ბორში პომიდვრით და ჭარხლით. რა არის ამაში განსაკუთრებული? ამ კერძით გურმანების გულიც შეგიძლიათ მოიგოთ. ყველაფერი ორი საიდუმლო ინგრედიენტის წყალობით: მწნილი პომიდორი და შავქლიავი. რეცეპტი დედამთილისგან გავიგე, თავად უკრაინელი შეფმზარეულის, ევგენი კლოპოტენკოსგან. Paparazzi გიამბობთ, როგორ მოამზადოთ უხორცო ბორში კლოპოტენკოს რეცეპტით. სამარხვო ვარიანტი!
ინგრედიენტები:
- 2 ლ წყალი
- 1 საშუალო ზომის ჭარხალი
- 1 ხახვი
- 2 კარტოფილი
- 1 სტაფილო
- 150 გ კომბოსტო
- 2 ს/კ პომიდვრის პასტა
- 50 გ შავქლიავი
- 4 მწნილი პომიდორი
- 1 ს/კ შაქარი
- 2 დაფნის ფოთოლი
- 2 კბილი ნიორი
- 2 ს/კ მზესუმზირის ზეთი
- მარილი, წიწაკა გემოვნებით
მომზადების წესი:
- ჭარხალი გარეცხეთ და ღუმელში მომზადებამდე გამოაცხვეთ. შეგიძლიათ მოხარშოთ. მზა ჭარხალი გააგრილეთ, გათალეთ და მსხვილად გახეხეთ.
- სტაფილო და ხახვი გარეცხეთ და გათალეთ. სტაფილო მხვილად გახეხეთ, ხახვი წვრილად დაჭერით. ხახვი და სტაფილო ზეთში 3 წუთით შეწვით. ჭარხალი დაუმატეთ და 2 წუთით ჩაშუშეთ. შაქარი, მარილი გემოვნებით და პომიდვრის პასტა დაუმატეთ. 2 წუთით ჩაშუშეთ, ხშირად აურიეთ.
- ქვაბში წყალი ჩაასხით. კუბებად დაჭრილი კარტოფილი და დაფნის ფოთოლი დაუმატეთ. ადუღებამდე მიიყვანეთ, შემდეგ ცეცხლს დაუწიეთ და 5 წუთით ხარშეთ.
- კომბოსტო დაჭერით. შავქლიავი პატარა ნაჭრებად დაჭერით. ბორშს კომბოსტო და შავქლიავი დაუმატეთ, 15 წუთით ხარშეთ, შემდეგ შემწვარი ბოსტნეული დაუმატეთ.
- მწნილი პომიდორი შუაზე გაჭერით, ბორშს დაუმატეთ. 7 წუთით ხარშეთ. ბოლოს მარილი და წიწაკა გემოვნებით, ასევე დაქუცმაცებული ნივრის კბილები დაუმატეთ.
- სამარხვო ბორში მზადაა. გემრიელად მიირთვით!
უხორცო ბორში პომიდვრით და ჭარხლით უფრო გემრიელი გამოდის. ოჯახის წევრები დამატებას მოგთხოვენ.
