დანიელა ტოიშერის ცხოვრებაში წარმოუდგენელი რამ მოხდა. ის შვილების გაჩენაზე ოცნებობდა და ამიტომ გადაწყვიტა ანონიმური სპერმის ბანკით ესარგებლა. ასე დაიბადა მისი ქალიშვილი.ახლა ბავშვი ხუთი წლისაა. ერთ დღეს დანიელამ გადაწყვიტა მეტი გაეგო მისი ქალიშვილის წარმოშობის შესახებ, გაეგო ჯანმრთელობის შესაძლო პრობლემების შესახებ. მან, მისმა ქალიშვილმა და მისმა ნათესავებმა დნმ-ის ტესტი გაიკეთეს.
მიღებულმა შედეგებმა ყველა გააოცა. აღმოჩნდა, რომ დონორი დანიელას ოჯახის ერთ-ერთი ნათესავი იყო. დანიელა ამ ამბით ძალიან გაოგნებული იყო.გამოყენებული ბიოლოგიური მასალა იყო კრიობანკიდან, რომელიც კლიენტებს სრული ანონიმურობის გარანტიას აძლევს.ვინაიდან ნათესავმა არ მოისურვა რაიმე სახის ურთიერთობა, დანიელამ გადაწყვიტა დაევიწყებინა მიღებული ტესტის შედეგები.
ცოტა ხანში მან კრიობანკიდან წერილი მიიღო. მას ატყობინებდნენ, რომ დონორთან არანაირ კავშირზე არ უნდა გასულიყო. წინააღმდეგ შემთხვევაში, მას საკუთარი ცნობისმოყვარეობის გამო დიდი ჯარიმის გადახდა მოუწევდა – ოცი ათასი დოლარის. გარდა ამისა, კრიობანკმა წაიღო ბიოლოგიური მასალის ფლაკონები, რომლებიც მან უკვე შეიძინა, რათა მისი ქალიშვილის გენეტიკური ძმები და დები გაეჩინა.
ამ ყველაფრის შემდეგ დანიელა გაოგნებული იყო. ის ამბობს, რომ ეს ყველაფერი ქალიშვილზე ზრუნვის გამო გააკეთა, კრიობანკმა კი იგი თითქმის ვიღაც დამნაშავედ აქცია.კრიობანკის თანამშრომლები აცხადებინ, რომ ისინი არ უკრძალავენ კლიენტებს დნმ-ის ტესტის ჩატარებას, მაგრამ ნამდვილად არ მოსწონთ, როდესაც ტესტის შედეგებს დონორის მოსაძებნად იყენებენ. რატომ? იმიტომ, რომ ყველა კლიენტი ხელს აწერს ხელშეკრულებას, სადაც ნათქვამია, რომ ისინი არ მოიძიებენ კონტაქტს ბიოლოგიური მასალის დონორთან.
დანიელა გაოგნებულია იმის გამო, რომ კრიობანკმა ბიოლოგიური მასალა წაიღო და მომავალი შვილების გაჩენის შესაძლებლობა წაართვა.სპეციალისტების აზრით, მეცნიერების ინტენსიური განვითარების წყალობით, დონორთა ანონიმურობის შენარჩუნება სულ უფრო და უფრო რთულდება.
