სახლური ოსპის წვნიანი დიდ ყურადღებას იპყრობს. მსგავსი რეცეპტი დიდად პოპულარული არაა, მაგრამ ეს კერძის გემოს არ აფუჭებს. მასში ზეთისხილსაც ამატებენ. კომპონენტების არასტანდარტული ნაკრებია. გარისკეთ და ყველაზე არომატული, ეგზოტიკური წვნიანი მოამზადეთ.
სახლური ოსპის წვნიანი – რეცეპტი იდეალურია მათთვის, ვისაც ადრე ოსპთან საქმე არ ჰქონია. ასე არა მხოლოდ წვნიანში პროდუქტის გემოს გასინჯავთ, არამედ მის თვისებებს შეისწავლით. სხვადასხვა ოსპი არსებობს. წითელი, მწვანე, ყვითელი. ნებისმიერი შეგიძლიათ აირჩიოთ. ის, რომელიც ფერით უფრო მოგწონთ. გამოცდილი დიასახლისები მწვანე ოსპს ფერის გამო ცალკე ხარშავენ.
ინგრედიენტები:
- 1 ჭიქა ოსპი
- 1 ხახვი
- 1 სტაფილო
- 1 კონა ახალი ქინძი
- 3 კბილი ნიორი
- სანელებლები
- ზეითუნის ზეთი
- უკურკო ზეთისხილი
მომზადების წესი:
- ოსპი ცივ წყალში რამდენჯერმე კარგად გარეცხეთ. ცხელი წყალი დაასხით და თავსახური დაახურეთ. სანამ დანარჩენ ინგრედიენტებს ამზადებთ, ასე გააჩერეთ.
- სტაფილო და ხახვი პატარა ნაჭრებად დაჭერით. ნიორი ფურცლებისგან გაწმინდეთ, ქინძი დაჭერით. გაითვალისწინეთ, ცოტა სპეციფიკური გემო აქვს. თუ ქინძი არ გიყვართ, ნებისმიერი ახალი მწვანილით შეგიძლიათ შეცვალოთ. მაგალითად, კამის და ოხრახუშის ნარევით.
- ქვაბის ძირში ზეითუნის ზეთი ჩაასხით, ბოსტნეული და მწვანილი დაუმატეთ. ბოსტნეული ძლიერ ცეცხლზე დარბილებამდე თუშეთ. სანელებლები დაუმატეთ. ყველაზე საბაზისო შეგიძლიათ გამოიყენოთ ან დაუმატეთ კურკუმა, ცხარე წიწაკა და ძირა.
- მოთუშულ ბოსტნეულს, მწვანილს და სანელებლებს დაუმატეთ ოსპი იმ წყალთან ერთად, რომელშიც ლბებოდა. აურიეთ და ქურაზე დადგით. წვნიანი ადუღებამდე მიიყვანეთ და ცეცხლს დაუწიეთ. წვნიანი კიდევ 30-35 წუთით ხარშეთ.
- წვნიანის სისქე გემოვნებით დაარეგულირეთ. თუ თხევადი წვნიანი გსურთ, მეტი წყალი დაუმატეთ. უკურკო ზეთისხილი რგოლებად დაჭერით. ზეთისხილი წვნიანს მომზადებამდე 5-10 წუთით ადრე დაუმატეთ.
ასეთი კერძი იდეალურია მათთვის, ვინც ხორცს არ ჭამს. რეცეპტში გრამი ხორცი არაა, მაგრამ გემო არ დაზარალდა. ზეთისხილი ოსპის წვნიანში საკმაოდ უჩვეულო ინგრედიენტია, რომელიც წვნიანს მდიდრული სუფრის ხშირ სტუმარს გახდის. ისიც, ვინც ადრე ზეთისხილზე ცხვირს იბზუებდა, გულგრილი ვერ დარჩება. წვნიანი მოამზადეთ და ამაში თავად დარწმუნდით.
