დიდებული ტორტის მარტივი რეცეპტი ყველა დიასახლისის ბლოკნოტში უნდა იყოს. ზოგჯერ გემრიელი ცომეულით ოჯახის წევრების გახარება გვსურს, მაგრამ თავში არაფერი მოგვდის. შინაურული „რაფაელო“ სიტუაციას სწრაფად გამოასწორებს. გარდა ამისა, ტორტი ცხობის გარეშე მზადდება. ნამდვილი ჯეკპოტია თანამედროვე სამყაროში, სადაც დრო არასდროს გვყოფნის.
ტორტის მარტივი რეცეპტი – გულწრფელად, ასეთი ტორტი ბიუჯეტური გადაწყვეტილებაა. მოსამზადებლად საბაზისო პროდუქტები დაგჭირდებათ. მოკრძალებული მოთხოვნის მიუხედავად, ფაფუკი და ეფექტური გამოდის. სტუმრებთან გატანა არ შეგრცხვებათ.
ინგრედიენტები:
- 12 ვაფლის ფენა
- 1 ლ რძე
- 150 გ შაქარი
- 90 გ სიმინდის სახამებელი
- 1 კვერცხი
- 200 გ ქოქოსის ფანტელები
- 1 პაკეტი ვანილის შაქარი
- 100 გ კარაქი
- 150 გ შემწვარი მიწისთხილი
- კანფეტი „რაფაელო“ გასაფორმებლად
მომზადების წესი:
- სქელძირიანი ქვაბი მოამზადეთ. კრემისთვის დაგჭირდებათ. ყურადღება მიაქციეთ, რომ კრემის ინგრედიენტები პროცესში არ დაიწვას. ქვაბში რძე ჩაასხით, კვერცხი, შაქარი, ვანილის შაქარი და სახამებელი დაუმატეთ. ერთგვაროვანი მასის მიღებამდე აურიეთ.
- აუცილებელია, რომ კვერცხი რძეში ბოლომდე გაიხსნას. ამის შემდეგ სუსტ ცეცხლზე დადგით. გასქელებამდე ხარშეთ, ნარევს მუდმივად აურიეთ.
- როგორც კი შეამჩნევთ, რომ კრემი მალე დუღილს დაიწყებს, ქურიდან გადმოდგით. ცხელ კრემს კარაქის ნაჭრები დაუმატეთ. წარმოქმნილ მუსს აურიეთ, ქოქოსის ფანტელები დაუმატეთ და ერთგვაროვანი მასის მიღებამდე აურიეთ. კრემი სქელი და საკმაოდ მკვრივი უნდა გამოვიდეს.
- ვაფლის ფენებს თბილი კრემი წაუსვით. როცა გაცივდება, უფრო გაგიჭირდებათ, რადგან კრემი უფრო სქელი და წებოვანი გახდება. კრემის ფენას დაქუცმაცებული შემწვარი მიწისთხილი დაუმატეთ. თითო ვაფლის ფენაზე დაახლოებით 2 ს/კ კრემი იხარჯება.
გაითვალისწინეთ, რომ კრემით ტორტის ზედა ნაწილი და გვერდებიც უნდა დაფაროთ. კრემის წასმის შემდეგ მთელი ტორტი გააფორმეთ, ქოქოსის ფანტელები მოაყარეთ. რა რაფაელოა ამავე სახელწოდების ცნობილი კანფეტის გარეშე? დესერტზე წარმატებით რომ დაფიქსირდეს, კრემში მცირე ჩაღრმავება გააკეთეთ და „რაფაელოები“ ჩადეთ.
