პაპარაცის რედაქციის მიერ მომზადებულ დღევანდელ სტატიაში – ახალგაზრდა მამაკაცი საკუთარ ისტორიას გვიამბობს.გოგონა, რომელიც მომწონდა, უმშვენიერესი იყო, მაგრამ როდესაც შემთხვევით მის ბინაში მოვხვდი მაშინვე გამოვიქეცი იქიდან …მე ირაკლი მქვია. მეუღლე არ მყავს. აქტიურ ძიებაში ვარ. რატომღაც, ჯერ ვერ მოხერხდა ჩემი ოცნების გოგოსთან შეხვედრა – ამიტომაც, აქამდე არ დავქორწინებულვარ.
ეს ამბავი ორი თვის წინ გადამხდა თავს. ჩემმა საუკეთესო მეგობარმა ლუდის დასალევად დამპატიჟა. დიდი დრო იყო გასული მას შემდეგ, რაც ერთმანეთი არ გვენახა: ხან მას აქვს საქმეები, ხან მე ვარ დაკავებული. მაგიდა დავიკავეთ, დავსხედით, ლუდს ვსვამდით, ვსაუბრობდით, ახალ ამბებს ვუზიარებდით ერთმანეთს.ამ დროს ბარში კოტეს მეგობარი შემოვიდა. ის მარტო არ იყო, მეგობარი ახლდა. კოტემ ისინი ჩვენს მაგიდასთან მოიწვია. ჩვენ ერთმანეთი გავიცანით.
ასე გადაიქცა ჩვენი შეხვედრა ოთხი ადამიანის პაემანად.ანა, კოტეს ნაცნობის მეგობარი, ძალიან ლამაზი და მიმზიდველი გოგონა იყო. ის იყო გამხდარი და მოვლილი, გემოვნებით და ძალიან მოდურად ჩაცმული. გოგონა არა მხოლოდ ძალიან ლამაზი იყო, არამედ ჭკვიანიც, იუმორის გრძნობით. მე მისი გაცნობა ძალიან გამიხარდა.შემდეგ ტელეფონის ნომრები გავცვალეთ.
ორიოდე დღის შემდეგ ანას დავურეკე და პაემანზე დავპატიჟე. იგი დათანხმდა. ასე დავიწყეთ შეხვედრები. ანა მუშაობდა და მარტო ცხოვრობდა, მაგრამ რატომღაც თავისთან სტუმრად არ მეძახდა.ერთმანეთს ხშირად ვხვდებოდით და ხშირად ვურეკავდით.შემდეგ, ისეთი რაღაც მოხდა, რამაც მთლიანად შეცვალა ჩემი დამოკიდებულება ანას მიმართ. მე მას უბრალოდ გამოვექეცი.ანას გასაღები სახლში დაავიწყდა, კარი კი ჩაიკეტა. მან დამირეკა, მე მასთან მივედი. ვიფიქრეთ და გადავწყვიტეთ საგანგებო სიტუაციების სამსახურში დაგვერეკა. ისინი სწრაფად მივიდნენ. ანა მეოთხე სართულზე ცხოვრობდა. მაგრამ, სამწუხაროდ, კოშკურით სახლს ვერ მიუახლოვდნენ. ანა უკვე თანახმა იყო, რომ მისი ბინის კარი უბრალოდ შეემტვრიათ.
გადავწყვიტე, რომ არ მეჩქარა და ჩემი მეგორებისთვის დამერეკა. მათ ერთი მძარცველის ნომერი მომცეს. დავურეკე და სიტუაცია ავუხსენი. მას გაეცინა და დახმარებაზე დამთანხმდა, გონივრული საფასურის სანაცვლოდ.ნახევარი საათის შემდეგ კარი გაიღო. ბიჭს გაეღიმა, როდესაც სისწრაფისა და ოსტატობის გამო შევაქე და მითხრა:
- გირჩევთ, რომ უფრო ხარისხიანი საკეტები იყიდოთ!
ანა იძულებული გახდა, სახლში შევეპატიჟებინე. ბინაში შევედი და გავოგნდი.ანას ბინაში ოთხი კატა ცხოვრობდა. ყველგან ძალიან ბევრი ბეწვი იყო, მაგრამ ეს არ იყო ყველაზე საშინელი რამ. ყველაზე საშინელი სხვა რაღაც იყო – საშინელი სუნი მთელ ბინაში. ყველგან კატის შარდის საშინელი სუნი იდგა. ისეთი ცუდად გავხდი, რომ კინაღამ გონება დავკარგე. სწრაფად დავემშვიდობე ანას და წამოვედი.
სამუდამოდ წამოვედი. ანასთვის აღარასოდეს დამირეკავს. ვერც კი წარმოვიდგენდი, რომ ასეთ ლამაზ და მოვლილ გოგონას ბინაში ასეთი საშინელი მდგომარეობა ექნებოდა.
