ბებია ხშირად ამბობდა, რომ შელოცვები წარმატებაზე ყველა უსიამოვნებისგან გვიცავს. მისთვის ეს იყო ერთგვარი რიტუალი, რომელსაც ყოველ კვირას ასრულებდა. ბავშვობაში არ მესმოდა, რა საჭირო იყო, და რა ჯადოსნურ სიტყვებს ამბობდა სახლის დალაგებისას. დღემდე სკეპტიკურად განწყობილი ვარ, მაგრამ ახლა ისეთი დროა, რომ ყველაფერს დაიჯერებთ, ოღონდ ცხოვრება დალაგდეს. Paparazzi გიამბობთ, რომელი შელოცვები გამოიყენოთ სახლში. ვინ იცის, იქნებ რომელიმე მათგანი დაგეხმაროთ და ბედი კუდით დაიჭიროთ.
შელოცვები წარმატებაზე – ბებია სახლს თავის სავანეს უწოდებდა. ნამდვილად ასე იყო. მის ბინაში თავს მყუდროდ და თბილად ვგრძნობდი. იქ ყოველთვის ყველაფერი ბრწყინავდა და სასიამოვნო სურნელი ტრიალებდა. ბებია სისუფთავის მოყვარული იყო. სტუმრების მიღებაც უყვარდა. მათთან ერთად სახლში სხვადასხვა ენერგეტიკა შემოდიოდა. არა ყოველთვის კარგი. ბებიას სჯეროდა, რომ სტუმრები მის ენერგიას იპარავენ. ეს იმას ნიშნავს, რომ წარმატება ან ფინანსური კეთილდღეობა შეიძლება დაკარგოთ. ამის თავიდან ასაცილებლად ბებია წარმატებაზე შელოცვებს იყენებდა. რიტუალი გარკვეული მოქმედებების შესრულებას და საჭირო სიტყვების წარმოთქმას მოიცავს. მაგალითად, სახლში წარმატების დაბრუნება უბრალოდ იატაკის მოწმენდით შეიძლება.
იატაკი მკაცრად კუთხეებიდან ოთახის ცენტრის მიმართულებით უნდა გაწმინდოთ. ყველაზე ბოლოს დერეფანი უნდა გაწმინდოთ და შემოსასვლელი კარიდან დაიწყოთ. წყალი, რომელსაც იატაკის საწმენდად იყენებთ, მხოლოდ უნიტაზში უნდა ჩარეცხოთ. ამას ვამბობ მათთვის, ვინც კერძო სახლში ცხოვრობს და წყლის ქუჩაში გადასხმას მიჩვეულია. სანამ იატაკს წმენდთ, ხმამაღლა გაიმეორეთ შემდეგი სიტყვები: „ბეღელში, კუთხეებში, სიმდიდრე, მოდი ჩემთან, დარჩი ჩემს სახლში. არ დატოვო არც ჩემი და არც სხვის გამო. დაგროვდი, ფული ფულს დაემატოს. ჩემი სიტყვა, ჩემი სახლი, ჩემი კანონი. ჭეშმარიტება.“ ეს რიტუალი დღის ნებისმიერ მონაკვეთში შეგიძლიათ შეასრულოთ. მთავარია, რომ მზის ჩასვლის შემდეგ არ გააკეთოთ. მთვარის ფაზებზე მინიშნება არაა. შეასრულეთ მაშინ, როცა თქვენ და თქვენს სახლს ეს სჭირდება.
შელოცვა ფულზე – თუ ფინანსური სირთულეები გაქვთ, სახლში ფულის მოზიდვა კიდევ ერთი შელოცვით სცადეთ. მთელ ბინაში მონეტები მიმოფანტეთ და ზუსტად 1 დღე გააჩერეთ. შემდეგ ახალი ცოცხით (ეს მნიშვნელოვანია) მოხვეტეთ და თქვით: „ფულს ვხვეტავ, სიმდიდრეს ვიზიდავ, მდიდარი და ოქროთი სავსე ვიქნები“. შემდეგი 3 დღე ფული უნდა შეინახოთ ოთახის მარცხენა კუთხეში, სადაც ჩვეულებრივ დანაზოგს ინახავთ. თუ ფულს ბანკში ინახავთ, მაშინ ძვირფასი ნივთების მდებარეობას დააკვირდით. მაგალითად, ოქროს სამკაულებს. 3 დღის შემდეგ ყველა წვრილმანი ქილაში მოათავსეთ და ჰერმეტულად დახურეთ. დამარხეთ ან უბრალოდ ბინაში შეინახეთ. არავითარ შემთხვევაში არ გახსნათ. თუ ქილას გატეხავთ, ფინანსურ უბედურებას იწვნევთ. ფრთხილად იყავით!
