პაპარაცის რედაქციის მიერ მომზადებულ დღევანდელ სტატიაში – ახალგაზრდა ქალი საკუთარი ოჯახის ისტორიას მოგვითხრობს.მე ელენე მქვია. ახლა 26 წლის ვარ. 22 წლის რომ ვიყავი, ლევანი გავიცანი. ერთმანეთს ორი წლის მანძილზე ვხვდებოდით, შემდეგ კი – დაქორწინება გადავწყვიტეთ. ჩემი და ლევანის მშობლები ამ ქორწინებას ეწინააღმდეგებოდნენ. ჩვენ ფული მოვაგროვეთ და მაინც ვიქორწინეთ. ჯერ ნაქირავებ ბინაში ვცხოვრობდით, შემდეგ კი – ბინა იპოთეკით შევიძინეთ.
ერთი წლის შემდეგ, დედაჩემი ჩემი გათხოვების ამბავს შეეგუა და ლევანის უკეთესად ექცეოდა.მე ვერ მოვახერხე ჩემი ქმრის მშობლებთან კარგი ურთიერთობის დამყარება. საქმე ისაა, რომ ჩემს ქმარს უმცროსი და ჰყავს. ის მას ყველაფრით უზრუნველყოფდა, სანამ ცოლი არ ჰყავდა. მას შემდეგ, რაც ლევანმა ცოლი მოიყვანა, ანა იძულებული გახდა თავისთვის სამსახური მოეძებნა და საკუთარი თავი თავად ერჩინა. მას ეს არ მოსწონდა. ლევანი დედამისსაც ეხმარებოდა, რომელიც პენსიაზე იყო და ძალიან მცირე პენსია ჰქონდა.
ქორწილის შემდეგ, დედაც და დაც მას მუდმივად სთხოვდნენ ფულს. მას ისინი კარგად ექცეოდნენ, მე – არა.ცოტა ხნის წინ, მათთან ძალიან მაგრად ვიკამათე. უბრალოდ, საშინლად მომბეზრდა ის, რომ ჩემი ქმარი მათ მუდმივად ფულს აძლევდა. ჩვენ ჩვენი ოჯახი გვაქვს და ფული ჩვენც გვჭირდება. რატომ უნდა დავზოგოთ, როდესაც ნორმალური ხელფასები გვაქვს? მულს ვთხოვე, რომ ჩემი ქმრისგან ფული აღარ ეთხოვა. ის კი მიყვიროდა, რომ მომეკეტა, რადგან მე მას საკუთარი ძმა მოვპარე. უფროსმა ძმამ კი, ყოველთვის უნდა მოაგვაროს მისი პრობლემები. მაშ, ვინ უნდა გააკეთოს ეს?ქმარს საშუალება არ მივეცი, რომ დისთვის და დედისთვის ფული მიეცა და ისინი წავიდნენ.
ჩემს ქმარს ვუთხარი:
- ძვირფასო, მე ყველაფერი მესმის, მაგრამ შენი ნათესავები ძალიან გათავხედდნენ. რამდენ ხანს უნდა ვითმინო ეს საშინელება? ისინი ძალიან თავხედები არიან! მალე მთელ ხელფასს მოგთხოვენ! იპოთეკა და ავეჯის სესხი როგორ უნდა გადავიხადოთ?
ჩემი მეუღლე დამეთანხმა. დედასთან და დასთან ურთიერთობას აგრძელებდა, მაგრამ ფულს აღარ აძლევდა. მათ ალბათ ვეზიზღებოდი.გავიდა სამი თვე. მოვახერხეთ და მე და ლევანმა შვებულება ერთდროულად ავიღეთ. გადავწყვიტეთ, რომ თურქეთში წავსულიყავით დასასვენებლად. ორი საგზური ვიყიდეთ და ორი კვირით მივდიოდით.
ყვავილების მორწყვა ჩემს დედამთილს ვთხოვე. მას ამის გაკეთება არ უნდოდა, მაგრამ როდესაც ლევანმა უთხრა, რომ ახალი კაბისთვის ფულს მისცემდა, ის მაშინვე დათანხმდა და ჩვენ მას ბინის გასაღები მივეცით.რა ბედნიერი ვიყავი, როდესაც ლევანთან ერთად დასასვენებლად გავფრინდი! ყველაფერი შესანიშნავად იყო და დროც ძალიან მალე გავიდა. რა თქმა უნდა! ზღვა, სითბო, ირგვლივ ასეთი სილამაზე და საყვარელი ადამიანი გვერდით!
სამშობლოში ჩამოსვლის შემდეგ, გადავწყვიტეთ წავსულიყავით ბებიაჩემთან, რომელიც სოფელში ცხოვრობდა.მთელი ერთი კვირა სოფელში გავატარეთ. ლევანს იქ ძალიან მოეწონა. ის საერთოდ არ იცნობდა სოფლის ცხოვრებას.ყველაფერი კარგად იყო, ძალიან კარგად დავისვენეთ, ენერგიითა და სასიამოვნო შთაბეჭდილებებით სავსე ვიყავით. ეს ყველაფერი სახლში დაბრუნებამ გააფუჭა.
სახლში შესვლისთანავე გავოგნდით. თურმე, ჩვენს ბინაში საცხოვრებლად ჩემი მული გადმოსულიყო. სამ კვირაში მან ჩვენს სახლში საშინელი არეულობა მოაწყო. ყველგან ყველაფერი ეყარა, ნაგავი ალბათ სამი კვირის მანძილზე არ გაეტანა. სახლი დასალაგებელი იყო და საშინელი სუნი იდგა. ჩემი დედამთილიც სახლში იყო, ის სამზარეულოში წვნიანს ამზადებდა.მე და ჩემმა ქმარმა საშინელი ჩხუბი დავიწყეთ.
- აქ რა ხდება? ჩვენ ყვავილების მორწყვა გთხოვეთ და არა ჩვენი სახლის საღორედ გადაქცევა!ჩემმა დედამთილმა კი გვითხრა:
- თქვენ ძალიან დიდხანს არ ჩანდით! თქვით, რომ მხოლოდ ორი კვირით მიდიოდით და მთელი სამი კვირის მანძილზე არ გამოჩნდით! ვიფიქრე, რომ შვებულებაში რაღაც დაგემართათ და საერთოდ არ დაბრუნდებოდით. ბინა ცარიელი რატომ უნდა ყოფილიყო? არ იყო საჭირო ამდენი ხნით წასვლა! ავდექი და ანა აქ გადმოვიყვანე! ახლა აქ ჩვენ ვიცხოვრებთ!
ჩემი ქმარი ძალიან გაბრაზდა და ჩვენი ბინიდან დედამისი და თავისი და გააგდო. მათი ნივთები აივნიდან გადაყარა. სამი დღის მანძილზე ვალაგებდით მე და ჩემი ქმარი სახლს. თითქოს მოვაწესრიგეთ, მაგრამ საშინელი სუნის მოშორება ჯერ ვერ მოვახერხეთ.დედამთილი და მული ჩვენზე განაწყენდნენ, თუ რატომ არ ვუყიდეთ ჩემს დედამთილს დაპირებული კაბა. გაოგნებული ვარ ასეთი სითავხედით. რანაირი ადამიანები არიან! რანაირი ნათესავები! საშინელება!
ვერც კი წარმოვიდგენდი, რომ სამ კვირაში ბინის ასეთ მდგომარეობაში ჩაგდება შეიძლებოდა. თურმე, ეს შესაძლებელია!
