ახლახანს დეიდას ვესტუმრე. მან ოჯახის კეთილდღეობის საიდუმლო გამიზიარა. სახლში ჰარმონია და ბედნიერება რომ სუფევდეს, დეიდა დროდადრო პეროგს „ბედნიერება“ აცხობს. არა უბრალო ცომეული, არამედ სურვილების ასრულების რეალური მეთოდია. Paparazzi გიამბობთ, როგორ გააკეთოთ უჩვეულო და ჯადოსნური პეროგის ცომი რძეზე. 9 დღე მზადდება და ამად ნამდვილად ღირს.
ინგრედიენტები:
- 3 ჭიქა რძე
- 3,5 ჭიქა შაქარი
- 4 ჭიქა ფქვილი
- 4 კვერცხი
- 100 მლ მცენარეული ზეთი
- 1 ჩ/კ სოდა
მომზადების წესი:
- ამ პეროგში მთავარი სწორი განწყობაა. ცომის მომზადება კარგი განწყობით დაიწყეთ. აიღეთ სამლიტრიანი ქილა. მასში 1 ჭიქა რძე, შაქარი და ფქვილი მოათავსეთ. ერთგვაროვანი მასის მიღებამდე აურიეთ, მარლა ან ქსოვილი დააფარეთ.
- ცომზე 9 დღის განმავლობაში უნდა იზრუნოთ. თითქოს თქვენს სახლში ასახლებთ. მას უნდა ესაუბროთ და სურვილის ასრულება სთხოვოთ. სითბოში გააჩერეთ. პირველი 4 დღე ცომს დღეში ერთხელ უბრალოდ აურიეთ. მხოლოდ ხის კოვზი გამოიყენეთ. მე-5 დღეს ცომი გამოკვებეთ. ყველაფერი თითო ჭიქა დაუმატეთ ისე, როგორც პირველ დღეს. მასთან ლაპარაკი არ დაგავიწყდეთ.
- მე-6 და მე-7 დღეს დღეში ერთხელ აურიეთ. მე-8 დღეს კვლავ გამოკვებეთ. კვლავ ყველაფერი თითო ჭიქა და აურიეთ. პეროგის ცომი რძეზე მზადაა!
- მე-9 დღეს გამოაცხვეთ. მანამდე ცომს დანარჩენი ინგრედიენტები დაუმატეთ. კვერცხი და შაქარი ათქვიფეთ და ძირითად მასას დაუმატეთ. შემდეგ ცომს ზეთი, სოდა და დარჩენილი ფქვილი დაუმატეთ. სურვილისამებრ ვანილი, ლიმონის ცედრა ან ცუკატები დაუმატეთ. ცუკატებით და ქიშმიშით ძალიან გემრიელი გამოდის, მაგრამ ეს უკვე გემოვნების საკითხია.
- პეროგი გამოაცხვეთ. ცოტა ცომის ხაში შეგიძლიათ დატოვოთ და სხვას გადასცეთ. ასე თქვენს ბედნიერებას გაუზიარებთ. მზა პეროგი ჩაის მიაყოლეთ.
ყველა ოჯახის წევრმა თითო ნაჭერი უნდა მიირთვას და სურვილი ჩაიფიქროს. ტკბილეული სახლში უნდა შეიჭამოს, გარეთ გატანა არ შეიძლება. თქვენს სურვილს აუცილებლად შეასრულებს, თუ 9 დღის განმავლობაში მასზე კარგად იზრუნებთ. დამატებით, პეროგი ძალიან გემრიელია. რეცეპტი თაფლს არ შეიცავს, მაგრამ პეროგს თაფლის გემო დაყვება. ცომი სახლში დაასახლეთ და თქვენი „ბედნიერება“ მოამზადეთ. დარწმუნებული ვართ, არ ინანებთ!
