რთული სათქმელია, რომელი ზოდიაქოს ნიშანია საუკეთესო. ამ ტიტულზე ერთდროულად რამდენიმე ასტროლოგიური კანდიდატი პრეტენზიას გამოთქვამს. მათგან განსხვავებით, ტყუპები პირველობისკენ არ ისწრაფვის. ისედაც იცის, რომ მისი მსუბუქი ხასიათი, ხიბლი და ქარიზმა ლომის სიამაყესა და მშვილდოსნის ავანტიურიზმზე წინაა. Paparazzi გიამბობთ, რატომ არის ტყუპები სასიყვარულო და მეგობრულ ურთიერთობაში იდეალური პარტნიორი.
ტყუპები სიყვარულსა და მეგობრობაში
- ყველაფრის მიმართ ცოცხალი ინტერესი – ტყუპებს პატარა ბავშვივით ყოველთვის ყველაფერი აინტერესებს. არ არსებობს თემა, რომელიც მისთვის უინტერესოა. ამ ნიშნის თითოეული წარმომადგენელი მოსიარულე ენციკლოპედიაა, რომელმაც ყველა კითხვაზე პასუხი იცის. მასთან ურთიერთობა საინტერესოა. მან ხომ სამყარო ნახა: იმოგზაურა, ეგზოტიკური კერძები დააგემოვნა, საინტერესო ხალხს ესაუბრა. ტყუპები შთაბეჭდილებას აგროვებს, ამიტომ მასთან არასდროს მოიწყენთ.
- იდეალური თანამგზავრი მოსაწყენი წვეულებისთვის – ნებისმიერ მოსაწყენ წვეულებაზე ტყუპები წაიყვანეთ. სიტუაციას განმუხტავს და გაგართობთ, მაშინაც კი, როცა საქმე სერიოზულ საქმეებს ეხება. მიდიხართ ქორწილში, სადაც ნათესავები შეგაწუხებთ პირად ცხოვრებაზე კითხვებით? მიდიხართ მოსაწყენ კორპორატიულ წვეულებაზე? ტყუპები წაიყვანეთ და წვეულებისგან მხოლოდ სასიამოვნო მოგონებები დაგრჩებათ!
- გულუხვობა – ტყუპები სიყვარულსა და მეგობრობაში ძალიან გულუხვია. გულუხვია არა მხოლოდ საჩუქრებით, არამედ გრძნობებით. ცივს და განცალკევებულს ვერ უწოდებთ. თუ უყვარს, კომპლიმენტებით და სასიამოვნო წვრილმანებით ავსებს.
- სასიამოვნო მოსაუბრე – არა მხოლოდ საინტერესო ადამიანია, რომელსაც მოსაყოლი ბევრი აქვს, არამედ კარგი მსმენელია. ეს დასაფასებელია. თქვენი სიტყვების მიმართ გულწრფელ ინტერესს გამოხატავს, კითხვებს სვამს და საუბრის არსში სწრაფად ერკვევა. მის გვერდით თავს საინტერესოდ და მნიშვნელოვნად მიიჩნევთ.
- ობიექტური მჭვრეტელი – თუ მხოლოდ ერთ მოსაზრებაზე ჩაციკლული ხართ, ტყუპები სიტუაციის სხვა მხრიდან დანახვაში დაგეხმარებათ. მეგობრისთვის, რომელიც ღრუბლებში დაფრინავს, უბრალოდ შეუცვლელი ამხანაგია. ფხიზელი სიტყვებით ზეციდან მიწაზე დაგსვამთ, რეალობას გაჩვენებთ. თქვენ მხოლოდ მოგიწევთ სწორი გადაწყვეტილება მიიღოთ და ტყუპებს გულწრფელობისა და დახმარებისთვის მადლობა გადაუხადოთ.
- უამინდობაში განწყობას აგიმაღლებთ – ყველაზე რთულ წუთებში დაგეხმარებათ. ზედმეტ სერიოზულობას და დეპრესიას ვერ იტანს. ხუმრობა, საინტერესო ისტორია, სწორი კითხვები – ბევრი მეთოდი აქვს, რომ განწყობა აგიმაღლოთ. ყველაფერს კარგად იყენებს.
- წუწუნს ვერ იტანს – ჩივილი და წუწუნი არ უყვარს. თავად არ დაიჩივლებს და არც სხვას მოუსმენს. სწორსაც გააკეთებს! პოზიტიური ხედვა ტყუპების მთავარი თვისებაა.
- გულწრფელია და ცხოვრებისგან ყველაფერს იღებს – გულწრფელობა ტყუპების მთავარი თვისებაა. თამაში და გრძნობების დამალვა არ ახასიათებს. სხვასაც ისეთს იღებს, როგორიც არის, ყველა ნაკლით და ღირსებით. გასწავლით, როგორ აიღოთ ცხოვრებისგან ყველაფერი და მიზანს მიაღწიოთ. მის გვერდით თავდაჯერებულობას იგრძნობთ.
თუ გაგიმართლათ და ამ ნიშნის მეგობარი ან პარტნიორი გყავთ, არ დაკარგოთ. ტყუპები ცხოვრების გალამაზებასა და პოზიტივის შემოტანაში დაგეხმარებათ.
