. სავარაუდოდ, უახლოეს მომავალში ამ ხელფასს მიიღებს. მთელი ოჯახის რჩენა და კრედიტის გადახდა გამიჭირდა.
სწორედ ამიტომ, დედას პენსიის მოცემა ვთხოვე, ნაწილის მაინც. მთელი ეს დრო მისგან თეთრი არ მითხოვია, ყველაფერი ჩვენს ხარჯზე იყო. ახლა სიტუაცია გართულდა. დარწმუნებული ვიყავი, რომ გამიგებდა. მაგრამ არა. ისეთი სკანდალი მოაწყო. „გსურს უკანასკნელი თეთრი წამართვა“ – ყვიროდა დედა. ვერ მივხვდი, რა წავართვი. თითქმის ერთი წელი ჩვენს ხარჯზე ცხოვრობს, მისგან თეთრი არ ამიღია. საკუთარი სახლის გაყიდვაზე უარს ამბობს, ამიტომ სოფელში სახლი ცარიელია. რა წავართვი? „ფულს არ მოგცემ, შავი დღისთვის ვაგროვებ. იმისთვის გაგზარდე, რომ სიბერეში არაფერზე ვიფიქრო“ – პირდაპირ მითხრა. ვერ ვუგებ. მხოლოდ მის კეთილდღეობაზე ვზრუნავ. მინდა, რომ მძიმე დრო ერთად გადავიტანოთ. არ მესმის, რატომ აღიქვა ასე მძაფრად. იქნებ, მართალი არ ვარ და არ უნდა მეთხოვა ფული?“
რთული სიტუაციაა. გვესმის ქალის, რომელიც ოჯახზე ზრუნავს. ისედაც რთული გადაწყვეტილება მიიღო, როცა მოხუც დედაზე ზრუნვა გადაწყვიტა. მთელი ეს დრო ამას უანგაროდ აკეთებდა. სამწუხაროა, რომ დედამისმა ეს თავისთავად მიიღო. ვფიქრობთ, რომ შეუძლია ოჯახის ბიუჯეტში წვლილი შეიტანოს. ამაში ცუდი არაფერია. უმჯობესია, რომ ფულმა სარგებელი მოიტანოს და ტყუილად არ იდოს.
