„ქმარს მეორე შვილი უნდა, მაგრამ პირველსაც ვერ უმკლავდება“ – ჩივის ციური. დიდხანს დაორსულებას ვერ ახერხებდა, მაგრამ როცა ამის გაკეთება შეძლო, ნანატრმა შვილმა ოჯახის იდილია დაარღვია. Paparazzi–ის სტატიაში ნახეთ, რატომ ფიქრობს ქალი განქორწინებაზე.
მეორე შვილი სჭირდება – „ჩემი ქმარი იდეალურ ოჯახზე ოცნებობდა. დიდებული ქორწილის გადახდა სურდა, შემდეგ ჩემი ორსულობის დაგეგმვა. დედობის წინააღმდეგი არ ვიყავი, მაგრამ ყველაფერი ისე არ მოხდა, როგორც ოცნებებში. საქმე იმაშია, რომ რამდენიმე წელი დაორსულება ვერ შევძელი. რას არ ვაკეთებდით, მაგრამ არაფერი გვშველოდა. რა თქმა უნდა, ამის ფონზე ურთიერთობა გაგვიფუჭდა. შემდეგ ცაზე ჭექა–ქუხილივით ორი ხაზი ორსულობის ტესტზე. ბედნიერებისგან ვტიროდით.
მთელი ორსულობა ვანო ხელის გულზე მატარებდა. ჩემზე ზრუნავდა, ყველაფერში მეხმარებოდა. საბავშვო ოთახის პროექტი ერთად შევადგინეთ, მისთვის ტანსაცმელი და სხვა ნივთები ერთად შევიძინეთ. ვფიქრობდი, რომ ჩემი ცხოვრება იდეალური იყო. შემდეგ ვიმშობიარე. ამ სასიხარულო მოვლენამ ჩემი ცხოვრება დაყო „მანამდე“ და „შემდეგ“. პირველ რიგში, ქმრის დახმარების კვალი აღარ დარჩა. ვანო თითქოს შვილის მიმართ არაფერს გრძნობდა. მეორეც, ისე მექცევა თითქოს უცხოები ვართ. მეგობრებმა მითხრეს, რომ ეს ნორმალურია, ყველა მშობიარობის შემდგომ პერიოდს განიცდის. უნდა მოვითმინო, ქმარი გადალახავს და დამშვიდდება. მაგრამ ყოველდღე სიტუაცია უარესდებოდა. ვანომ ყველაფერში შემზღუდა.
ბანალურით დავიწყოთ: ჩემთვის აბაზანის მიღება არ შეიძლება. ეს დიდი დროა, თან წყალი უნდა დავზოგოთ, რადგან ხარჯია. მისი თქმით, 5 წუთით შხაპის მიღება საკმარისია. მით უფრო, აბაზანაში დიდი ხნით ვერ გავჩერდები, როცა ჩვენი შვილი მეთვალყურეობის გარეშე რჩება. როცა თავს ვიცავ და ვეუბნები, რომ თავად შეუძლია ბავშვთან დაჯდეს, ამბობს, რომ ეს მისი ამოცანა არაა. უბრალოდ წარმოიდგინეთ. მისი თქმით, თავად ფულს შოულობს და უზრუნლველგვყოფს. აი, საფენები და კვება ჩემი პრეროგატივაა. ღამითაც არასდროს დგება, როცა ვაჟი ტირის. უბრალოდ არ ადარდებს.
როგორ მოვიყვანო გონს ქმარი და შესაძლებელია თუ არა – სიტყვაზე, ფულზე. არ ვიცი, ვის უზრუნლველყოფს ქმარი, მაგრამ როცა თავად ცოტა საკუთარი ფული გამიჩნდა, ჩვენი ბიუჯეტი გაყო. თავის დამცირება მიწევს, რომ რაღაც გროშები მომცეს, რადგან ფული არაფერზე მყოფნის. როგორც ჩანს, მოსწონს, როცა თავს ჩემზე მაღლა წარმოიდგენს. ჩემს კერძებს ხშირად აკრიტიკებს, ამბობს, რომ უკეთესად შემიძლია. არ მოსწონს, როგორ ვალაგებ ბინას. რაღაც მტვრის ნამცეცს ეძებს და მეკითხება, რატომ არის აქ. ძალიან დავიღალე. არ მესმის, რატომ გახდა ასეთი დესპოტი. ჩვენი შვილი მალე 1 წლის გახდება, ხოლო ვანო დღემდე ისე იქცევა, თითქოს მისი შვილი არაა. ყველაზე მეტად შევშინდი, როცა მეორე შვილზე საუბარი დაიწყო. თითქოს, ახალგაზრდები არ ვართ და ახლა მეორეს გაჩენა უმჯობესია. ქალიშვილი სურს.
არ ვიცი, რა გავაკეთო. მეშინია! წარმოდგენა არ მინდა, რა მოხდება, როცა კიდევ ერთი ბავშვი გაჩნდება. ბავშვის გასაჩენად მზად არ ვარ, მით უფრო ჯერ ბოლომდე არ გამოვჯანმრთელებულვარ. ასეთი გრაფიკით, აბა როგორ. მთელი ეს დრო მშობლებისთვის არაფერი მითქვამს. ვანო უბრალოდ ძალიან უყვართ. არ მინდოდა, რომ იმედი გაცრუებოდათ. ახლა ნერვული აშლილობის ზღვარზე ვარ. ვფიქრობ, რომ განქორწინება მოვითხოვო, რადგან ამ მამაკაცთან მომავალი ვერ წარმომიდგენია. ახლა მისთვის ქმრის წოდებაც არ მინდა“.
შეიძლება მამაკაცი ერთ წამში დესპოტი გახდეს თუ მაინც ამის წინაპირობა იყო? ვინ იცის, იქნებ ციურიმ ყურადღება არ მიაქცია. ქალი ტოქსიკურ და არაჯანსაღ ურთიერთობაშია. ასეთ ურთიერთობას თავი სწრაფად უნდა დააღწიოს. რა თქმა უნდა, შეუძლიათ ოჯახის ფსიქოლოგს მიმართონ, ერთად გარკვევა სცადონ, მაგრამ ვფიქრობ, რომ ვანოს ამის მოსმენაც არ ენდომება. ასეა თუ ისე, უფლება არ აქვს, რომ ცოლს ისევ დაორსულება აიძულოს. ეს არაადამიანობაა.
